Кассын орлого
Шинэчилсэн:2022/10/28 Унших:1 мин 11 сек
Dayansoft ERP системийн цэс: Мөнгөн хөрөнгө -> Кассын орлого
Энэ цонхонд кассын орлогын баримт бүртгэж, хэвлэнэ. Мөн кассын баримтыг журналд холбоно.
Нэмэхдээ жагсаалтаас Шинэ (Ctrl+N) товч дарна. Устгах, засах ажиллагаа нь бусад цонхтой ижил. Үйлдэл-Хувилах товчоор баримтыг хувилах боломжтой.
- Огноо – Баримтын огноог оруулна.
- Дугаар – Баримтын дугаарыг оруулна. Дугаар оруулаагүй үед систем автоматаар дугаарлана.
- Харилцагч код – Харилцагчийн кодыг сонгож оруулна.
- Харилцагч нэр – Сонгосон харилцагчийн нэрийг харуулна. Байгууллагын харилцагч биш этгээдээс орлого авч буй тохиолдолд харилцагч сонгохгүйгээр нэрийг гараас бичиж оруулж болно.
- Утга – Баримтын утга, тайлбар бичнэ.
- Утга орчуулга - 2 догч хэл рүү орчуулга оруулах боломжтой.
- Данс – Орлого хийх кассын данс сонгоно. Сонголтонд зөвхөн кассын дансуудыг шүүж харуулна.
- Орлогын дүн – Орлогын дүнг оруулна. Хэрэв валютын данс бол валютын дүнг оруулна.
- Валют – Дансны валютыг харуулна.
- Орлогын дүн ₮ – Орлогын дүнг төгрөгөөр оруулна.
- Ханш – Валютын ханшийг Огноо талбарт сонгосон өдрөөр харуулна. “Монгол банкны ханш татах” товч дээр дарж тухайн өдрийн ханшийг татах боломжтой.
- Reference - Ажил гүйлгээний эх сурвалж баримтын лавлах дугаарыг оруулна.
- Хавсаргасан баримт – Баримт дээр хавсаргасан нэмэлт материал, тайлбар оруулна.
- Мөнгө тушаагч – Мөнгө тушаасан хүний нэрийг оруулна. Харилцагч -> Холбоо барих цонхонд бүртгэсэн бүртгэлээс сонгож болно.
Кассын орлого цонхноос:
- Журналд холбох үед НӨАТ салгах чеклээд тухайн гүйлгээнд НӨАТ салсан бичилт автомат үүсгэх боломжтой.
- Кассын орлогын баримтаа үүсгэж хадгалаад, Үйлдэл -> Ebarimt үүсгэх товч дарахад Борлуулалт -> Ebarimt цонхыг бөглөх ба Баримт гаргах товч дарж ebarimt үүсгэх боломжтой.