Дансны эхний үлдэгдэл (баланс данс, түр данс)

---

Шинэчилсэн:2023/12/01 Унших:2 мин 30 сек

Dayansoft ERP системийн цэс: Санхүү бүртгэл -> Данс эхний үлдэгдэл

Түгээмэл асуулт, хариулт:

• Асуулт №1: Дансны эхний үлдэгдлийг дараа нь засч болох уу, эсвэл оруулахгүй эхлээд дараа нь нөхөж оруулж болох уу?

  • Болно.

• Асуулт №2: Эхний үлдэгдлээ оруулчихлаа. Баланс хөл дүн нь таарахгүй байна.

  • Хэрвээ танай байгууллага өмнө нь үйл ажиллагаа явуулж байсан үндсэн хөрөнгө болон хуримтлагдсан элэгдэлтэй үед эхний үлдэгдэл цонхонд эхний үлдэгдэл оруулсны дараах хөл дүн нь таны тайлангийн Балансын дүнгээс зөрүүтэй харагдана. Учир нь Хөрөнгийн хуримтлагдсан элэгдэл данс нь Пассив буюу Кредит талдаа үүсдэг данс учраас Балансын үлдэгдлээс хөрөнгийн элэгдлийн дүнг 2 дахин ихэсгэсэн дүнгээр харагдана. Жишээ нь: Ерөнхий дэвтрийн эхний үлдэгдэл дээр Элэгдэл 1,000₮ оруулж өгсөн бол Балансын дүнгээс хөл дүн нь 2,000₮-р илүү харагдана гэсэн үг.
  • Мөн Хуримтлагдсан ашиг нь сөрөг буюу алдагдалтай үед Кредит талд сөрөг харагдах бөгөөд энэ цонхонд танай балансын дүнг бууруулж харагдана. Энэ цонх нь зөвхөн эхний үлдэгдэл оруулах цонх бөгөөд та балансаа Тайлан -> Санхүү бүртгэл -> Санхүү байдлын тайлангаас хараарай.

• Асуулт №3: Эхний үлдэгдлээ оруулчихсан байхад бараа материал, тооцоо, хөрөнгийн тайлан дээр харагдахгүй байна.

  • Туслах журналтай данснуудын хувьд задаргааг тус тусын модулийн Эхний үлдэгдэл цонхонд оруулна. Бараа материал, харилцагчийн тооцоо, хөрөнгийн тайлангууд нь задаргаанаас харуулдаг. Энэхүү зааварчилгааны доод хэсэгт хэрхэн оруулах зааварчилгаа байгаа.

Энэ цонхонд Данс төрөл: сонголтыг сольж Байнгын данс, Түр дансуудыг сольж:

• Балансын эхний үлдэгдэл буюу Байнгын дансны эхний үлдэгдэл
• Орлогын дэлгэрэнгүй тайлангийн хувьд өмнөх оны буюу түр дансны өмнөх оны дүнг оруулна.

1. Огноо: Санхүү бүртгэл -> Тайлант үе цонхны Эхний үлдэгдлийн огноог харуулна. Хэрвээ эхний үлдэгдлийн огноог өөрчлөх шаардлагатай бол Санхүү бүртгэл -> Тайлант үе цонхонд тохируулаад Хадгалах товч дарна.
2. Эхний үлдэгдлийг Данс тус бүрийн харгалзах Дүн баганад гараас оруулах бөгөөд тухайн дансны Баланс шинжээр (актив, пассив) нь дебет, кредит талд програм салгаж харуулна. Хөрөнгийн хуримтлагдсан элэгдлийн дансны дүнг Дүн багананд нэмэх дүнгээр оруулна.
3. Дансны эхний үлдэгдлийг оруулаад Хадгалах товч дарж хадгалах бөгөөд дебет, кредит-ийн хөл дүн нь тэнцэх ёстой.

Туслах журналтай данснуудын эхний үлдэгдлийн дүнг оруулах болон дэлгэрэнгүй хэлбэрээр харахыг хүсвэл дараах холбоосуудаар ороод тус бүрийн зааврын дагуу эхний үлдэгдлийнхээ дүнг оруулах, харах боломжтой.

• Өглөг, авлагын эхний үлдэгдэл

• Үндсэн хөрөнгийн эхний үлдэгдэл

• Бараа материалын эхний үлдэгдэл

Дансны эхний үлдэгдэл цонхонд дараах мэдээллийг харуулна.

• Данс төрөл – Дансны төрлийн код харуулна.
• Данс код – Дансны код харуулна.
• Данс нэр – Дансны нэр оруулна. Данс төрөл: сонголтонд Байнгын данс, Түр дансуудыг сонголтоос хамаарч балансын болон орлогын дэлгэрэнгүй тайлангийн дансууд шүүгдэж харагдана.
• Салбар нэгж - Тухайн дансны салбар нэгжийг харуулна.
• Бизнес төв - Тухайн дансны бизнес төв харуулна.
• Валют - Тухайн дансны валют харуулна.
• Ханш - Валютын дансны хувьд эхний үлдэгдэл оруулж буй хугацаагаарх ханшийг оруулна.
• Дүн - Эхний үлдэгдэл оруулж буй хугацаагаарх тухайн дансны үлдэгдлийн дүнг оруулна.
• Дебет дүн - Дансны шинжээс хамаарч Дүн баганын утгаас авч харуулна.
• Кредит дүн - Дансны шинжээс хамаарч Дүн баганын утгаас авч харуулна.
• Өмнөх оны дүн - Түр дансны хувьд өмнөх оны дүнг оруулна.
• Туслах журнал - Тухайн данс туслах журнал хөтлөх эсэх тохиргоог харуулна.
• Харилцагч - Харилцагч сонгож оруулах боломжтой. Туслах журналгүй дансны хувьд нэг харилцагч сонгож тохируулах боломжтой.

---