- Буцаалт хийх
Шинэчилсэн:2023/12/11 Унших:2 мин 51 сек
Dayansoft POS програмын цэс: Борлуулалт -> Сонгох -> Буцаалт хийх
Юуны түрүүнд хэлэхэд ebarimt хэвлэгдэж гарсны дараа буцаалт хийхээс аль болох татгалзах хэрэгтэй. Хэдийгээр програмд баримт буцаах боломжтой боловч нэгэнт гарсан баримтыг буцаах нь танай байгууллагын бүртгэл, хяналтанд будилаан, зөрүү үүсгэх гол эх үүсвэр нь болдог. Иймд буцаалт хийх эрхийг зөвхөн менежерт олгож хяналттай байлгадаг.
Програм анх суулгахад
- кассын ажилтны default нууц үг: 000000
- менежерийн default нууц үг: 123456 (Менежерийн эрхээр буцаалт, бараа меню удирдах зэрэг давуу эрхүүд байдаг тул Dayansoft ERP системд хандаж, default нууц үгээ солихыг анхаарна уу.)
Кассын эрхээр нэвтрээд буцаалт хийх үед "Та энэ үйлдлийг хийх эрхгүй байна!" алдааны мессэж харуулна. Менежер эрхийн нууц үгээ Dayansoft ERP системээс хэрхэн тохируулах зааврыг энд дарж харна уу.
- Зайлшгүй баримтын буцаалт хийх шаардлага гарсан тохиолдолд програмаас Борлуулалт цэс дээр дарж борлуулалтын жагсаалтнаас буцаах баримтаа хайж олоод Сонгох товч дараад буцаалт хийж буй тайлбар шалтгаанаа бичээд Буцаалт хийх товч дарна.
- Буцааж буй шалтгаан тайлбараа тодорхой бичээд тухайн баримтыг бүтнээр нь буцаах бол Баримт буцаах,
хэрвээ зарим барааг буцаах бол Бараа буцаах товч дарна.
Гэхдээ аль ч тохиолдолд анхны баримт бүтнээрээ ebarimt болон програмаас буцаалт хийгдэх ба бараа буцаах дарсан үед өмнөх баримтын бараануудыг цонхонд хувилж дуудах ба хасах бараагаа хасаад дахин баримт хэвлэнэ.
Буцаалтын баримт болон буцаалт хийснээр борлуулалтын жагсаалтанд хэрхэн харагдах зураг. Буцаалт хийсэн баримт нь Борлуулалт, Буцаалт болон 2 тусдаа мөр болж харагдах ба хөл дүн цэврээр харагдана.
Ингэж буцаалт хийсэн тохиолдолд ERP системд посын борлуулалт татахаас өмнө тухайн буцаалтыг жинхэнэ аль эсвэл андуурсан буцаалт эсэхийг ялгах хэрэгтэй болно. Энэ талаар энд дарж дэлгэрүүлж уншаарай.
Буцаалт хийхэд анхаарах зүйлс:
- Буцаалт хийх үед тухайн баримтыг Ebarimt сайтад бүртгүүлсэн эсэхийг сайтаас шалгах, хэрэглэгчээс лавлах, шаардлагатай. Буцаалт хийсэн үед сугалааны дугаар болон дахин давтагдашгүй төлбөрийн дугаар /ДДТД/ хүчингүй болно. Хэрэв баримтыг бүртгүүлсэн бол тухайн баримтыг POS програмаас буцаалт хийсэн ч, бүртгүүлсэн худалдан авагч аппликейшнд буцаалт хийх, зөвшөөрөх шаардлагатай. Зөвшөөрөөгүй татгалзсан тохиолдолд тухайн баримт Зөрчилтэй баримтуудад орж, танай борлуулалт болсон хэвээр байхыг анхаарна уу.
- Бэлэн бусаар төлбөрөө хийсэн бол төлбөр нь автоматаар буцаж орох боломжтой эсэх. Орох боломжгүй тохиолдолд бэлэн мөнгөнөөс буцаан олгож, оройн тооцоонд зөрүү үүсэх.
- QPay, MonPay төлбөр төлсөн тохиолдолд буцах боломжгүй.
- Голомт IPPOS, Хаан Epos төлбөр автомат буцаж ордог. Гэхдээ тухайн буцаалт хийхээс өмнө settlement татаагүй байх, уншуулсан картыг дахин уншуулах шаардлагатай.
- Захиалсан бүтээгдэхүүн үйлчилгээг гал тогоонд түүхий эд материал зарлагадан үйлдвэрлэсэн эсэх. Орц норм, бараа материалын үлдэгдэл хяналтанд шаардлагатай. Эргээд ажилтны хариуцлага, авлага тооцоо үүсгэх эсэх.
- Буцаалт хийсэн болон анхны хэвлэсэн баримтаа нягтлан бодогч, менежертээ өгч тооцоо нийлэх шаардлагатай.
- Буцаалт хийж буй тайлбар шалтгаанаа зөв, тодорхой бичнэ. Учир нь тус борлуулалт нь жинхэнэ буцаалт уу, андуурсан буцаалт уу гэдгээс хамаарч тухайн борлуулалт, буцаалтыг цуцлах, түүхий эд материалын зарлага гарах эсэх нь тодорхойлогдож бараа материалын үлдэгдэл, харилцагчийн тооцоонд нөлөөлдөг гэдгийг анхаарна уу.
- Өндөр үнийн дүнтэй борлуулалт, түүний буцаалт зэргийг татвараас хянаж баталгаажуулсны үндсэн дээр борлуулалт, борлуулалтын буцаалтыг баталгаажуулах давхар процесс хийгддэг тул тестийн борлуулалт, буцаалт хийж турших бол үнийн дүн дээр анхаарна уу.
- Буцаалт хийсэн баримтыг буцааж борлуулалт болгох боломжгүй. Борлуулалт болгох шаардлагатай бол борлуулалтын жагсаалтаас буцаасан баримтаа сонгоод Баримт хувилах дарж дахин шинээр хувилж үүсгэнэ үү. Энэ тохиолдолд баримт нь тухайн үүсгэж буй өдрөөр гарна.
- Буцаалт хийсэн, борлуулалт хийсэн аль ч баримтыг устгах боломжгүй. Учир нь борлуулалт, буцаалт нь түүх болон үлдэж, дараа нь эргээд хяналт хийх боломжийг олгодог. Гэхдээ POS програмд сүүлийн 6 сарын борлуулалтын дата хадгалагддаг бөгөөд Dayansoft ERP систем буюу үндсэн мэдээллийн бааз руу илгээгдсэн тохиолдолд 6 сар ба түүнээс өмнөх хугацааны борлуулалт устдаг.