Худалдан авалтын нэхэмжлэх
Шинэчилсэн:2023/11/18 Унших:4 мин 31 сек
Dayansoft ERP системийн цэс: Худалдан авалт -> Худалдан авалт нэхэмжлэх -> Шинэ
Энэ цонхонд нэхэмжлэх бүртгэнэ. Нэмэхдээ Шинэ (Ctrl+N) товч дарна. Устгах, засах ажиллагаа нь бусад цонхтой ижил.
Нэхэмжлэхтэй холбоотой автоматжуулсан үйлдлүүдийг Үйлдэл товч дараад:
- Хэрэв тогтмол хугацаатай ирдэг нэхэмжлэхийг дахин үүсгэх бол Үйлдэл -> Хувилах товч дарж тухайн нэхэмжлэхийг хувилна.
- Худалдан авдаг татах товчоор тухайн харилцагчийн бүртгэлд тохируулсан борлуулдаг барааг татах боломжтой.
- Харилцахын зарлага үүсгэх боломжтой.
Толгой мэдээлэл
- Харилцагч код – Харилцагчийн кодыг сонгож оруулна.
- Харилцагч нэр – Сонгосон харилцагчийн нэрийг харуулна. Байгууллагын харилцагч биш этгээдээс нэхэмжлэх тохиолдолд харилцагч сонгохгүйгээр нэрийг гараас бичиж оруулж болно.
- ТТД – Сонгосон харилцагчийн татвар төлөгчийн дугаарыг оруулна. Үндсэн тохиргоо/Харилцагч цонхонд оруулсан мэдээллээс дуудаж харуулна. Мөн ТТД-г оруулаад “ТТД-аар хайх”, “Харилцагчийг (код, нэр, ТТД) хайх” зэрэг татварын систем болон Dayansoft ERP системийн бүртгэлээс хайх боломжтой. Шинэ харилцагч тохиолдолд ТТД, нэрийг оруулаад “Харилцагчийг нэмэх” дарж харилцагчийн бүртгэлд нэмэх боломжтой.
- Утас – Сонгосон харилцагчийн утасны дугаарыг оруулна.
- Mail – Сонгосон харилцагчийн email хаягийг оруулна.
- Хаяг – Сонгосон харилцагчийн хаягыг оруулна.
- Ажилтан – Тухайн нэхэмжлэх хариуцсан ажилтныг сонгож оруулна.
- Reference - Ажил гүйлгээний эх сурвалж баримтын лавлах дугаарыг оруулна.
- Тайлбар – Нэмэлт тайлбар бичнэ.
- Төлөв - Тухайн нэхэмжлэхийн төлвийг сонгоно. Нэхэмжлэх нь ямар ямар төлөвтэй байхыг урьдчилж бүртгэж тохируулна. Жишээ нь, Ирсэн, Цуцлагдсан гэх мэт.
- Төлбөр нөхцөл - Төлбөрийн нөхцлийг сонгож оруулна. Харилцагчийн бүртгэлээс автомат дуудна.
- Дугаар – Нэхэмжлэхийн гар дугаарыг оруулна. Системээс автомат дугаарлах дугаарлалтаас гадна, гар дугаар оруулж ашиглах үед оруулна.
- Огноо – Нэхэмжилсэн огноог оруулна.
- Төлөх – Төлбөр хийх огноог оруулна.
- Валют - Нэхэмжлэхийн валют сонгоно.
- Ханш - Тухайн өдрийн валютын ханш оруулна. Валют сонгох үед систем автомат татна. Хэрвээ автомат татахгүй үед гараас оруулна уу.
- Урьдчилгаа - Урьдчилгаа төлбөрийн дүнг оруулна.
Гүйлгээний мэдээлэл
- Багц № - Бараа бүтээгдэхүүнээ багцалж зардаг тохиолдолд 1 багцийн барааг ижил дугаартай оруулна. Хэвлэх үед 1 мөрөнд бичигдэнэ.
- Бараа код – Борлуулсан бараа, үйлчилгээний код сонгоно.
- Бараа нэр – Сонгосон барааны нэрийг харуулна. Хэрвээ танайх ирсэн нэхэмжлэх бүртгэхдээ бараа үйлчилгээ тус бүрээр ялган бүртгэх шаардлагагүй тохиолдолд Бараа материал -> Бараа код цонхонд 1ш бараа код үүсгээд, тухайн кодоо сонгож бүртгэл хөтөлнө. Бараа тайлбар хэсэгт нэмэлтээр ялган бүртгэх боломжтой.
- Бараа тайлбар - Барааны мөрөнд нэмэлт тайлбар бичиж хэвлэх боломжтой.
- Бараа данс – Бараа үйлчилгээ орлогодох бараа материалын данс сонгоно. Нэхэмжлэх үүсгэснээр бараа материалын орлого үүсэхгүй бөгөөд нэхэмжлэхээс цааш худалдан авалт үүсгэснээр бараа материалын орлого хийгдэнэ.
- Үлдэгдэл – Барааны яг одоогийн бүх дансны нийт үлдэгдлийг харуулна.
- Тоо хэмжээ – Тоо хэмжээг оруулна.
- Нэгж – Хэмжих нэгж сонгож оруулна.
- Үнийн жагсаалт – Үнийн жагсаалт сонгож оруулна.
- Нэгж үнэ – Бараа, үйлчилгээний нэгжийн үнийг оруулна.
- Нийт үнэ – Бараа, үйлчилгээний нийт үнийг оруулна. Нэгжийн үнэ, тоо хэмжээнээс нийт үнийг тооцоолж харуулна.
- % – Хөнгөлөлттэй борлуулалт хийж байгаа үед хөнгөлөлтийн хувь оруулна.
