Dayansoft ERP системд нэвтрэхгүй байх шалтгаанууд, шийдэх арга зам

---

Шинэчилсэн:2024/03/10 Унших:8 мин 38 сек

Dayansoft ERP системд дараах шалтгаануудаас болж нэвтрэх боломжгүй тохиолдол үүсч болно. Та Нэвтрэх товч дарахад өгч буй мессэжээр нэвтрэхгүй байгаа шалтгаан, түүнийг шийдвэрлэх зааврыг дагана уу.

• Шалтгаан №1 - Хэрэглэгчийн нэр эсвэл нууц үг буруу байна!

  Хэрэглэгч талбарт нэрээ оруулаагүй үед Хэрэглэгчийн нэрээ оруулна уу! алдааны мессэж харуулна. Хэрвээ та ганцаараа програм ашигладаг бол Хэрэглэгч талбарт Admin гэсэн нэр оруулна. Харин та админ хэрэглэгч биш танд зориулж өөр нэрээр хэрэглэгч үүсгэсэн бол тухайн нэрээ зөв бичиж оруулна уу. Хэрвээ нэвтрэх нэрээ санахгүй байгаа бол Admin хэрэглэгчдээ хандаж лавлаарай. Admin хэрэглэгч Үндсэн тохиргоо -> Систем хэрэглэгч цонхноос бүх хэрэглэгчийн нэр, бусад тохиргоо мэдээллийг харах боломжтой.

  Хэрэглэгчийн нэр эсвэл нууц үг буруу оруулсан үед “Сервер: 192.168.1.100 Бааз: ERP_0000038 руу 'Admin' хэрэглэгчийн нэр эсвэл нууц үг буруу байна!” алдааны мессэж харуулна. Хэрвээ хандах гэж байгаа бааз, хэрэглэгч нэр нь зөв бол таны оруулсан нууц үг буруу байна гэсэн үг.

  Хэрэглэгчдийн түгээмэл гаргадаг алдаанууд:

  • Username буюу хэрэглэгчийн нэрээ буруу оруулах
  • Хэрэглэгч хэсэгт нэрээ биш нууц үгээ оруулах
  • CapsLock товч дарсан байх
  • Хэлний тохиргоог EN, MN сольсон байх
  • Өөр мэдээллийн бааз руу андуурч хандсан байх

  Хэрвээ дээрх алдаануудын аль нэг биш, зөв нууц үгээ хийсэн ч дээрх алдаа заасан хэвээр байгаа аль эсвэл нууц үгээ мартсан, эсвэл таны өмнөөс өөр хэрэглэгч нэвтэрч нууц үгийг нь сольсон бол Admin хэрэглэгчдээ хандаж Үндсэн тохиргоо -> Систем хэрэглэгч цонхноос нууц үгээ солиулна уу. Харин Admin хэрэглэгч нууц үгээ мартсан тохиолдолд Даянсофт ХХК руу чатаар хүсэлтээ илгээж нууц үгээ reset буюу шинэчлүүлж авна уу. Даянсофт ХХК-с зөвхөн Admin хэрэглэгчийн нууц үгийг сэргээх ба өөр хэрэглэгчийн нууц үгийг зөвхөн Admin хэрэглэгч солино.

  Жич, Хэрвээ танай байгууллага зөвхөн Dayansoft POS програм ашигладаг бөгөөд Dayansoft ERP системийг зөвхөн барааны код, меню, үнэ өөрчлөх зорилгоор давхар суулган ашиглаж байгаа тохиолдолд таны Нэвтрэх нэр: User Нууц үг: 000000 байдаг.

• Шалтгаан №2 - Нэвтрэх лиценз аваагүй!

  • Лиценз олгогдоогүй тохиолдолд “... HardwareId-р програмд нэвтрэх лиценз аваагүй байна! Шинэчлэх -> [Лиценз хүсэлт илгээх] товч дараад лиценз авах хүсэлтээ илгээнэ үү!”мессэж харуулна. Зааварчилгааны дагуу лицензийн хүсэлтээ илгээж, Даянсофт ХХК-д чатаар мэдэгдэн лицензээ авсны дараа нэвтрэх боломжтой болно.
    • Анх шинээр програм суулгах
    • Өөр компьютерт програм шилжүүлэн
    • Компьютерын hard disk, main board зэрэг төхөөрөмж сольсон
    • Компьютерын hard disk эвдрэх, салж нийлэх үед
    • Хааяа Windows update авсны улмаас HardwareID өөрчлөгдсөн тохиолдолд дахин лиценз олгоно.

