- Өөр үнээр борлуулах
Шинэчилсэн:2023/12/03 Унших:1 мин 30 сек
Харилцагчдадаа бараагаа дурын үнээр борлуулах эрхтэй (Dayansoft ERP системд Борлуулалт -> Пос тохиргоо -> Нэвтрэх касс, эрх цонхонд Барааны үнэ өөрчлөх эрхийг олгосон) хэрэглэгч барааны үнийг шууд гараас өөрчилж болно. Эсвэл тухайн борлуулалт хийж буй агшинд шууд гараас үнийг нь оруулах шаардлагатай онцлог бараа, үйлчилгээнүүдийн хувьд урьдчилж үнэ тохируулаагүй байх бөгөөд үнэ нь ? тэмдэгтэй харагдах ба гараас үнэ оруулж болно.
Энэ тохиолдолд бараагаа сонгоод Үнэ товч дээр дараад гараас үнэ оруулж өгнө.
Хэрвээ тухайн бараан дээр урьдчилан өөр үнийн жагсаалтаар үнэ тохируулсан бол тохируулсан үнийн жагсаалтууд сонголтоор гарч ирэх ба [Гараас үнэ оруулах] сонголт хийж үнэ оруулна.
Хугацаа тохируулсан үнийн жагсаалт оруулж, тухайн хугацаанд өөр үнийн жагсаалт сонгож борлуулалт хийх боломжтой.
Гэхдээ хугацаа нь болсон, хэтэрсэн эсэхээс хамаарч "Өдөр тохирохгүй байна!" алдааны мессэж харуулна.
Promotion буюу урамшуулал зарлахад дараах байдлаар ERP системд тохиргоо хийж үнэ тохируулах боломжтой. Жишээ нь, 2+1, 3+1 гэх мэт.
Dayansoft ERP системд дараах тохиргоонуудыг 1 удаа хийнэ.
- Борлуулалт -> Үнийн жагсаалт цонхонд шинэ урамшууллын үнийн жагсаалт үүсгэж Tags багананд Promotion гэсэн утга оруулна. Урамшууллын эхлэх, дуусах хугацааг оруулна. Үнийн жагсаалтын нэршлийг "2+1", "3+1" гэх мэт ойлгомжтой байдлаар нэрлэвэл зүгээр.
- Борлуулалт -> Пос тохиргоо -> Бараа данс, үнэ цонхонд Нэмэлт үнийн жагсаалтанд шинэ үнийн жагсаалтыг нэмж хадгална.
- Бараа материал -> Бараа код цонхонд урамшуулалтай бараа код бүрийн хувьд шинэ үнийн жагсаалтаар үнэ тохируулна. Жишээ нь, 2+1 үнийн жагсаалт бол сонгоод 0 үнэ тохируулна. Олон бараанд тохируулах бол Борлуулалт -> Үнийн тохиргоо цонхонд оруулаарай.
Дээрх тохиргоог хийсний дараа Dayansoft POS програмд мэдээлэл шинэчлэх үед урамшуулалтай бараа дараах зурагт харуулснаар 2 тусдаа харагдана.
Кассын ажилтан нь үндсэн барааг 2 удаа сонгоод урамшуулалтай барааг 1 удаа сонгож борлуулалтаа бичиж гаргана. Кассын ажилтан урамшуулалтай барааг POS програмд хараад өөрөө сонгох бөгөөд програмаас автоматаар 2 бичигдэх үед урамшуулалтай бараа 1 сонгогдохгүй, илүү, дутуу сонгох үед ямар нэг шалгуур ажиллахгүй болохыг анхаарна уу.