Хөрөнгийн эхний үлдэгдэл оруулах
Шинэчилсэн:2023/11/19 Унших:2 мин 24 сек
Dayansoft ERP системийн цэс: Үндсэн хөрөнгө -> Эхний үлдэгдэл
Энэ цонхонд үндсэн хөрөнгийн эхний үлдэгдлийг дансаар, хөрөнгөөр нь салгаж бүртгэнэ. Үндсэн хөрөнгө -> Эхний үлдэгдэл -> Үйлдэл -> Импортлох темплэйт татах дарж excel файлаар бэлдээд Үйлдэл -> Импорт товч дарж олноор импортлож оруулах боломжтой.
Үндсэн хөрөнгийн эхний үлдэгдлийг оруулахын тулд Үндсэн хөрөнгө -> Хөрөнгийн бүлэг, Хөрөнгийн код, Хөрөнгийн багц, Хөрөнгийн байршил үүсгэж тохируулсан байх шаардлагатай.
- Шинэ товч дараад эхний үлдэгдэл оруулах хөрөнгийн данс сонгоно. Туслах журнал хөтлөх хөрөнгийн данснууд харагдана.
- Огноо: Санхүү бүртгэл -> Тайлант үеийн Эхний үлдэгдэл огноог харуулна.
- Нэмэх товч дарж мөр нэмэн хөрөнгийн эхний үлдэгдлийг хөрөнгө код болон хөрөнгийн тоо хэмжээг 1, 1-ээр нь салгаж бүртгэнэ. (Хөрөнгө тус бүр эдийн дугаартай байх шаардлагатай тул хөрөнгийг 1, 1-ээр нь салгаж бүртгэнэ.)
- Устгах товч дарж мөр устгана.
Мөр мөрөөр сонгон оруулна уу.
- Хөрөнгө код, Хөрөнгө нэр: Хөрөнгө сонгоно. (Хөрөнгийн бүртгэл байхгүй бол Үндсэн хөрөнгө -> Хөрөнгийн код цонхонд нэмнэ)
- Хөрөнгө багц: Хөрөнгийн багцыг сонгоно. (Хөрөнгийн багцын бүртгэл байхгүй бол Үндсэн хөрөнгө -> Хөрөнгийн багц цонхонд нэмнэ)
- Эдийн дугаар: Эдийн дугаарыг оруулна. (Хөрөнгийн кодтой уялдуулах нь зүйтэй)
- Тоо: Хөрөнгийн тоог оруулна. Хэрэв ижил хөрөнгийг салгаж бүртгэх бол тоогоо оруулаад, нийт дүн, элэгдэл бусад баганын утгыг бөглөсний дараа тухайн мөрөнд хулганы баруун товч дараад Тоо хэмжээгээр салгах дарна. (Хөрөнгө тус бүр эдийн дугаартай байх тул 1, 1 ширхэгээр нь мөр болгож бүртгэх нь зүйтэй.)
- Нийт өртөг: Хөрөнгийг нийт өртөг (дүн) оруулна.
- Нийт элэгдэл: Хөрөнгийг ашиглах хугацааны хуримтлагдсан элэгдлийн дүнг оруулна.
- Нийт үлдэгдэл өртөг: Нийт өртөг болон нийт хуримтлагдсан элэгдлийн зөрүүг програм тооцоолж харуулна.
- Нийт үлдэх өртөг - Тухайн хөрөнгө бүх өртөг нь элэгдэхгүй, ашиглах хугацаа дуусах үед үлдэгдэл өртөгтэй байх тохиолдолд үлдэх өртгийг энд тохируулна. Үлдэх өртөгтэй тохиолдолд Нийт өртгөөс үлдэх өртгийг хасаад, зөрүү өртгийг ашиглах хугацаанд элэгдүүлнэ.
- Элэгдэл тооцох огноо: Програмд элэгдэл тооцож эхлэх буюу хамгийн сүүлд тухайн хөрөнгийн элэгдэл тооцсон огноог оруулна. Жишээ нь, 2019.12.31 гэх мэт. Энд тохируулсан хугацаанаас хойш элэгдэл тооцно.
- Ашиглаж эхэлсэн огноо: Хөрөнгийг ашиглаж эхэлсэн огноог оруулна. Элэгдэл тооцоололд хамаарахгүй огноо, зөвхөн ашиглаж эхэлсэн огноо гэдгийг анхаарах хэрэгтэй.
- Ашиглах (жил,норм): Хөрөнгийг ашиглах жилийг хууль, журамд заасны дагуу оруулна.
- Элэгдлийн арга: Хөрөнгийн элэгдэл тооцох аргыг сонгоно. (Хөрөнгийн элэгдлийг шулуун шугам, үлдэгдэл давхар бууруулах, жилүүдийн нийлбэр, бүтээгдэхүүний нэгж гэсэн 4 төрлийн аргаар тооцож байгаа)
- Байршил: Хөрөнгийн байршлыг сонгоно. (Хөрөнгийн байршлын бүртгэл байхгүй бол Үндсэн хөрөнгө -> Хөрөнгийн байршил цонхонд нэмнэ)
- Эзэмшигч: Хөрөнгийн эзэмшигчийг сонгоно. (Хөрөнгийн эзэмшигчийн бүртгэл байхгүй бол Үндсэн тохиргоо -> Ажилтан цонхонд нэмнэ)
- Хөрөнгө данс: Хөрөнгийг өөр дансруу шилжүүлэх бол шилжүүлэх дансыг сонгоно.
- Хур.элэгдэл данс: Хөрөнгөнд тооцсон хуримтлагдсан элэгдлийг бүртгэх дансыг сонгоно.
- Марк – Хөрөнгийн марк, загварыг оруулна.
- Нэгж өртөг – Нэгж өртөг харуулна.
- Нэгж элэгдэл – Нэгж элэгдэл харуулна.
- Нэгж үлдэгдэл өртөг – Нэгж үлдэгдэл өртөг харуулна.
- Нэгж үлдэх өртөг – Нэгж үлдэх өртөг харуулна.
- Дараалал – Хадгалсан дарааллыг харуулна.
Бүртгэлийн мэдээллийг бүрэн оруулаад Хадгалах товч дарж бүртгэлийг хадгалах бөгөөд Дансны эхний үлдэгдлийн дүн нь Ерөнхий дэвтэр -> Эхний үлдэгдлийн дүнтэй тэнцэх ёстой.