Барааны үнэ, хөнгөлөлт
Шинэчилсэн:2022/11/09 Унших:1 мин 45 сек
Dayansoft ERP системийн цэс: Бараа материал -> Барааны код -> Тохиргоо
Үнэ тохируулахдаа уг бараа код руу орж Тохиргоо -> Үнэ тохиргоо хэсэгт “Нэмэх” товч дарж үнийн жагсаалтаа сонгоод үнээ оруулна. Өмнө нь тохируулсан үнэ засах бол шууд “Зарах үнэ” дээр засвараа оруулаад хадгална. Тухайн үнийн жагсаалтаар тохируулсан үнийг хасах буюу устгах бол “Хасах” товч дараад хадгална.
- Үнийн жагсаалт – Үнэ тохируулах үнийн жагсаалт сонгоно. Үнэ нь заавал 1 үнийн жагсаалтанд харъяалагдана.
- Зарах үнэ – Барааны татвар шингэсэн зарах үнийн дүнг оруулна. Хэрвээ Dayansoft POS програмаас тухайн нөхцөл байдлаас хамаарч бараа, үйлчилгээг дурын үнээр зардаг бол үнэ тохируулах шаардлагагүй бөгөөд үнэ тохируулаагүй тухайн бараа Dayansoft POS програмд үнэгүй буюу үнийн оронд асуултын тэмдэг (?) харагдана. Ийм тохиолдолд гараас дурын үнээр борлуулалт хийх боломжтой.
- Бөөний үнэ – Барааг бөөний үнээр борлуулдаг бол бөөний зарах үнийг оруулна.
- Бөөний тоо – Барааг бөөний үнээр зарах бөөний тоо хэмжээг оруулна. Тохируулснаар Dayansoft POS програмаар борлуулалт хийх үед борлуулж буй тооноос хамаарч тохируулсан үнэ автоматаар дуудагдана.
- Хөнгөлөлт % – Тухайн барааны хөнгөлөлтийн хувийг оруулна.
Үнийн түүх – Энэ товчоор тухайн барааны үнэ өөрчилсөн түүх харуулна. Үнэ өөрчилсөн түүхийг хэрэглэгч гараас устгах боломжгүй.
Анхаарах зүйл:
- Үнэ өөрчилсөн тохиолдолд Dayansoft POS програмаас Мэдээлэл шинэчлэх товч дарж үнийн өөрчлөлтийг хүлээн авна. Үнэ өөрчилсөн тохиолдолд тухайн үеэс хойш хийсэн борлуулалт шинэ үнээр хийгдэх ба үнэ өөрчлөхөөс өмнө хийгдсэн борлуулалт, баримтууд хуучин үнээр түүх болон үлдэнэ.
- Хэрвээ үнэ тохируулсан боловч Dayansoft POS дээр үнэ нь ? харагдаж байвал POS дээрх үнийн жагсаалтаас өөр жагсаалтаар үнэ андуурч тохируулсан гэсэн үг.
- Барааны үнийг олноор нь тохируулах, өөрчлөх бол энд дарж зааврыг уншина уу.
- Өртөг үнээ хаана оруулах вэ? гэж их асуудаг. Барааны өртөг нь худалдан авалт, барааны орлогын баримтуудаас дундаж өртгийн аргаар тооцоологдох тул тус тусын орлогын баримт дээр оруулдаг.
- НӨАТ, НХАТ суутган төлөгч болох үедээ барааны үнэд хэрхэн нөлөөлөх талаар асуулт их ирдэг. Автоматаар үнэ өөрчлөгдөх үү, үгүй юу гээд. Таны тохируулсан барааны үнэд системээс хэзээ ч автомат өөрчлөлт оруулахгүй болохыг анхаарна уу. НӨАТ суутган төлөгч болсноор бүх барааны үнэд 10% нэмэх өөрчлөлт оруулах шаардлагатай тохиолдолд барааны үнэ олноор өөрчлөх зааврын дагуу Factor 1.1 утга оруулж өөрчлөлтийг олноор хийнэ үү.