- Хөнгөлөлт – Хөнгөлөлтийн дүнг оруулна.
- Нийт дүн – Бараа, үйлчилгээний хөнгөлөлт хассан нийт дүнг харуулна.
- НӨАТ – НӨАТ тооцох бол тэмдэглэнэ. НӨАТ-н дүнг тооцоолж харуулна.
- НХАТ – НХАТ тооцох бол тэмдэглэнэ. НХАТ-н дүнг тооцоолж харуулна.
- Татваргүй нэгж үнэ – Бараа, үйлчилгээний нэгжийн үнийг НӨАТ, НХАТ зэрэг татвар тооцсон эсэхээс хамаарч татваргүй үнийг тооцоолж харуулна. Гараас утга оруулах, өөрчлөх боломжгүй.
- Татваргүй дүн – Бараа, үйлчилгээний нийт үнийг НӨАТ, НХАТ зэрэг татвар тооцсон эсэхээс хамаарч татваргүй дүнг тооцоолж харуулна. Гараас утга оруулах, өөрчлөх боломжгүй.
- Сүүлд авсан үнэ – Бараа, үйлчилгээг сүүлд ямар үнээр худалдан авсныг харуулна.
- Гэрээ код – Нэхэмжлэхийн гэрээг сонгоно.
- Ажил код – Нэхэмжлэхийн ажлыг сонгоно.
- Нэгж валют – Бараа, үйлчилгээний нэгжийн валютыг оруулна.
- Нийт валют – Бараа, үйлчилгээний нийт валютыг оруулна. Нэгжийн валют, тоо хэмжээнээс нийт үнийг тооцоолж харуулна.
Нэмэлт мэдээлэл (Жагсаалтын толгой хэсэгт хулганы баруун товч дарж Багана тохируулах дарж тохируулна.)
- Specs - Барааны талаар нэмэлт specification тайлбар оруулах боломжтой.
- Баталгаа - Барааны баталгааны талаар тайлбар, хугацаа оруулна.
- Нийлүүлэх хугацаа - Барааг нийлүүлэх хугацааг оруулна.
- Нөхцөл - Барааны нөхцлийн талаар тайлбар оруулна.
- Сериал дугаар - Барааны сериал дугаар оруулна.
- Дуусах огноо - Барааны дуусах хугацаа (expiry date) оруулна.
- Comment - Барааны мөрөнд нэмэлт comment бичих боломжтой. Хэвлэгдэхгүй.
- Төлбөр нөхцөл - Тухайн мөрийн хувьд төлбөрийн нөхцөл сонгоно. Харилцагч -> Худалдан авдаг цонхонд тохируулсан үед автомат дуудна.
- Төлбөр эхлэх - Тухайн мөрийн хувьд үйлчилгээний хамарч эхлэх хугацааг сонгоно. Харилцагч -> Худалдан авдаг цонхонд тохируулсан үед автомат дуудна.
- Төлбөр дуусах - Тухайн мөрийн хувьд үйлчилгээний хамарч дуусах хугацааг сонгоно. Харилцагч -> Худалдан авдаг цонхонд тохируулсан үед автомат дуудна.
Dayansoft ERP системийн цэс: Худалдан авалт -> Худалдан авалт нэхэмжлэх -> Журнал
Шаардлагатай тохиолдолд энэ цонхонд нэхэмжлэхийн журнал бичилт хийж бүртгэнэ. Худалдан авалт цонхонд журналаа үүсгэх бол Худалдан авалтын нэхэмжлэхийн бүртгэл дээр журнал үүсгэхгүйг анхаарна уу. Үүсгэсэн тохиолдолд давхар журнал үүсч, тооцоо зөрнө.
Dayansoft ERP системийн цэс: Худалдан авалт -> Худалдан авалт нэхэмжлэх -> Линк
Харилцагчаас ирсэн нэхэмжлэхийн файлыг онлайн файлын санд хадгалаад линкийг баримтын цонхонд тохируулснаар дараа нь нээж үзэх, хянах боломжтой.
Dayansoft ERP системийн цэс: Худалдан авалт -> Худалдан авалт нэхэмжлэх
Энэ цонхонд системд бүртгэсэн бүх борлуулалтын нэхэмжлэхийг жагсаалтаар харуулна. Борлуулалтын нэхэмжлэхийн жагсаалтыг
- Баримтаар жагсаалтаар
- Баримтыг динамик тайлангаар
- Бараагаар жагсаалтаар харах боломжтой.
Худалдан авалт -> Худалдан авалт нэхэмжлэх жагсаалтаас:
- нэхэмжлэхийн бүртгэлийг засах,
- excel файл руу экспортлох,
- нэхэмжлэхийн бараагаар шүүж харах,
- харилцагчаар шүүж харах
- нэхэмжлэхийн төлөлтийг Төлбөр баганаар шүүж харах боломжтой.
Нэхэмжлэх засахдаа тухайн засах мөрөн дээр 2 удаа дарах эсвэл Үйлдэл/Засах товч дарж засвар оруулаад Хадгалах товч дарна.
Худалдан авалтын нэхэмжлэхийг хаах:
Худалдан авалтын нэхэмжлэхийг хаахдаа тухайн нэхэмжлэхийн бүртгэлээс Үйлдэл -> Харилцахын зарлага товчоор зарлага бүртгэн журнал холбох, аль эсвэл төлбөр тооцоо хааж буй журналын Нэхэмжлэх № багананд хаах нэхэмжлэхийн дугаарыг оруулснаар Худалдан авалтын нэхэмжлэх-н жагсаалтанд Төлбөр баганад
- Төлөөгүй
- Төлсөн
- Илүү
- Дутуу
- Хөнгөлсөн гэсэн утгаар ялгарч харагдана.
