Хөрөнгийн орлого, худалдан авалт
Шинэчилсэн:2024/01/15 Унших:4 мин 22 сек
Dayansoft ERP системийн цэс: Үндсэн хөрөнгө -> Хөрөнгийн орлого
Энэ цонхонд хөрөнгийн орлогын баримтууд буюу худалдан авсан, гаалиас татаж авсан, үнэгүй шилжүүлэн авсан бүх хөрөнгийн орлогуудыг жагсаалтаар харуулна. Баримт засахдаа тухайн засах мөрөн дээр 2 удаа дарах эсвэл Үйлдэл/Засах товч дарж засвар оруулаад Хадгалах товч дарна. Жагсаалтаас Үйлдэл-Хэвлэх товчоор хөрөнгийн орлогын баримтыг хэвлэх боломжтой.
Dayansoft ERP системийн цэс: Үндсэн хөрөнгө -> Хөрөнгийн орлого -> Шинэ
Энэ цонхонд үндсэн хөрөнгийн орлого бүртгэнэ.Нэмэхдээ жагсаалтаас Шинэ (Ctrl+N) товч дарна. Устгах, засах ажиллагаа нь бусад цонхтой ижил. Баримтын мэдээллийг Үйлдэл -> Хэвлэх товч дарж хэвлэх боломжтой.
Толгой мэдээлэл
- Харилцагч код – Харилцагчийн кодыг сонгож оруулна.
- Харилцагч нэр – Сонгосон харилцагчийн нэрийг харуулна.
- Утга – Баримтын утга, тайлбар бичнэ.
- НӨАТ ₮ – Нийт төлсөн НӨАТ-н дүнг оруулна. Чекийг авсан тохиолдолд мөрийн дүнг гараас оруулах боломжтой болох ба мөрийн дүнгийн нийлбэрээр тооцож харуулна.
- Гааль ₮ – Нийт гарсан гаалийн зардлын дүнг оруулна. Чекийг авсан тохиолдолд мөрийн дүнг гараас оруулах боломжтой болох ба мөрийн дүнгийн нийлбэрээр тооцож харуулна.
- Тээвэр ₮ – Нийт гарсан тээврийн зардлын дүнг оруулна. Чекийг авсан тохиолдолд мөрийн дүнг гараас оруулах боломжтой болох ба мөрийн дүнгийн нийлбэрээр тооцож харуулна.
- Бусад ₮ – Бусад гарсан зардлын дүнг оруулна. Чекийг авсан тохиолдолд мөрийн дүнг гараас оруулах боломжтой болох ба мөрийн дүнгийн нийлбэрээр тооцож харуулна.
- Дугаар – Баримтын дугаарыг оруулна. Дугаар оруулаагүй үед систем автоматаар дугаарлана.
- Огноо – Баримтын огноог оруулна.
- Валют – Валют сонгож оруулна.
- Ханш – Валютын ханшийг Огноо талбарт сонгосон өдрөөр харуулна. “Монгол банкны ханш татах” товч дээр дарж тухайн өдрийн ханшийг татах боломжтой.
Гүйлгээний мэдээлэл
- Хөрөнгө данс – Хөрөнгө орлогодох данс сонгоно.
- Хөрөнгө код – Орлогодох үндсэн хөрөнгийн код сонгоно.
- Хөрөнгө нэр – Сонгосон үндсэн хөрөнгийн нэрийг харуулна.
- Эдийн дугаар – Хоосон хадгалах үед хөрөнгийн эдийн дугаарыг систем автоматаар дугаарлана. Хэрэв гараас утга оруулсан бол гараас оруулсан утгаар хадгална.
- Тоо – Тоо ширхэг оруулна. Хөрөнгийн орлого авахдаа хөрөнгө тус бүрээр эдийн дугаар үүсгэн ялгаж орлогодох нь оновчтой. Учир нь хөрөнгийн борлуулалт, хөдөлгөөн, актлалт, сайжруулалт хийх, элэгдэл тооцох зэрэгт тухайн 1 эдийн дугаартай хөрөнгөө салгаж бүртгэх хэрэгцээ гардаг. Хэрэв анх орлогод авахдаа 1 эдийн дугаартай олон тоо ширхэгтэй буюу 1 мөр болгон бүртгэвэл дараа нь тухайн 1 хөрөнгөөр салгаж бүртгэх боломжгүйг анхаарна уу! Иймд 1-ээс олон тоо ширхэгтэй хөрөнгө бүртгэхдээ o Нийт тоо хэмжээг оруулна. o Нийт валют, нийт дүнг оруулна. o “Тоо” баганын утгыг сонгоно. o Тухайн мөрөнд хулганы баруун товч дараад Тоо хэмжээгээр салгах товч дарна. Энэ тохиолдолд Нийт дүнг, тоо хэмжээнд хувааж нэгж үнийг тооцох ба “Тоо” багананд оруулсан тоогоор 1, 1 ширхэгтэй мөр үүсч, тусдаа эдийн дугаар авч хадгалагдана. Хэрвээ тоо хэмжээгээр салгахгүйгээр орлогын баримтыг хадгалсан тохиолдолд (засварын горимд) “Тоо хэмжээгээр салгах” товч ажиллахгүй бөгөөд тухайн мөрийг устгаад, шинэ мөр нэмээд салгах боломжтой.
- Нийт валют – Хөрөнгө орлогдсон валютын нийт дүнг оруулна.
