Шинэ борлуулалтын цэг нээх алхам
Шинэчилсэн:2024/03/17 Унших:2 мин 53 сек
Та шинээр борлуулалтын цэг нээхдээ Dayansoft POS програм ашиглах бол дараах шат дараалал, алхмын дагуу ажиллана уу. Програм ашиглахын тулд заавал биечлэн уулзах, цаасаар гэрээ байгуулж цаг алдах шаардлагагүй. Таниас, танай талаас шалтгаалсан ажлуудыг цаг хугацаанд нь хийгээгүйн улмаас борлуулалтын цэг товлосон хугацаандаа нээгдэхгүй байх эрсдэлтэйг анхаарна уу. Хэрвээ 2 талаас хариуцсан ажлуудын цаг хугацаанд нь хурдан хийсэн тохиолдолд шинэ борлуулалтын цэгийг 1 цагийн дотор ч эхлүүлэх боломжтой байдаг бол хугацаа алдсанаар хэдэн өдөр болох тохиолдол ч байдаг. Бидний хувьд ажлын өдрүүдэд, ажлын цагаар ажиллах ба Ebarimt хэвлэхийн тулд татварын байгууллагаас posAPI захиалж, баталгаажуулах ажил нь мөн ажлын өдөр, ажлын цагаар хийгддэгийг анхаарна уу.
Dayansoft POS програм ашиглаж эхлэхэд шаардлагатай дараах асуултанд хариулаарай.
Шинэ борлуулалтын цэг нээх дараалал:
- Алхам 1. Гэрээ байгуулж, нэхэмжлэх авах
- Хэрвээ танай байгууллага Даянсофт ХХК-н бүтээгдэхүүн, үйлчилгээг анх удаа авч байгаа бол "Гэрээ байгуулах" формыг бөглөж илгээнэ. Утсаар холбогдож мэдээлэл тодруулах шаардлагатай бол 7222-3333 (2) шугамаар холбогдоно уу. Хэрвээ өмнө нь гэрээ байгуулсан програм ашигладаг хэрэглэгч бол зөвхөн нэмэлт програм авах тухайгаа чатаар мэдэгдээд, гэрээ байгуулахгүйгээр нэмж авах програмын нэхэмжлэх хүлээн авахад болно.
- Алхам 2. Програм суулгах төхөөрөмж бэлдэх
- Шинэ салбарын програм суулгах Windows үйлдлийн системтэй шаардлага хангасан компьютераа бэлдэж, интернетэд холбоно. Манай компани огт тоног төхөөрөмж зардаггүй бөгөөд өмнөх линкээс зардаг газар, шаардлагатай үзүүлэлтийг харна уу.
- Алхам 3. Гэрээ баталж, төлбөр шилжүүлэх
- Бид таны илгээсэн мэдээллийн дагуу гэрээ, нэхэмжлэхийг бэлдэж илгээгээд танай байгууллагад (таны бизнест) зориулж тусдаа messenger group үүсгэнэ. Цаашид програмын суурилуулалт, зөвлөгөөг тус группээр дамжуулж үзүүлнэ. Гэрээ, төлбөрийн шилжүүлэг хийгдээгүй тохиолдолд програмын суурилуулалт, сургалт хийгдэхгүй болохыг анхаарна уу.
- Алхам 4. Татвараас ebarimt хэвлэх posAPI захиалах. Даянсофт ХХК хариуцан хийнэ.
- Хэрвээ танай байгууллага Даянсофт ХХК-с өмнө өөр програм ашиглан Ebarimt олгож байсан тохиолдолд татвар руу албан хүсэлт илгээх шаардлагатай болдог. (Албан хүсэлт линк дээр дарж зааварчилгаа, албан хүсэлтийн загварыг татаж илгээнэ үү.) Энэ ажил нь ажлын цагаар зөвхөн баталгаажилт хийдэг тул яаралтай илгээхийг анхааруулж байна.
- Алхам 5. Шинэ борлуулалтын цэгтэй холбоотой тохиргоо нэг удаагийн тохиргоо мэдээлэл оруулах. Энэ ажлыг 2 тал мэдээлэл солилцож хамтарч хийнэ!
- 5-1. Шинэ борлуулалтын цэгийг салбар болгож үүсгэнэ. (Салбар нэгж тохируулах)
- 5-2. Борлуулалтын цэгт ажиллах касс, менежер ажилтнуудыг бүртгэнэ. (Ажилтан бүртгэх)
- 5-3. Борлуулалтын цэгийг харилцагч болгон бүртгэнэ. (Харилцагчийн ерөнхий мэдээлэл бүртгэх)
- 5-4. Шинэ салбарын бараа материалын данс үүсгэнэ. Dayansoft ERP систем ашигладаг бөгөөд салбараар ялгах шаардлагатай тохиолдолд Борлуулалтын орлого, Борлуулалтын хөнгөлөлт, ББӨ дансуудыг ялган үүсгэнэ. (Бараа материалын данс тохируулах)
- 5-5. Посоор зарагдах бараа, үйлчилгээ буюу меню оруулна. (Бараа материал гараар нэг бүрчлэн бүртгэх, Бараа кодыг хувилж үүсгэх, Бараа кодыг excel файлаас олноор импортлож оруулах, Dayansoft POS програмаас бараа меню удирдах 4 аргаас сонгож оруулах боломжтой.)
- 5-6. Шинэ борлуулалтын цэгийг посын бүртгэлд үүсгэнэ. Dayansoft POS програмын бүртгэл, тохиргоо хийх.
- Алхам 6. Dayansoft POS програмыг зайнаас хандаж суулгах, тохируулах
- Програм суурилуулалт, тохиргоо нийт 5-30 минутанд багтах ба ebarimt тохиргоо, принтер, бусад тоног төхөөрөмжөөс шалтгаалсан нэмэлт тохиргооноос хамаарч хугацаа нэмэгдэж болно.
- Алхам 7. Dayansoft POS програмаар борлуулалт бичиж эхлэх
- Програмын гарын авлагатай танилцаж, програмаа ашиглаж эхэлнэ. Dayansoft POS програм нь цөөхөн үйлдэл, функцтэй учраас заавал сургалт шаардлагагүй байдаг. Өмнөх гарын авлага зааварчилгаатай танилцаад өөрт хэрэгтэй үйлдлүүдийн зааварчилгааг аваад шууд ашиглахад болно. Хэрвээ шаардлагатай бол яг борлуулалт бичиж эхлэх өдрөө, эсвэл өмнөх өдөр нь 5-10 минутанд багтаад зөвлөгөө аваад эхлэхэд болно. Танд амжилт хүсье.
Dayansoft ERP системийн шинэ хэрэглэгч болох алхам зааврыг энд дарж танилцана уу.