Шинэ хэрэглэгч болох (FAQ)
Шинэчилсэн:2024/02/27 Унших:4 мин 15 сек
-
Шинэ хэрэглэгч болохын тулд яах вэ?
Програм ашиглахын тулд заавал биечилж уулзах, цаасаар гэрээ байгуулж цаг алдах шаардлагагүй. Дараах алхмын дагуу онлайнаар, зайнаас богино хугацаанд хэрэглэгч болох боломжтой. Хэрвээ 2 талаас хариуцсан ажлуудын цаг хугацаанд нь хурдан хийсэн тохиолдолд дараах алхмуудыг 5-10 минутанд ч багтаах боломжтой байдаг. Бидний хувьд ажлын өдрүүдэд, ажлын цагаар ажилладаг.
Шинэ хэрэглэгч болох 5 алхам:
- Вебийн "Ашиглаж эхлэх" цэснээс гэрээ байгуулах форм бөглөнө.
- Гэрээ баталж, төлбөр шилжүүлэх. Бид таны илгээсэн мэдээллийн дагуу гэрээ, нэхэмжлэхийг бэлдэж илгээгээд танай байгууллагад (таны бизнест) зориулж тусдаа messenger group үүсгэнэ. Цаашид програмын суурилуулалт, зөвлөгөөг тус группээр дамжуулж үзүүлнэ. Гэрээ, төлбөрийн шилжүүлэг хийгдээгүй тохиолдолд програмын суурилуулалт, сургалт хийгдэхгүй болохыг анхаарна уу.
- Програм суулгах Windows 10+ үйлдлийн системтэй шаардлага хангасан компьютераа бэлдээд програм татаж суулгаад лиценз хүсэлт илгээж, лиценз олгох.
- Програмын гарын авлагатай танилцаж, програмаа ашиглаж эхэлнэ.
Шинэ борлуулалтын цэг нээх бол энд дарж дараалал алхамтай танилцана уу.
-
Танай програм ямар төхөөрөмж дээр суух вэ? Танайх төхөөрөмж зардаг уу?
Манайх ямар нэг тоног төхөөрөмж, компьютер огт зардаггүй. Dayansoft ERP болон Dayansoft POS програмууд нь зөвхөн Windows10 ба түүнээс хойшхи үйлдлийн системтэй төхөөрөмж дээр суух бөгөөд суух тоног төхөөрөмжийн үзүүлэлт, дэлгэрэнгүй мэдээллийг энд дарж харна уу. MAC OS-тэй компьютерт суух боломжгүй.
-
Танай програм онлайн (cloud) уу? Програм ашиглахад заавал интернет хэрэгтэй юу?
Dayansoft програмууд нь зөвхөн Windows үйлдлийн системтэй төхөөрөмж дээр суулгадаг, зөвхөн лиценз олгосон компьютер, төхөөрөмжөөс програмд хандах боломжтой desktop application юм. Өөрөөр хэлбэл, дурын компьютераас browser нээгээд орох боломжгүй гэсэн үг.
Гэхдээ танай мэдээллийн бааз онлайн серверт (дата центрт) байрших ба Dayansoft ERP, Dayansoft DMart програмууд лицензтэй төхөөрөмжөөс интернеттэй үед лицензтэй төхөөрөмжөөс хэзээ ч хандан ажиллах боломжтой. Иймд та компьютераа солих, компьютер нь эвдрэх, хулгайд алдах гэх мэт эрсдэл тохиолдох үед таны өмнө нь бүртгэсэн дата, мэдээлэл алдагдахгүй хэвээр хадгалагдах ба шинэ компьютерт програмаа шилжүүлэн суулгаад үргэлжлүүлэн ашиглах боломжтой гэсэн үг.
Dayansoft POS програмын хувьд интернетгүй үед хэвийн ажиллах боломжтой. НӨАТУС буюу Ebarimt-н шаардлагаар интернетгүй ч 72 цагийн дотор сугалааны дугаартай баримт хэвлэнэ. Интернет ирсэн үед онлайн мэдээллийн бааз болон Ebarimt систем рүү борлуулалтын мэдээг автомат илгээнэ.
Мэдээллийн баазын нөөцлөлт, хамгаалалт автомат хийгддэг. Энэхүү нэмэлт үйлчилгээнд тусдаа нэмэлт төлбөр тооцоо гарахгүй.
Аюулгүй байдлын үүднээс танай бааз байршиж буй дата центр дахь сервер рүү гадаадаас буюу Монгол улсаас өөр орноор хандах хэрэгцээ шаардлагатай үед та өөрийн хандах улс байршлаас дурын browser-т What's my IP үгээр хайлт хийж https://whatismyipaddress.com/ сайт руу нэвтэрч IPv4 хаягаа Даянсофт ХХК-д өгснөөр түр хугацаанд хандах эрх нээлгүүлж болно. Энэ хандалтыг түр хугацаанд олгохыг анхаарна уу.
-
Туршиж үзэх демо програм байдаг уу?
Манай програмын онлайн демо хувилбар, туршилтаар ашиглах хугацаа гэж байдаггүй. Гэрээ хийж, төлбөрөө шилжүүлснээр програм суулгаж лиценз олгодог.