- Нийт үнэ ₮ – Хөрөнгө орлогдсон нийт үнийг оруулна.
- НӨАТ – НӨАТ тооцох бол тэмдэглэнэ.
- НӨАТ – НӨАТ-н дүнг тооцоолж харуулна.
- Татваргүй үнэ ₮ – Хөрөнгө орлогодсон татваргүй үнийг харуулна.
- Нийт элэгдэл ₮ – Хөрөнгийн нийт элэгдлийн дүнг оруулна.
- Элэгдэл тооцох огноо: Програмд элэгдэл тооцож эхлэх буюу хамгийн сүүлд тухайн хөрөнгийн элэгдэл тооцсон огноог оруулна. Жишээ нь, 2019.12.31 гэх мэт. Энд тохируулсан хугацаанаас хойш элэгдэл тооцно. Систем автоматаар тухайн сарын сүүлийн өдрийг санал болгоно. Гараас өөрчлөх боломжтой.
- Ашиглаж эхэлсэн огноо: Хөрөнгийг ашиглаж эхэлсэн огноог оруулна. Элэгдэл тооцоололд хамаарахгүй огноо, зөвхөн ашиглаж эхэлсэн огноо гэдгийг анхаарах хэрэгтэй.
- Ашиглах (норм, жил) – Хөрөнгө ашиглах хугацааг жилээр тооцож оруулна. Хөрөнгийн код цонхонд бүртгэсэн хугацааг санал болгох ба гараас өөрчлөх боломжтой. Оруулсан хугацаанаас хамаарч элэгдэл тооцохыг анхаарна уу.
- Элэгдлийн арга - Хөрөнгийг элэгдүүлэх арга сонгож оруулна.
- Үлдэх өртөг - Тухайн хөрөнгө бүх өртөг нь элэгдэхгүй, ашиглах хугацаа дуусах үед үлдэгдэл өртөгтэй байх тохиолдолд үлдэх өртгийг энд тохируулна. Үлдэх өртөгтэй тохиолдолд Нийт өртгөөс үлдэх өртгийг хасаад, зөрүү өртгийг ашиглах хугацаанд элэгдүүлнэ.
- Байршил – Хөрөнгийн байршлын кодыг сонгож оруулна.
- Эзэмшигч – Хөрөнгийн эзэмшигчийг сонгож оруулна.
- Хур.элэгдэл данс – Хөрөнгийн хуримтлагдсан элэгдлийн зардлын дансны кодыг сонгож оруулна. Хөрөнгийн данс бүртгэхдээ хуримтлагдсан элэгдлийн зардлын данс тохируулсан үед систем автоматаар дуудаж харуулна.
- Марк – Хөрөнгийн марк, загварыг оруулна.
- Нэгж өртөг – Хөрөнгийн нэгж өртгийг харуулна.
- Нийт өртөг – Хөрөнгийн нийт өртгийг харуулна.
- Нийт зардал – Тухайн хөрөнгө олж эзэмшихэд гарсан нийт зардлын дүнг тооцож харуулна.
- НӨАТ зардал – Тухайн хөрөнгө олж эзэмшихэд гарсан нийт НӨАТ зардлын дүнг тооцож харуулна.
- Гааль зардал – Тухайн хөрөнгө олж эзэмшихэд гарсан нийт гаалийн зардлын дүнг тооцож харуулна.
- Тээвэр зардал – Тухайн хөрөнгө олж эзэмшихэд гарсан нийт тээврийн зардлын дүнг тооцож харуулна.
- Бусад зардал – Тухайн хөрөнгө олж эзэмшихэд гарсан нийт бусад зардлын дүнг тооцож харуулна.
Түгээмэл асуулт:
- Үндсэн хөрөнгийн НӨАТ хувь тэнцүүлэн үүсгэсэн баримтыг яаж бүртгэх вэ?
- Санхүү бүртгэл -> Данс код цонхонд НӨАТ-н тооцооны авлага данс шинээр үүсгэнэ. НӨАТ-н авлага дансыг хувилаад үүсгэж болно.
- Хөрөнгийн орлогын журнал үүсгэх
- Хувь тэнцүүлсэн НӨАТ бичилт
Анхааруулга:
Хөрөнгийн орлогын баримтын огнооноос хойш уг хөрөнгөнд гүйлгээ бүртгэсэн (Жишээ нь,
- Борлуулсан
- Хөдөлгөөн бүртгэсэн
- Актласан
- Дахин үнэлсэн
- Сайжруулсан
- Элэгдүүлсэн байж болно.)
тохиолдолд тус хөрөнгийн орлогын баримтыг устгах үед дараах алдааны мэдээлэл гарна.
“The DELETE statement conflicted with the REFERENCE constraint "FK_AssetDetail_AssetKeyId". The conflict occurred in database "DemoRestaurantDb", table "fam.AssetDetail", column 'AssetKeyId'. The statement has been terminated.”
Иймд хөрөнгийн орлого авсан бүртгэлийг устгах бол уг хөрөнгөтэй холбоотой бусад бүртгэлийг устгасны дараа орлогын баримтыг устгах боломжтой.
Тайлан -> Үндсэн хөрөнгө -> Хөрөнгийн дэлгэрэнгүй тайлангаас тухайн хөрөнгийн кодоор шүүж орлого авснаас хойшхи гүйлгээг шалгаарай.