Нийлүүлэгч, худалдан авагч тохируулах
Шинэчилсэн:2022/09/11 Унших:2 мин 23 сек
Dayansoft ERP системийн цэс: Бараа материал -> Барааны код –> Нийлүүлэгч
Аливаа байгууллага тодорхой бараа материалыг тодорхой харилцагчаас гэрээний дагуу, эсвэл хэлэлцэж тохиролцсоны дагуу тодорхой тоо хэмжээ, үнээр байнга худалдан авч байдаг. Энэ цонхонд тухайн барааг:
-Ямар ямар харилцагчаас худалдан авдаг
-Авахдаа ямар тоо хэмжээгээр авдаг
-Ямар үнээр авдаг зэрэг бусад дэлгэрэнгүй мэдээллийг оруулах боломжтой.
Ингэж тохируулснаар:
-Худалдан авалт -> Худалдан авалтын захиалга
-Худалдан авалт -> Худалдан авалт цонхнуудаас Үйлдэл -> Нийлүүлдэг барааг татах товч дарахад энд тохируулсан бараа, тоо, үнийн мэдээллийг автомат татна. Мэдээж хэрэг тухайн цонхондоо яг авсан, захиалсан тоо хэмжээ, үнээр гараар солих боломжтой. Гэхдээ 1 харилцагчаас байнга давтамжтай ижил төрлийн бараанууд авдаг тохиолдолд энэ нь тухайн баримтыг байнга давтан шивэх гар ажиллагааг халах, цаашлаад харилцагчаас хамаарч өөр өөр үнээр худалдан авалт хийх боломжтой болох юм.
Энэхүү тохиргоог харилцагчийн бүртгэлээс мөн хийх боломжтой.
Нэмэхдээ Нэмэх (Ctrl+Insert), устгах болох Хасах (Ctrl+Delete) товч дарна.
- Нийлүүлэгч нэр – Барааг нийлүүлэгч байгууллагын нэрийг сонгож оруулна.
- MOQ – Minimum order quantity буюу барааг хамгийн багадаа хэдийг захиалах боломжтой, эсвэл байнга захиалдаг тоо хэмжээг оруулна.
- Авах үнэ – Барааг нийлүүлэгчээс худалдан авах үнийг оруулна.
- Валют – Авах валютыг сонгож оруулна.
- Default – Үндсэн нийлүүлэгч бол сонгоно.
- Идэвхтэй – Барааг худалдан авдаг бол идэвхтэй-г тэмдэглэнэ. Тухайн барааг худалдан авахаа больсон тохиолдолд тэмдэглэгээг арилгаж идэвхигүй болгоно.
- Биелэх хоног – Барааг нийлүүлүүлэгчээс ямар хугацаанд нийлүүлдэг хугацааг хоногоор оруулна.
- Тайлбар – Бараа нийлүүлэхтэй холбоотой тайлбар, мэдээллийг оруулна.
- Нийлүүлэгч бараа код – Нийлүүлэгчийн систем (падаан, баримт) дээрх барааны кодыг оруулна. Ингэж тохируулснаар бараагаа хайж олох, мөн 2 систем хооронд интеграци хийх, excel файлаар импортлох үед нийлүүлэгчийн кодыг ашиглаж болно.
- Нийлүүлэгч бараа нэр – Нийлүүлэгчийн систем (падаан, баримт) дээрх барааны нэрийг оруулна.
Dayansoft ERP системийн цэс: Бараа материал -> Барааны код –> Худалдан авагч
Аливаа байгууллага тодорхой бараа материалыг тодорхой харилцагчид гэрээний дагуу, эсвэл хэлэлцэж тохиролцсоны дагуу тодорхой тоо хэмжээ, үнээр байнга борлуулдаг. Энэ цонхонд тухайн барааг ямар ямар харилцагчид борлуулдаг, борлуулахдаа ямар тоо ширхэг, ямар үнээр борлуулдаг болон бусад дэлгэрэнгүй мэдээллийг оруулна. Ингэж тохируулснаар:
- Борлуулалт -> Борлуулалтын захиалга
- Борлуулалт -> Борлуулалт цонхнуудаас Үйлдэл -> Борлуулдаг барааг татах товч дарахад энд тохируулсан бараа, тоо, үнийн мэдээллийг автомат татна. Мэдээж хэрэг тухайн цонхондоо яг борлуулсан, захиалсан тоо хэмжээ, үнээр гараар солих боломжтой. Гэхдээ 1 харилцагчид байнга давтамжтай ижил төрлийн бараанууд борлуулдаг тохиолдолд энэ нь тухайн баримтыг байнга давтан шивэх гар ажиллагааг халах зорилготой юм.
Энэхүү тохиргоог харилцагчийн бүртгэлээс мөн хийх боломжтой.
Нэмэхдээ Нэмэх (Ctrl+Insert), устгах болох Хасах (Ctrl+Delete) товч дарна.
- Худалдан авагчийн нэр – Барааг худалдан авагчийн нэрийг сонгож оруулна.
- MOQ – Minimum order quantity буюу барааг хамгийн багадаа хэдийг борлуулах боломжтой тоо, эсвэл байнга борлуулдаг хэмжээг оруулна.
- Зарах үнэ – Барааг зарах үнийг оруулна.
- Валют – Барааг зарах валютыг сонгож оруулна.
- Идэвхтэй – Барааг тухайн харилцагчид борлуулдаг бол идэвхтэй-г тэмдэглэнэ. Тухайн барааг борлуулахаа больсон тохиолдолд тэмдэглэгээг арилгаж идэвхигүй болгоно.
- Биелэх хоног – Барааг нийлүүлэх буюу хүргэх хугацааг оруулна.
- Тайлбар – Барааг борлуулахтай холбоотой тайлбар, мэдээллийг оруулна.