Манай веб сайт дээр "Мэдлэгийн сан" хэсэгт програмын танилцуулга, гарын авлага материал бүрэн эхээрээ нээлттэй байдаг ба програмын дэлгэц, цонх, ажиллагаатай уншиж танилцах, үзэх боломжтой.
Хэрвээ та хүсвэл манай оффист ирж, эсвэл зайнаас онлайн танилцуулга авч болно.
-
Сургалт, нэвтрүүлэлтээ яаж хийдэг вэ? Биеэр ирэх үү?
Та програм анх авахдаа дараах 3 байдлаар сургалт, зөвлөгөө авч болно.
1. Гарын авлага + Чат зөвлөгөө
Сургалт, онлайн дэмжлэгийн багц сонгохгүйгээр зөвхөн мэдлэгийн сан, гарын авлага, мессенжер чатаар зөвлөгөө үнэ төлбөргүй авах. Зөвхөн танай байгууллагад зориулж тусдаа мессенжер групп үүсгэдэг.
2. Мэргэжлийн байгууллага, хувь хүнтэй хамтрах
Даянсофт ХХК-тай хамтарсан мэргэжлийн байгууллага, хувь хүмүүсээс програмын зөвлөгөө, нэвтрүүлэлт, санхүү, татварын зөвлөх үйлчилгээ авах. Тухайн сонгосон байгууллагатай үнэ тариф, цагийн хуваарь, биечилсэн, онлайнаар зэргийг тохиролцдог.
3. Төлбөртэй онлайн дэмжлэгийн багц сонгох
Даянсофт ХХК-с онлайн дэмжлэгийн цаг авч сургалт авах өдөр, цагаа товлон MS teams-р дамжуулан ганцаараа эсвэл олуулаа нэгэн зэрэг холбогдож, дэлгэцээ шэйр хийж зөвхөн танай байгууллагын онцлогт тохирсон зөвлөгөө мэдээллийг онлайнаар өгдөг. Онлайн дэмжлэгийн цагаа модуль, цонхоор хувааж, өөр өөр өдөр цагуудад хуваарилан авах боломжтой.
Одоогоор бид танхимын сургалт явуулдаггүй. Зайлшгүй шаардлагатай үед манай оффист урьдчилан цаг, өдрөө товлоод биечилсэн сургалт зөвлөгөө авч болно.
Мөн програмын хэрэглэгчдийн нэгдсэн группээр дамжуулан зөвлөгөө, үйлчилгээг тогтмол үзүүлдэг.
Програм ашиглах гарын авлага, мэдлэгийн сан өдөр бүр програмын шинэчлэлтэй хамт тогтмол шинэчлэгдэн сайжирч байдаг.
-
Манайх ... үйл ажиллагаа явуулдаг? Танайх тохирох болов уу?
Бид ерөнхий зориулалтын ERP систем, POS програм хөгжүүлж байгаа бөгөөд бүх төрлийн үйл ажиллагаатай байгууллагууд ашиглах боломжтой.
Dayansoft ERP системийн дэлгэрэнгүй танилцуулга, Dayansoft POS програмын дэлгэрэнгүй танилцуулгатай танилцаарай.
Dayansoft POS програмын хувьд ресторан, кофешоп, түргэн хоол, кафе, караоке, клаб, дэлгүүр, салон зэрэг бүх төрлийн борлуулалтын цэгт зохицон ажилладаг.
-
Бүх төрлийн тайлан автомат гарах уу?
Dayansoft ERP системд та ажил гүйлгээ, бүртгэлээ зөв бүртгэснээр шаардлагатай тайлан мэдээлэл автомат боловсруулагдан гарна. Гарын авлагын Тайлан модуль хэсгээс модуль тус бүрээс гарах боломжтой тайлангуудыг харна уу. Тайлангуудаас гадна модуль бүрээр дэлгэрэнгүй задгай дата мэдээллийг жагсаалт, pivot хэлбэрээр харуулах ба та дурын хугацаа, үзүүлэлтээр шүүж хэрэгцээт мэдээллээ авах боломжтой байдаг.
ААН-н хувьд санхүүгийн бүх тайлан, тодруулга тайлангийн хамт автомат боловсруулагдан гарна. Татварын тайлангуудын хувьд системээс яг одоогоор шууд маягтаар гарах боломжгүй. Хэдий тийм ч цалингийн модулиар цалин хөлсөө бодсоноор НД8 мэдээ, ХХОАТ мэдээ экспорт хийж, тус тусын сайт руу шууд импорт хийснээр нийгмийн даатгал болон ХХОАТ-н тайлангууд бэлэн болдог.
НӨАТ-н тайлангийн хувьд худалдан авалт, борлуулалтын дэвтэр, НӨАТ харилцагч, НӨАТ баримтаар тайлангууд гардаг.
ААНОАТ, Зөрүүгийн тайлангийн хувьд та дансны төлөвлөгөөгөө зөв зохион байгуулж гүйлгээ хөтөлснөөр Гүйлгээ балансаас шаардлагатай дүн мэдээллүүдээ ялган харах боломжтой.
Бид татварын тайланг маягт хэлбэрээр автомат гаргах шийдлийг цаашид боловсруулна.