Хөрөнгийн хөдөлгөөн, эзэмшигч шилжүүлэх
Шинэчилсэн:2023/11/19 Унших:1 мин 42 сек
Dayansoft ERP системийн цэс: Үндсэн хөрөнгө -> Хөрөнгийн хөдөлгөөн
Энэ цонхонд хөрөнгийн хөдөлгөөний баримтыг жагсаалтаар харуулна.Баримт засахдаа тухайн засах мөрөн дээр 2 удаа дарах эсвэл Үйлдэл/Засах товч дарж засвар оруулаад Хадгалах товч дарна.
Dayansoft ERP системийн цэс: Үндсэн хөрөнгө -> Хөрөнгийн хөдөлгөөн -> Шинэ
Энэ цонхонд үндсэн хөрөнгийн хөдөлгөөн бүртгэнэ. Үндсэн хөрөнгийн хөдөлгөөн нь
- Данснаас данс хооронд
- Байршлаас байршил хооронд
- Эзэмшигчээс эзэмшигч хооронд хийгдэж болно. Нэмэхдээ жагсаалтаас Шинэ (Ctrl+N) товч дарна. Устгах, засах ажиллагаа нь бусад цонхтой ижил. Баримтын мэдээллийг Үйлдэл -> Хэвлэх товч дарж хэвлэх боломжтой.
Толгой мэдээлэл
- Харилцагч код – Харилцагчийн кодыг сонгож оруулна.
- Харилцагч нэр – Сонгосон харилцагчийн нэрийг харуулна.
- Утга – Баримтын утга, тайлбар бичнэ.
- Дугаар – Баримтын дугаарыг оруулна. Дугаар оруулаагүй үед систем автоматаар дугаарлана.
- Огноо – Баримтын огноог оруулна.
Дээрх мэдээллийг оруулаад “Нэмэх” товч дарахад дараах цонхыг дуудна. Энэ цонхонд баримтын огноонд хамаарах хөрөнгийн үлдэгдлийг шүүн харуулахыг анхаарна уу. Хөрөнгөө хайж олж сонгоно. Шүүлт хийлгүй шууд “Хайх” товч дарвал бүх үлдэгдэлтэй хөрөнгийг шүүн харуулна. Хэрэглэгч нар хөрөнгийн данс, код, эдийн дугаараа буруу оруулаад тухайн хөрөнгөө хайж олохгүй байх тохиолдол гардаг.
Хөрөнгийн үлдэгдэл цонхноос хөрөнгийн данс, код, эдийн дугаар зэргээр хөрөнгө хайх боломжтой бөгөөд хөрөнгийн мөрийн эхний баганад байрлах checkbox-г сонгоод Сонгох товч дарна. Жагсаалтанд шүүсэн бүх хөрөнгийг сонгохын тулд баганын гарчиг дээрх checkbox-г сонгоно.
Гүйлгээний мэдээлэл
- Хөрөнгө данс-> – Сонгосон хөрөнгийн дансны код харуулна.
- Хөрөнгө данс – Хөрөнгө орлогодох данс сонгоно.
- Хөрөнгө код – Сонгосон үндсэн хөрөнгийн код харуулна.
- Хөрөнгө нэр – Сонгосон үндсэн хөрөнгийн нэрийг харуулна.
- Эдийн дугаар – Сонгосон үндсэн хөрөнгийн эдийн дугаарыг харуулна.
- Тоо – Тоо ширхэг оруулна.
- Нийт өртөг – Хөрөнгийн нийт өртгийн дүнг харуулна.
- Нийт элэгдэл – Хөрөнгийн нийт элэгдлийн дүнг харуулна.
- Байршил-> – Сонгосон үндсэн хөрөнгийн байршлыг харуулна.
- Байршил – Үндсэн хөрөнгийн шинэ байршлыг сонгоно.
- Эзэмшигч-> – Сонгосон үндсэн хөрөнгийн эзэмшигчийг харуулна.
- Эзэмшигч – Үндсэн хөрөнгийн шинэ эзэмшигчийг сонгоно.
Хөрөнгийн шилжилт хийж байгаа тохиолдолд буюу эзэмшигчийг сольж байгаа үедээ журнал бичилт хийхгүй. Харин хөрөнгийн дансыг нь соливол журнал бичилт хийх юм.
Хөрөнгийн эзэмшигчийг солихдоо Үндсэн хөрөнгө -> Хөрөнгө хөдөлгөөн цонх руу орж зурагт үзүүлсэн зааврын дагуу солиод Хадгалах товчийг дарна..
