Бараа материалын эхний үлдэгдэл

Шинэчилсэн:2023/10/19 Унших:2 мин 36 сек

Dayansoft ERP системийн цэс: Бараа материал -> Эхний үлдэгдэл -> Шинэ

Энэ цонхонд бараа материалын эхний үлдэгдлийг дансаар, бараа кодоор нь салгаж бүртгэнэ. Барааны материалын эхний үлдэгдлийг оруулахын тулд Бараа материал -> Барааны код урьдчилж оруулсан байх шаардлагатай. Гэхдээ эхний үлдэгдэл цонхонд Dayansoft ERP системд бүртгэл хөтөлж эхэлсэн огноо буюу тайлант үеийн эхний огнооны байдлаар байсан бараа материалын эхний үлдэгдлийг оруулах бөгөөд өөр хугацааны үлдэгдэл, эсвэл худалдан авалт зэргийг оруулахгүй болохыг анхаарна уу. Жишээлбэл, танай байгууллага шинээр байгуулагдаад эхлэлийн баланс оруулаад эхэлж байгаа тохиолдолд танайд огт бараа материалын эхний үлдэгдэл байхгүй бөгөөд худалдан авалт цонхоор бүртгэх нь зөв юм.

ItemBalanceList

Данс: Туслах журнал хөтлөх бараа материалын данснууд харагдах ба үлдэгдэл оруулах данс сонгоно.
Огноо: Санхүү бүртгэл -> Тайлант үеийн Эхний үлдэгдэл огноог харуулна. Энэ цонхонд зөвхөн энэ хугацааны байдлаар барааны үлдэгдлийг оруулахыг анхаарна уу. Хэрвээ танайх балансын үлдэгдэл оруулсан хугацаа нь өөр, яг одоо оруулах гэж буй бараа материалын үлдэгдэл нь өөр хугацааных бол энэ цонхонд оруулахгүй болохыг анхаарна уу. Жишээ нь, Балансын үлдэгдэл нь 2021.12.31 байхад, танайх 2022.04.30-ны байдлаар бараа материалын тооллого, үлдэгдлээ оруулах гэж байгаа бол энэ цонхонд биш Худалдан авалт, Дотоод орлого зэрэг орлогын цонхоор тухайн хугацааны байдлаар оруулах нь зүйтэй. Энэ цонхонд оруулснаар 2021.12.31 болж буруу бүртгэл үүснэ. Ийм тохиолдолд тооллого болгон оруулаад, тухайн тооллогын үлдэгдлээр орлого үүсгэж явах нь зүйтэй.

Нэмэх товч дарж бараа материалын эхний үлдэгдлийг Бараа код болон орлого авсан огноо, өртгөөр нь ялгаж бүртгэх боломжтой.

Устгах товч дарж мөр устгана.

Бараа код, Бараа нэр: Бараа материалыг сонгоно. (Барааны бүртгэл байхгүй бол Бараа материал -> Бараа код цонхонд нэмсний дараа сонгоно.)
Савлагаа тоо: Бараа материалын Савлагаа тоо оруулна.
Савлагаа: Бараа материалын Савлагаа дахь тоо хэмжээг оруулна. Өөрөөр хэлбэл, савлагаа, хайрцгандаа хэдэн ширхэгтэй болохыг оруулна.
Тоо хэмжээ: Бараа материалын тоо хэмжээг оруулна. Энэ хэмжээгээр үлдэгдэл хөтлөгдөнө.
Нэгж өртөг, Нийт өртөг: Бараа материалын өртгийг оруулна. Нийт өртөг оруулахад, нэгжийн өртгийг програм тоонд хувааж тооцоолно.
Сүүлд авсан үнэ: Бараа материалыг сүүлд авсан үнэ оруулна.
Орлого авсан: Бараа материалыг худалдан авсан буюу орлого авсан огноог оруулна. (Огноогоор нь салгаж бүртгэснээр бараа материалыг насжилтаар нь тайланд харах боломжтой.)
Бараа данс: Бараа материалыг буруу дансанд бүртгэсэн эсвэл өөр дансанд шижлүүлэх бол бараа материалыг шилжүүлэх дансыг сонгоно.
Importing code: Excel файлаас импортлох үед яг ямар кодоор тухайн барааг хайж олсныг харуулна. Баркод эсвэл бараа код гэх мэх.

Дээрх цонхны мэдээллүүдийг оруулаад Хадгалах товч дарж бүртгэлийг хадгалах бөгөөд Тухайн бараа материалын дансны эхний үлдэгдлийн хөл дүн нь Ерөнхий дэвтэр -> Эхний үлдэгдэл-тэй тэнцэх ёстой. Тэнцээгүй тохиолдолд Зөрүү дүн жагсаалтанд харагдах ба шалтгааныг олж залруулна уу.

Энд дарж Excel файлаас зааврын дагуу бөөнөөр импортлон оруулах боломжтой.

Түгээмэл асуудаг асуулт:

Барааны эхний үлдэгдлээ дараа нь оруулж болох уу? Эхний үлдэгдлээс өмнө шууд гүйлгээ бүртгэж болох уу?
- Програмын хувьд боломжтой. Гэхдээ бараа материалын бүртгэлээ цэгцтэй хөтөлье гэвэл эхний үлдэгдлээ оруулаад, тухай бүрт нь бараа материалын бүртгэлээ хөтөлж явах нь элдэв алдаа гарахаас сэргийлж чаддаг.
Барааны эхний үлдэгдэл оруулсны дараа засч болох уу?
- Болно. Гараас утга оруулдаг Бараа код, Тоо хэмжээ, Нэгж өртөг, Нийт өртөг, Бараа данс зэрэг бүх баганын утгыг өөрчилж хадгалах боломжтой. Мөн хасч, нэмж болно. Хэрвээ бараа материалын гүйлгээ хийгдэж, өртөг бодуулсан байсан бол эхний үлдэгдэлд өөрчлөлт оруулсны дараа өртгөө дахин бодуулах шаардлагатайг анхаарна уу.