НӨАТ суутган төлөгч болох
Шинэчилсэн:2024/04/25 Унших:2 мин 49 сек
Програм анх авах үед НӨАТ суутган төлөгч биш байсан байгууллага явцын дунд НӨАТ суутган төлөгч болох нь олонтаа. НӨАТ суутган төлөгч болох өдрийг хуульд заасан эрх бүхий байгууллагаас танай байгууллагад мэдэгддэг. Мөн татварын системд НӨАТ суутган төлөгч болсон тохиолдолд Dayansoft ERP нэвтрэх үед
"НӨАТ суутган төлөгчөөр татварын системд бүртгүүлсэн байна. Тус тохиргоо өнөөдрөөс идэвхжлээ. Хэрвээ Dayansoft POS програм ашигладаг бол нээлт хийх үед автомат шинэчлэгдэнэ. Шинэчлэгдсэн эсэхийг Dayansoft POS програмаас бизнес нэр дээр дарахад НӨАТ төлөгч эсэх: Тийм болсон эсэхийг шалгана уу."
мессэж өгч НӨАТ суутган төлөгч тохиргоо автомат идэвхжинэ.
Dayansoft POS програмаас НӨАТ суутган төлөгч болсон эсэхийг шалгахдаа Бизнес нэр дээр дараад шалгана.
Анхаарах зүйл:
- НӨАТ суутган төлөгч болох үед танай бараа үйлчилгээний үнэ өмнө нь системд тохируулснаар хэвээр байна. Өөрөөр хэлбэл, зөвхөн НӨАТ суутган төлөгч тохиргоо өөрчлөгдөж байгаа ба бараа бүтээгдэхүүний үнэ автомат өөрчлөгдөхгүй. Жишээ нь, Ундаа 1100 төгрөгөөр НӨАТ-гүй дүн байсан бол НӨАТ суутган төлөгч болсноор НӨАТ-гүй үнэ 1000 НӨАТ 100 төгрөг болж сална гэсэн үг. Хэрвээ НӨАТ суутган төлөгч болохдоо үнээ өөрчлөх бол Борлуулалт -> Үнийн тохиргоо цонхонд бүтээгдэхүүний үнээ Factor ашиглан өөрчлөх боломжтой.
- Dayansoft ERP системд Үндсэн тохиргоо -> Байгууллага цонхонд НӨАТ суутган төлөгч тохируулснаас хойш Dayansoft ERP системд хийгдэх бүртгэлүүд дээр НӨАТ чеклэгдэж, НӨАТ-н өглөг, авлага үүснэ. Өмнө хийсэн бүртгэлд ямар нэг өөрчлөлт орохгүй бөгөөд НӨАТ салаагүй дүнгээр бүртгэгдсэн бүртгэлүүд хэвээр байна гэсэн үг. Хэрвээ анзааралгүй НӨАТ-гүй борлуулалт бүртгээд хадгалсан бол гүйлгээ тус бүр рүү орж засах шаардлагатай. Мөн НӨАТ төлөгч болохоос өмнөх бүртгэлийг нөхөн хийх тохиолдолд чекийг авч болох боловч хэрвээ танай байгууллага Dayansoft POS програм ашигладаг тохиолдолд тохиргоог өөрчилж болохгүйг анхаарна уу.
- Хэрвээ Dayansoft POS програм ашигладаг бөгөөд тухайн өдрийн нээлт хийсэн бол НӨАТ суутган төлөгч тохиргоо хийгдсэний дараа Dayansoft POS програм дээр Үйлдэл -> Мэдээлэл шинэчлэх (F5) товч дарна. Шинэчлэгдсэн эсэхийг Dayansoft POS програмаас бизнес нэр дээр дарж Мэдээлэл цонхноос НӨАТ суутган төлөгч эсэх: Тийм болсон байх ёстой.
- Энэ тохиргоог урьдчилж эсвэл өнгөрсөн хугацаагаар тохируулах боломжгүй.
- Татварын системд НӨАТ суутган төлөгч болсон ч Dayansoft ERP, POS програмуудад тохиргоог хийгээгүй тохиолдолд НӨАТ салахгүй, НӨАТ-гүй дүнгээр борлуулалт, гүйлгээ хийгдсээр байна. Дараа нь тайлан гаргах үед зөрүү үүсгэсэн асуудал гардаг.
- НӨАТ суутган төлөгч болж байгаа тохиолд харъяа татварын хэлтсээс танай байгууллагад тодорхой хугацаа зааж өгдөг. Жишээ нь, 2020.10.01-с эхлэн НӨАТ суутган төлөгч болж байна шүү гэх мэт. Дээрх тохиргоог яг НӨАТ суутган төлөгч болсон өдөр л хийх ба түүнээс өмнө, хойно хийсэн тохиолдолд Dayansoft POS програмаас ebarimt.mn сайт руу илгээсэн борлуулалт дээр зөрүү үүсэх ба үүнээс үүдэн гарах алдаа, хариуцлагыг танай байгууллага өөрөө хариуцахыг анхааруулж байна. Нэгэнт алдаа гарсан бол татварын хэлтэстээ шалтгаан тайлбараа бичиж, илгээгдсэн борлуулалтын мэдээг залруулах албан хүсэлт өгч засуулна уу. Тус алдааг танайх болон манай компаниас залруулах ямар ч боломжгүй юм. Учир нь нэгэнт борлуулалт www.ebarimt.mn сайтад илгээгдсэн учраас зөвхөн татварынхан өөрсдөө л засах боломжтой.
- Бараа материал -> Барааны код цонхонд тухайн барааны кодын НӨАТ төрөл нь “Энгийн” сонгогдсон үед НӨАТ салж тооцогдоно.
- Хэрвээ танай борлуулалтын цэг буюу Dayansoft POS програмын меню, үнэ зэргийг мастер франчайзи компани удирддаг, танайх өөрсдөө удирдах боломжгүй байдаг бол тухайн борлуулалтын цэгийн НӨАТ суутган төлөгч тохиргоог мастер франчайзи компани, эсвэл програм нийлүүлэгч Даянсофт ХХК хариуцан хийхийг анхаарна уу. Энэ тохиолдолд таны өөрийн ашигладаг Dayansoft ERP системд хийсэн тохиргоо нь Dayansoft POS програмд өөрчлөлт оруулахгүй болохыг анхаараарай.
- НӨАТ төлөгч гэж ярих тохиолдол элбэг байдаг ч яг үнэндээ НӨАТ суутган төлөгч гэсэн нэршил нь зөв юм.
- Хэрвээ интернетгүй, эсвэл татварын сервис ажиллах боломжгүй байгаа тохиолдолд тус тохиргоог гараас идэвхжүүлэх боломжтой.