Сургалтын цаг товлох
Шинэчилсэн:2024/03/03 Унших:2 мин 15 сек
Сургалтын цаг товлох видео зааварчилгаа:
Хэрвээ та онлайн дэмжлэгийн үйлчилгээ сонгон авч төлбөрөө төлсөн тохиолдолд дараах формыг бөглөн сургалт авах хүсэлтээ илгээнэ үү.
- Даянсофт ХХК-с таны захиалгыг баталгаажуулж хугацааг товлоно.
- Товлосон өдөр, цаг болмогц Даянсофт ХХК-с онлайн сургалтын линк чатаар өгнө. Сургалтанд хамрагдах ажилтнууд Microsoft Teams програм татсан байх шаардлагатай бөгөөд тус линкээр сургалтанд хамрагдана. Онлайнаар, утсаар холбогдож эхлэх үед дэмжлэгийн цаг тооцогдож эхэлдэг.
Зөвлөмж:
- Програмын бүх цонхны заавар нь тухайн цонхоо нээгээд Мэдлэгийн сан товч дээр дарахад гарч ирдэг.
- Хамгийн анхны сургалтаа авах гэж байгаа бол эхлээд шинэ хэрэглэгч байгууллага юунаас, хаанаас эхлэх вэ гэсэн зааварчилгааг энд дарж танилцаад алхам тус бүрээр шаардлагатай тайлан, мэдээ, мэдээллээ урьдчилж бэлдэнэ. Яагаад вэ гэхээр програмд оруулах мэдээллээ бэлдээгүй сургалт, дэмжлэг авах нь цагаа хий дэмий, үр дүнгүй өнгөрүүлэх гол шалтгаан болдог.
- Сургалтаар асууж мэдэх зүйлээ, асуултуудаа нэг бүрчлэн файл нээгээд бичиж тэмдэглэсэн, урьдчилж чатаар илгээсэн байвал илүү үр дүнтэй, үлдэцтэй болдог.
- Дэмжлэг нэвтрүүлэлтийг онлайнаар орох нь авах нь аль аль талын цаг хугацааг хэмнэсэн, уян хатан байдаг. Биечлэн сургалт ороход түгжрэл, ковид19, оффист суух орчин нөхцөл гэх мэт асуудлууд тулгардаг. Хөл хорионы үед бүгд л гэр гэртээ байхдаа хаанаас ч онлайнаар сургалт, дэмжлэгийн үйлчилгээг нэг нь өгч, авах боломжтой гэдгийг ойлгосон.
- Сургалтыг богино хугацаагаар, асуух зүйлээ урьдчилан бэлдээд авах нь илүү үр дүнтэй байдаг. Жишээ нь, танайх 4 цагийн онлайн дэмжлэг авсан бол түүнийг 1 цагаар 4 удаа салгаж, 4 үе шаттайгаар нэвтрүүлэлтээ хийх нь зохимжтой, үр дүнтэй. 1 дор урт хугацаагаар сургалт авах нь үр дүн бага байдаг.
- Сургалт дэмжлэг авсны дараа програмд тухайн сурч мэдсэн зүйлээ ашиглаж бүртгэлээ хөтлөх, мэдлэгээ бататгахыг зөвлөж байна. Хэрвээ дэмжлэг авсан ч ашиглаагүй тохиолдолд эргэн мартах, дахин сургалт авах тохиолдол элбэг тохиолддог.
Түгээмэл асуулт:
- Хэдэн хүн сургалтанд хамрагдах вэ? Хариулт: Танай компаниас хэдэн ч ажилтан хамрагдах боломжтой. Өгсөн линкээр хандана.
- Танайд биечилсэн сургалт байдаг уу? Ирж сургалт орох уу? Танай дээр очоод сургалт авч болох уу?
- Хариулт: https://dayansoft.mn/ сайтын түгээмэл асуулт, хариулт хэсэгт энэ асуулт болон хариулт ил байдаг ба шинэ харилцагч болох үед цаашид онлайнаар зөвлөгөө дэмжлэг үйлчилгээ авахаар зөвшөөрч 2 талаас гэрээ байгуулдаг. Одоогоор бид шинэ болон давтан сургалт шаардлагатай харилцагч нартаа ганцаарчилсан сургалт, дэмжлэгийг зөвхөн онлайнаар, үйлчилгээний нэмэлт төлбөртэйгөөр үзүүлдэг. Танхимын сургалт явуулдаггүй. Сургалтанд олон хүн хамрагдах, зайлшгүй биечилсэн сургалт авах шаардлагатай онцгой тохиолдолд л биечилсэн сургалт орох ба бусад тохиолдолд бүх сургалт, дэмжлэг нь онлайнаар хийгддэг. Онлайнаар дэмжлэг үзүүллээ гээд биечилсэн сургалтаас дутагдалтай тал гэхээсээ илүү олон давуу талууд байдаг. Утсаар холбогдоно, таны компьютер руу зайнаас давхар хандаж харна, богино богино хугацаагаар асуух зүйлээ асуугаад, туршаад, дараагийн асуулт гэх мэт шатлалтайгаар сургалтаа явуулах, гарын авлага линк чатаар давхар илгээх гэх мэт. Мөн хэрхэн хамгийн үр дүнтэй дэмжлэг, зөвлөгөө авах аргыг энд дарж уншиж танилцаарай.
Хугацаагаа товлож дэмжлэг зөвлөгөөгөө үр дүнтэй аваарай. Баярлалаа.