Барааны Realtime үлдэгдэл
Шинэчилсэн:2023/01/24 Унших:1 мин 45 сек
Dayansoft ERP системийн цэс: Бараа материал -> Барааны код –> Үлдэгдэл
Энэ цонхонд тухайн барааны системд бүртгэл хийсний дагуу яг одоогийн буюу realtime үлдэгдлийн мэдээллийг харуулна. Өөрөөр хэлбэл танай байгууллага системдээ бүртгэлээ яг цагт нь бүртгэдэг бол тухайн барааны яг одоогийн бодит үлдэгдэл гэсэн үг. Гэхдээ Ерөнхий дэвтэр -> Тайлант үе -> Тохиргоо цонхонд тохируулсан “Эхний үлдэгдлийн огноо”-с хойш хийгдсэн Dayansoft POS програмын борлуулалтын хувьд тооцоолол хийгдэхийг анхаарна уу. Өөрөөр хэлбэл, Dayansoft ERP системийг ашиглахаас өмнө зөвхөн Dayansoft POS програмыг ашиглаж байсан тохиолдолд өмнөх борлуулалтууд үлдэгдэлд нөлөөлөхгүй гэсэн үг.
Хэрвээ Dayansoft POS програмаар борлуулалт хийж хугацаа өнгөрсний дараа, эхний үлдэгдлийн огноо өөрчилсөн тохиолдолд Бараа материал -> Бараа үлдэгдэл цонхноос Үйлдэл -> Үлдэгдэл дахин тооцох товч дарна. Realtime үлдэгдлийг яг зөв тооцох нь амаргүй бөгөөд зарим гүйлгээ тус үлдэгдэлд нөлөөлөхгүй байх алдаа хааяа гарч болзошгүй. Яагаад гэвэл 2 тусдаа үйлдлээр хийгдэж байгаа бөгөөд 2 дахь үйлдэл хийгдэхээс өмнө ямар нэг шалтгааны улмаас алдаа гарч амжилттай үлдэгдэл шинэчлэгдэхгүй байх тохиолдол үүсч болно. Энэ үед Бараа материал -> Бараа үлдэгдэл цонхноос Үйлдэл -> Үлдэгдэл дахин тооцох товч дарж яг тухайн үеийн байдлаар үлдэгдлийг сэргээж харна уу. Бид энэхүү алдааг гаргахгүй байх талаар шийдэл хайсаар байгаа.
- Данс код - Бараа материалын дансны код харуулна.
- Данс нэр - Бараа материалын дансны нэр харуулна.
- Үлдэгдэл (ERP) - Dayansoft ERP системд бүртгэсэн баримтын дагуу барааны үлдэгдлийг тооцоолж харуулна.
-
Посын борлуулалт (татаагүй) - Дараах нөхцлийг бүгдийг нь зэрэг хангасан тоог харуулна.
-Dayansoft POS програмаар борлуулалт хийсэн
-Мэдээллийн баазад борлуулалтын мэдээлэл нь амжилттай илгээгдсэн
-Dayansoft ERP системд тухайн борлуулалт хийсэн өдрийн борлуулалтыг татаагүй тохиолдолдӨөрөөр хэлбэл, борлуулалтын цэгээр бараа зарагдаж, борлуулалтын мэдээ нь мэдээллийн баазад ирсэн үед тухайн бараа материалын данснаас барааны тоо хэмжээ хасагдаж, бодит үлдэгдэл тоог тооцоолж харуулж байгаа гэсэн үг. Өдрийн хаалт хийгдсэний дараа Dayansoft ERP систем дээр тухайн борлуулалтыг татсанаар тоо хэмжээ нь “Үлдэгдэл (ERP)”-с хасагдаж, Посын борлуулалт (татаагүй) баганын утга 0 болж үлдэгдэл зөв хөтлөгдөнө.
- Үлдэгдэл - Барааны яг одоогийн буюу realtime үлдэгдлийн мэдээллийг харуулна.
- Сүүлд өөрчлөгдсөн - Барааны үлдэгдэл хэзээ хамгийн сүүлд шинэчлэгдсэн огноо, цаг, минут, секундыг харуулна.
Хэрвээ бүх барааны Realtime үлдэгдлийг харах бол Бараа материал -> Бараа үлдэгдэл цонхноос харна уу.