Пос хэвлэгч, принтер тохиргоо
Шинэчилсэн:2022/10/13 Унших:1 мин 33 сек
Dayansoft ERP системийн цэс: Борлуулалт -> Пос тохиргоо -> Хэвлэх
Хэрвээ Dayansoft POS програмаас энэ тохиргоог өөрчлөх бол Үйлдэл -> Принтер тохиргоо товч дээр дарна.
Энэ цонхонд Dayansoft POS-н програмд төлбөр тооцоо хийхэд үндсэн баримт хэвлэх принтер болон хэвлэлттэй холбоотой тохиргоог хийнэ.
- Хэвлэгчийн нэр – Баримт хэвлэх үндсэн принтерийн нэр тохируулна. Кассын төхөөрөмжийн хажууд байрлах буюу тек дээрх принтер гэсэн үг. Кассын төхөөрөмжинд тухайн принтерийг таниулаад Tek нэршлээр өгөх нь ойлгомжтой болгодог. Харин гал тогоо болон бусад принтерийг тохируулах бол Бараа материал -> Бараа ангилал цонхонд тохируулна уу.
- Цаасны өргөн - Принтерийн цаасны өргөнийг тохируулна. Кассын принтер нь өргөн, нарийн буюу 80, 58mm гэсэн 2 сонголттой байдаг.
- Цаасны зүүн талаас авах зай - Таниулсан принтерээр баримт хэвлэж шалгах ба цаасыг голлуулж тохируулж хэвлэхийн тулд зүүн талаас авах зайг ихэсгэж, багасгаж тохируулна.
- Борлуулагчийн хувь хэвлэх эсэх - Хэрэглэгчид өгөх ebarimt-с гадна борлуулагч талд үлдэх борлуулагчийн хувь баримт хэвлэх бол тэмдэглэнэ. Олон хувь хэвлэх шаардлагатай бол Борлуулалт-Пос тохиргоо-Нэмэлт тохиргоо цонхонд тохируулна уу.
- Захиалга хэвлэх эсэх - Захиалгын хуудас хэвлэх бол тэмдэглэнэ.
- Order sheet хэвлэх эсэх - Захиалсан барааг тек, гал тогоо зэрэг тохируулсан принтер рүү хэвлэх бол тэмдэглэнэ. Энэ хуудсыг харж захиалагчийн захиалгыг биелүүлнэ.
- Bell sheet хэвлэх эсэх - Хонх буюу захиалгын дугаар хэвлэх, захиалгын дугаараар дуудаж захиалга өгдөг үед ашиглана.
- Employee sheet хэвлэх эсэх - Захиалгыг ажилтан тус бүрээр ялгаж бүртгэдэг, өөрөөр хэлбэл үйлчилгээний бизнест ажилтан тус бүрт хуудас хэвлэх үед ашигладаг. Жишээ нь, салоны хувьд үсчнээ сонгоно, гоо сайхны мэргэжилтнээ сонгон үйлчлүүлнэ гэх мэт.
- Татваргүй үнэ хэвлэх эсэх - Ebarimt хэвлэхдээ барааны мөрийн хувьд татваргүй үнээр хэвлэх бол тэмдэглэнэ. Нийт хөл дүн дээр татвар нэмэгдэж хэвлэгдэнэ.
- Баримтын толгойд хэвлэх текст - Баримтын толгой хэсэгт хэвлэх нэмэлт мэдээлэл оруулна. Салбарын мэдээлэл байж болно.
- Баримтын хөлд хэвлэх текст - Баримтын хөл хэсэгт хэвлэх нэмэлт мэдээлэл оруулна. Wifi name, pass, restroom code, thank you, thanks for shopping гэх мэт янз бүрийн хэрэглээ байж болно.