• Шалтгаан №3 - Лицензийн хугацаа дууссан байна

  • Програм ашиглах лицензийн хугацаа дуусан тохиолдолд "Таны ... HardwareId-тай төхөөрөмжөөс ... бааз руу хандах програмын лицензийн хугацаа ...-нд дууссан байна. Нэхэмжлэхийн дагуу төлбөрөө төлж сунгуулна уу!" алдааны мессэж харуулна. Лицензийн хугацаа дуусахаас 5 хоногийн өмнө анхааруулга тогтмол өгдөг. Лицензийн төлбөрөө төлснөөр лиценз сунгалт автомат хийгддэг.
  • "Таны ... HardwareID-тай төхөөрөмжөөс ... бааз руу хандах програмын лицензийн хугацаа ...-нд дууссан байна. Та Хаах товч дараад нэвтэрч ороод зөвхөн ... хугацаанаас өмнөх гүйлгээх харах, засварлах боломжтой." мессэж гарч байгаа тохиолдолд та Хаах товч дараад нэвтрэх боломжтой. Таны хандаж буй мэдээллийн бааз нь заасан хугацаагаар тасалбар болгож архивлагдсан тул та зөвхөн тус хугацаанаас өмнөх гүйлгээг харах, засварлах боломжтойгоор хязгаарлагдсан лиценз юм.

• Шалтгаан №4 - Windows update бүрэн аваад, компьютераа restart хийх шаардлагатай.

  • Таны компьютер windows update бүрэн авч, restart хийх шаардлагатай болсон үед "Dayansoft ERP програм ажиллахад шаардагдах файлууд дутуу байна. Та [Yes] товч дарж дутуу файлуудыг татна уу!" алдааны мессэж харуулна. Yes товч дарсан ч дахин гарч ирдэг. Энэ үед та компьютераа Restart хийгээд дахин нэвтэрч орно уу. Энд дарж дэлгэрэнгүй заавар хараарай.
  • Мөн Windows update-с шалтгаалж Microsoft .NET Framework алдаа гарч болно.

• Шалтгаан №5 - Dayansoft Updater. Checking. Updating

  • Dayansoft ERP системийн шинэчлэлийг шалгах, шинэчлэл гарсан бол автомат шинэчлэл татах үед дараах зурагт үзүүлсэн байдлаар уншина. Танай интернетийн хурдаас шалтгаалж энэ шинэчлэл нь харилцан адилгүй хугацаанд үргэлжилнэ. Энэ үед та түр хүлээгээд (шинэчлэл ихэвчлэн 0-2 минутанд бүрэн татагдана.) автомат нэвтэрнэ. Гэхдээ сүлжээ тасалдсан үед цааш үргэлжлэхгүй гацах тохиолдол үүсч болох бөгөөд та тус цонхыг хаагаад ахин нэвтэрч үзнэ үү. Хэрвээ 5 минутаас дээш хугацаанд үргэлжилж байгаа тохиолдолд интернетээ шалгах, интернет хэвийн, хааж нээсэн дахин нэвтрэхгүй уншсаар байвал Даянсофт ХХК-тай чатаар холбогдож зургаа илгээгээрэй.

• Шалтгаан №6 - Сервер: ... Бааз: ...-тай холбогдож чадахгүй байна! Сүлжээний холболтоо шалгана уу!

  • The remote computer refused the network connection

  1-рт интернетээ шалгана уу. Танай мэдээллийн бааз онлайн серверт байршдаг тул програмд хандах үед зайлшгүй интернет шаардлагатай. Хэрвээ интернетгүй тохиолдолд энэ алдаа заадаг.

  Харин танай мэдээллийн бааз нь өөрсдийн локал серверт байршдаг, таны компьютерын интернет байгаа тохиолдолд компьютер руу хандах боломжгүй байгаа үед дараах алдааны мессэжүүд харуулна.

  • Сервер, баазтай холбогдож чадахгүй байна! Сүлжээний холболт серверээ шалгана уу!
  • A network-related or instance-specific error occurred while establishing a connection to SQL Server. The server was not found or was not accessible. Verify that the instance name is correct and that SQL Server is configured to allow remote connections. (provider: SQL Network Interfaces, error: 26 - Error Locating Server/Instance Specified)
  • The remote computer refused the network connection.
  • The wait operation timed out.
  • No connection could be made because the target machine actively refused it.
  • The remote computer refused the network connection SQL server stopped
  • A connection attempt failed because the connected party did not properly respond after a period of time, or established connection failed because connected host has failed to respond

  Энэхүү алдаа нь дараах шалтгаануудтай байж болно:

  • Сервер компьютер унтарсан, эсвэл sleep mode горимд шилжсэн. Авах арга хэмжээ нь компьютераа асаах, sleep mode тохиргоог Never буюу хэзээ ч унтдаггүй болгож тохируулах.
  • Сервер компьютерын, эсвэл клиент компьютерын сүлжээ тасарсан. Авах арга хэмжээ нь сүлжээ, холболтыг хэвийн болгох.
  • Клиент програмаас сервер компьтер руу хандахдаа сервер нэр, хаягаар ханддаг. Нэвтрэхдээ сервер нэрийг бичээгүй тохиолдолд мөн гарна. Авах арга хэмжээ нь серверийн хаяг нэр, эсвэл IP хаяг, портыг зөв бичиж оруулна.
  • Сервер компьютерын нэр өөрчилсөн, эсвэл IP хаяг өөрчлөгдсөн. Авах арга хэмжээ нь серверийн хаяг нэр, эсвэл IP хаяг, портыг зөв бичиж оруулна.
  • Гадаад IP-тай гаднаас ханддаг сервер бол гаднаас хандах боломжгүй болсон тохиолдолд. Энэ үед IT-даа хандаж серверийн гадны хандалтыг шалгуулна.
  • Мэдээллийн бааз удирдах програм буюу SQL Server унтарсан. Авах арга хэмжээ нь SQL Server-г асаана. Асаахдаа хэд хэдэн аргаар асааж болно.
    • Start товч дээр дарж SQL Server 2014 Configuration Manager гэж хайгаад програмыг нээж SQL Server Services -> SQL Server (DAYANSOFT) -г сонгоод хулганы баруун товчийг дарж Start дарна.
    • C:\Windows\SysWOW64\SQLServerManager12.msc програмыг (Start товч дээр дарж SQL configuration manager бичиж хайна.) нээнэ. SQL Server Services\SQL Server –г сонгож, State баганын утга Stopped бол хулганы баруун товчийг дарж, Start товч дарна. State баганын утга Running бол бусад шалтгааныг шалгаж үзнэ үү.

• Database '.......' cannot be opened because it is offline. алдаа заах үед Даянсофт ХХК руу хандаарай.

• Шалтгаан №7 - Dayansoft програмын шинэчлэлт авахад алдаа вирусны эсрэг програмын тавьж буй блокыг зогсоох

  Dayansoft програмын шинэчлэлт сайжруулалт нь төлөвлөгөөт хуваарийн дагуу тогтмол хийгддэг. Хэрвээ таны компьютерт вирусны эсрэг програм суусан, тус програмд Dayansoft програмыг зөвшөөрүүлэх үйлдэл хийгээгүй тохиолдолд програмын ехе-г вирус гэж андуураад, шалгаад, шинэчлэлт хийлгэдэггүй.

  Антивирусны програмын төрлөөс хамаарч өөр өөр алдаа заадаг. Жишээ нь, Avast програмтай бол “Access is denied.” гэсэн алдаа заадаг.

  Энэ тохиолдолд дараах зааварчилгааны дагуу програмын шинэчлэлээ авна уу:

  1. Компьютерын баруун доод буланд байрлах програмуудын жагсаалт руу нэвтэрч антивирусны програмаа олно.
     2. Антивирусны програм дээр хулганы баруун товчийг дарна.
  2. Антивирусны програмын төрлөөс хамаарсч өөр өөр цэс, сонголтууд байгаа. Түгээмэл жишээг дор дурдая. Ер нь бол логик дараалал, ажиллагаа нь ижил төстэй. a. Avast програмтай бол Avast shield control -> Disable for 10 minutes сонгоно. b. Kaspersky програмтай бол Pause protection -> Pause minute сонгоно.
  3. Ok дарна.
  4. Dayansoft програмд Нэвтрэх товч дарж, шинэчлэх цонхноос Install товч дарж шинэчилнэ.
  5. 10 минутын дараа антивирусны програм автоматаар идэвхижнэ.

  Санамж:

  Хэрвээ тухайн антивирусны програмыг танай багууллага мөнгөөр лицензийг нь худалдаж аваагүй, үнэгүй хувилбар ашиглаж байгаа бол таны компьютерыг найдвартай хамгаалж байх магадлал тун бага байдаг. Хэрвээ таны компьютер Windows 10 үйлдлийн системтэй бол Windows Defender гэсэн Microsoft компанийн гаргасан хамгаалалтын програм нь дажгүй сайн хамгаалалттай байдаг тул ямар нэг нэмэлт антивирусны програм суулгахгүй байхыг зөвлөж байна. Гэхдээ эцэст нь хэлэхэд таны л сонголт.

