Пос бараа данс, үнэ
Шинэчилсэн:2022/10/06 Унших:2 мин 12 сек
Dayansoft ERP системийн цэс: Борлуулалт -> Пос тохиргоо -> Бараа данс, үнэ
Энэ цонхонд Dayansoft POS-н програмын борлуулалт хийх үед ямар бараа материалын данснуудаас борлуулалт гарахыг тохируулна. 1 ПОС дээр олон бараа материалын данс тохируулж болно.
Нэмэхдээ Нэмэх (Ctrl+Insert) товч дарна. Устгах, засах ажиллагаа нь бусад цонхтой ижил.
Бараа данс
- Пос – Посын код, нэр, бизнес нэр харагдана.
- Данс код - Барааны данс сонгоно.
- Данс нэр - Сонгосон дансны нэр харуулна.
- Товч код - Dayansoft POS програмд тухайн дансны кодыг харуулах товч код өгч харуулж болно. Дансны кодыг бүтнээр нь харуулахад хэтэрхий урт байдаг ба ПОС програмд тухайн урт кодчилол ашиглагдахгүй, зөвхөн тасгаа ялгаж харах хэрэгцээтэй үед товч код өгдөг.
- Үнийн жагсаалт - Тухайн дансны бараа материалуудыг ямар үнийн жагсаалтаар зарахыг тохируулна.
- Хөнгөлөлт % - Тухайн дансны тохируулсан үнийн жагсаалтаас бүх бараанд ижил хувиар хөнгөлөлт тооцох үед хөнгөлөлтийн хувь тохируулж болно.
Зөвлөмж:
- Дансаа зөв тохируулаагүй, эсвэл тухайн дансыг Барааны код дээр тохируулаагүй бол ПОС дээр тухайн бараа харагдахгүй болохыг анхаарна уу.
- Тодорхой хугацаанаас бүх барааны үнэд өөрчлөлт оруулах тохиолдолд шинэ үнийн жагсаалт үүсгэж үнээ тохируулаад тухайн үнэ мөрдөж эхлэх өдрөөс эхлэн Борлуулалт -> Пос тохиргоо -> Бараа данс цонхны үнийн жагсаалтыг солиод, Dayansoft POS програм дээр мэдээлэл шинэчлэхэд болно.
- Дэлгүүрүүд тасгаараа барааны данс үүсгэж, бүх тасгийн дансыг энэ цонхонд тохируулдаг.
- Ресторанууд ихэвчлэн гал тогоо, тек гэсэн 2 бараа материалын данс үүсгэж тохируулдаг. Гэхдээ зөвхөн нэг бараа материалын дансаар явдаг ресторанууд ч байдаг.
- Нэг төрлийн бараа материал зардаг, олон тасаг гэх зүйлгүй борлуулалтын цэгүүд зөвхөн нэг дансаар бүртгэлээ хөтлөх нь үлдэгдлээ зөв хөтлөхөд дөхөм байдаг.
Dayansoft ERP системийн цэс: Борлуулалт -> Пос тохиргоо -> Бараа данс, үнэ -> Нэмэлт үнийн жагсаалт
Энэ цонхонд Dayansoft POS-н програмд Борлуулалт -> Пос тохиргоо -> Бараа данс, үнэ цонхонд тохируулсан үнийн жагсаалтаас өөр нэмэлт үнийн жагсаалтаар төлбөр тооцоо хийх шаардлага, хэрэгцээтэй үед энэ цонхонд нэмэлт үнийн жагсаалтыг тохируулна. Гэрээт харилцагч, дотоод ажилчид, гишүүн хэрэглэгч, байгууллагууддаа, эсвэл хөнгөлөлт урамшууллын хугацаанд өөр үнээр бараа бүтээгдэхүүнээ борлуулах бизнес хэрэглээнд ашиглаж болно.
- Нэмэлт үнийн жагсаалт – Тухайн ПОС-д үйлчлэх нэмэлт үнийн жагсаалтыг нэмж тохируулна. Эхлээд Борлуулалт -> Үнийн жагсаалт цонхонд нэмж, тухайн үнийн жагсаалтаар бараа бүтээгдэхүүн дээрээ үнэ тохируулсан байх шаардлагатай.
Үнэ тохируулсны дараа Dayansoft POS програмаас мэдээлэл шинэчилнэ. Dayansoft POS програм дээр тухайн бараагаа сонгоод
- “Үнийн жагсаалт” товч - бүх барааг тухайн үнийн жагсаалтаар зарах бол
- “Үнэ” товч - тухайн нэг барааг тухайн үнийн жагсаалтаар зарах бол дарна.
Хэрвээ тухайн бараанд тухайн үнийн жагсаалтаар үнэ тохируулаагүй бол “Сонгосон үнийн жагсаалтаар дараах барааны үнэ тохируулаагүй байна. ERP системд үнэ тохируулсны дараа мэдээллийг дахин шинэчилж үнийн жагсаалт сонгоно уу!” гэсэн үнэ тохируулаагүй байгаа тухай алдааны мессэж харуулна. ERP системд тухайн үнийн жагсаалтаар үнээ тохируулаад POS програм дээр мэдээллээ шинэчлэхэд болно.