Тооцооны эхний үлдэгдэл оруулах

---

Шинэчилсэн:2023/11/16 Унших:1 мин 42 сек

Dayansoft ERP системийн цэс: Санхүү бүртгэл -> Тооцоо эхний үлдэгдэл

Энэ цонхонд өглөг, авлагын эхний үлдэгдлийг данс, харилцагч, хариуцагч, тооцоо үүссэн огноогоор нь тус тус салгаж бүртгэнэ.

• Шинэ товч дараад Данс сонголтонд эхний үлдэгдэл оруулах өглөг авлагын дансыг сонгож тохируулна. Туслах журнал хөтлөх тооцооны данснууд харагдана. Хэрэв үлдэгдэл оруулах данс харагдахгүй байвал Данс код -> Тухайн дансны Туслах журнал баганад Туслахтай болгож сонгож өгнө.

• Огноо: Санхүү бүртгэл -> Тайлант үеийн Эхний үлдэгдэл огноог харуулна.

• Нэмэх товч дарж мөр нэмэн өглөг авлагын эхний үлдэгдлийг харилцагч, хариуцагч, тооцоо үүссэн огноогоор салгаж бүртгэнэ.

• Устгах товч дарж мөр устгана.

• Мөр мөрөөр сонгон оруулна уу.

• Харилцагч код, Харилцагч нэр: Өглөг авлагын тооцоо үүссэн харилцагчийг сонгоно. (Харилцагчийн бүртгэл байхгүй бол Үндсэн тохиргоо -> Харилцагч цонхонд нэмнэ)

• Валют: Дансны валют харуулна.

• Ханш: Валютын дансны хувьд эхний үлдэгдлийн огноогоор ханш харуулна. Ханшийг гараас өөрчлөх боломжтой.

• Дүн: Өглөг авлагын эхний үлдэгдлийн валют дүн оруулна.

• Дүн Т: Өглөг авлагын эхний үлдэгдлийн дүн оруулна.

• Тооцоо №: Өглөг авлагын тооцоо үүссэн баримтын систем дугаарыг оруулна.

• Тооцоо хариуцагч: Тухайн өглөг авлагын тооцоо хариуцагчийг сонгоно. (Тооцоо хариуцагчийн бүртгэл байхгүй бол Үндсэн тохиргоо -> Ажилтан цонхонд нэмнэ)

• Гэрээ код: Харилцагчтай байгуулсан тухайн тооцооны гэрээг сонгоно.

• Ажил код: Ажлын код сонгоно.

• Төлбөрийн хуваарь: Өглөг авлагын төлбөрийн хуваарийг сонгоно.

• Утга: Утга оруулна. (Жишээ нь: Эхний үлдэгдэл)

• Тооцоо үүссэн: Өглөг авлагын тооцоо үүссэн огноог оруулна. (Өглөг авлагыг тооцоо үүссэн огноогоор нь салгаж бүртгэснээр өглөг авлагыг насжилтаар нь тайланд харах боломжтой.)

• Данс: Өглөг авлагыг буруу дансанд бүртгэсэн эсвэл өөр дансанд шилжүүлэх бол өглөг авлагыг шилжүүлэх дансыг сонгоно.

Дээрх цонхны мэдээллүүдийг оруулаад Хадгалах товч дарж бүртгэлийг хадгалах бөгөөд тухайн дансны эхний үлдэгдлийн хөл дүн нь Санхүү бүртгэл -> Данс эхний үлдэгдлийн дүнтэй тэнцэх ёстой.

Анхаарах зүйлс:

• Энэ цонхонд эхний үлдэгдлийн оруулсан мэдээлэл нь Санхүү бүртгэл -> Данс эхний үлдэгдэл буюу дансны эхний үлдэгдэлд автомат очихгүй бөгөөд тус цонхонд бөөн дүнгээр дахин оруулахыг анхаарна уу.
• Эхний үлдэгдлийг гүйлгээ хийсний дараа нөхөн оруулж болно.
• Тайлант үе хаасан үед эхний үлдэгдэлд өөрчлөлт оруулах боломжгүй ба заавал тайлант үе нээсний дараа өөрчлөх боломжтой.

Үйлдэл -> Импортлох темплэйт татах товч дарж загвар файлын дагуу бөөнөөр импортлон оруулах боломжтой.

---