• Шалтгаан №8 - Windows user-н permission хүрэхгүй тохиолдолд

  • Тухайн нэвтэрсэн Windows user-н permission хүрэхгүй байх тохиолдолд “Unable to save file Dayansoft ERP/Dayan.exe.Config” алдаа заадаг” алдаа гарч болно. Dayan.exe дээр хулганы баруун товч Run as administrator дарж ороход хэвийн орно.

• Шалтгаан №9 - Нэвтрэх үед "Method not found: '!!0[] System.Array.Empty()'." алдаа зааж байгаа тохиолдолд хэрхэн засах вэ? You must install .NET Desktop Runtime to run this application.

  Dayansoft програм ажиллахын тулд таны компьютерт суусан .NET Desktop Runtime (dotnet)-н хувилбар нь програм хөгжүүлэгчийн зүгээс тохируулсан хувилбараар шинэчлэгдсэн байх ёстой. Хэрвээ шинэчлэх шаардлагатай болсон бол энд дарж зааврын дагуу татаж суулгана уу.

• Шалтгаан №10 - Нэвтрэх үед “The application has failed to start because its side-by-side configuration is incorrect. Please see the application event log or user the command-line sxstrace.exe tool for more detail." алдаа заах

  • Компьютерийн D:\Dayansoft ERP фолдер доторх Dayan.exe.config файл эвдэрсэн, нээгээд үзэхэд хоосон тохиолдолд энэ алдаа гарна. Даянсофт ХХК-д хандах аль эсвэл зааврын дагуу дахин татаж суулгана уу.

• Шалтгаан №11 - Серверийн нэр, IP өөрчлөгдсөн

  • Мэдээллийн баазаа өөрсдийн дотоод серверт байршуулдаг харилцагчдын хувьд оффисын дотоод сүлжээнээс хандах, эсвэл оффисоос гадуур өөр байршлаас хандаж байгаа эсэхээс шалтгаалж Dayansoft ERP системийн серверийн хаягийг зөв тохируулах шаардлагатай болдог. Энэ тохиолдолд нэвтрэх цонхонд хамгийн эхэнд “Сервер” хэсэгт серверийн нэр, хэрвээ IP-р ханддаг бол IP хаягийг портын хамт бичнэ. Жишээ нь, 192.168.1.100,1433 гэх мэт. Гаднаас хандаж байгаа тохиолдолд real IP хаягаар сольж нэвтэрнэ үү. Тус мэдээллийг бусад компьютер болон IT мэргэжилтнээсээ лавлана уу.

• Шалтгаан №12 - Програмын shortcut дэлгэцнээс устсан.

  • Хэрвээ програмд нэвтрэх icon буюу shortcut дэлгэцнээс устаад хаанаас олохоо мэдэхгүй байгаа бол Dayansoft ERP нэртэй фолдер таны компьютерын D эсвэл C диск дотор байгаа. Тухайн фолдероос Dayan.exe файлын shortcut-г дэлгэц рүү (desktop) гаргаад нэвтрээрэй.

• Шалтгаан №13 - Програмыг C дискний Program Files фолдерт суулгасан бөгөөд эрхийн зөвшөөрөл дутсан үед

  • Dayansoft ERP системийг суулгахдаа зааврын дагуу D, E дискэнд суулгах шаардлагатай. Хэрвээ С дискэнд суулгасан бөгөөд Program Files фолдерт суусан үед зарим файлын хандах эрх, шинэчлэлт авах зэргийг системийн зүгээс блок хийх тохиолдол үүсдэг. Таны компьютер зөвхөн С дисктэй бол програмаа Documents фолдерт суулгахыг зөвлөж байна. Энэ үед DayanUpdater - Програмын шинэчлэл олдсонгүй! Access to the path 'C:\Program Files\Dayansoft ERP\Dayan\DayanUpdater.exe' is denied.

• Шалтгаан №14 - Програмын ехе файл устсан, shortcut зам зөрсөн үед

  • Dayansoft ERP системийн ехе файлын shortcut-н зам зөрсөн үед Problem with Shortcut цонхонд "The drive or network connection that the shortcut 'Dayansoft ERP.Ink' refers to is unavailable. Make sure that the disk is properly inserted or the network resource is available, and then try again." алдаа заадаг. Энэ тохиолдолд Dayansoft ERP програмаа дахин суулгана уу. Зарим тохиолдолд C, D диск тусдаа hard disk-тэй үед диск салж, хөндийрөх тохиолдол үүсдэг.

---