Excel файлаас хэрхэн импорт хийх вэ?
Шинэчилсэн:2024/01/11 Унших:2 мин 6 сек
Dayansoft ERP системд янз бүрийн бизнес хэрэглээ шаардлагаар Excel файлаар тодорхой форматын дагуу бэлдсэн мэдээллийг олноор нь тус тусын бүртгэлд импорт хийж оруулах боломжтой. Жишээ нь,
- Анх систем ашиглаж эхлэх үед их хэмжээний мастер дата, лавлах мэдээлэл, бүр цаашлаад гүйлгээ мэдээллийг ч оруулах хэрэгтэй болдог
- Байнга шинэ төрлийн бараа материал импортоор татан авдаг байгууллагын хувьд татан авалт хийх бүртээ хэдэн зуу, хэдэн мянган барааг нэг бүрчлэн системд шивнэ гэдэг нь маш их гар ажиллагаа, цаг хугацааг шаарддаг.
Одоогоор Dayansoft ERP системд бизнесийн хэрэгцээ шаардлагын дагуу дараах бүртгэл мэдээллүүдийг тодорхой форматын дагуу бэлдэж шууд импортлон оруулах боломжтой байгаа.
Мастер дата
- Ажилтны бүртгэл
- Харилцагчийн бүртгэл
- Барааны кодын бүртгэл
- Хөрөнгийн кодын бүртгэл
Эхний үлдэгдэл
- Тооцооны эхний үлдэгдэл
- Бараа материалын эхний үлдэгдэл
- Хөрөнгийн эхний үлдэгдэл
Гүйлгээ
- Кассын гүйлгээ
- Харилцахын гүйлгээ
- Журнал бичилт, гүйлгээ
- Бараа материалын дотоод орлого
- Бараа материалын дотоод зарлага
- Бараа материалын дотоод хөдөлгөөн
- Бараа материалын тооллого
- Худалдан авалт
- Татан авалт
- Борлуулалт
- Үйлдвэрлэлээс орлого
- Цаг бүртгэл
Тохиргоо
- Үнэ, үнийн тохиргоо
- Стандарт орц норм
- Стандарт өртөг
Цаашид хэрэглэгч, бизнесийн хэрэгцээ шаардлагын дагуу импортлох боломжгүй цонх, модулиуд дээр нэмэлт хөгжүүлэлт хийх замаар импортлох боломжийг нэмнэ. Мөн энэ зааварчилгааны дагуу биш шууд цонхондоо copy, paste зарчмаар оруулах боломж байдаг.
Excel-с мэдээллийг олноор импортлохдоо бүх цонх, бүртгэл ижил зарчимтай тул энд зааварчилгааг дэлгэрэнгүй оруулъя. Excel-с дата, мэдээлэл Dayansoft ERP системд импортлох алхмууд:
-
Тухайн мэдээллийг оруулах цонхноос Үйлдэл -> Импортлох темплэйт татах товч дарна. Энэ товчийг дарахад Dayansoft ERP/Imports фолдерт шинэ excel файл үүсч хадгалагдаад автомат нээгдэнэ.
-
Оруулах гэж байгаа цонх, бүртгэлийн онцлогоос хамаарч өөр өөр темплэйт гарч ирэх ба темплэйтийн дагуу мэдээллээ зөв, бүрэн гүйцэд бөглөнө.
-
Үйлдэл -> Импорт товч дарж Dayansoft ERP/Imports фолдероос бөглөсөн Excel файлаа нэр, огноо, цаг минутаар нь шүүж хайж олоод сонгоно.
-
Хэрвээ таны бөглөсөн утга зөв бол амжилттай импорт хийгдэнэ. Хэрвээ буруу, дутуу бол алдааны мессэж харуулна.
Анхаарах зүйл:
- Бэлдсэн excel файлаа хаасны дараа импортлоно уу.
- Excel-с анх удаа импорт хийхэд түгээмэл тохиолддог нэг алдаа бол “The 'Microsoft.Jet.OLEDB.4.0' provider is not registered on the local machine.” ба энд дарж зааварчилгааны дагуу засна уу.
- Цонх бүрийн талбар бүрт ямар утга авч байгааг системээс урьдчилж шалгаад зөв төрөлтэй (format) бэлдэх шаардлагатай. Буруу утга оруулсан тохиолдолд "Input string was not in a correct format." алдааны мессэж харуулна. Жишээ нь, Ажилтны бүртгэл дээр Төрсөн гэсэн багананд он, сар, өдрийг 1959.02.05 гэж оруулахгүйгээр “1959 он” гээд бичиж болохгүй.
- Excel импортлох үед бэлдсэн дата мэдээллийн эхний 8 мөрөн дэх утгаас тухайн баганын утгын формат тоо, текст, огноо байх эсэхийг тодорхойлдог тул (Энэ нь excel програмын өөрийнх нь логик) эхний 8 мөрийн утгыг зөв оруулахыг зөвлөж байна.