Стандарт өртөг
Шинэчилсэн:2022/09/16 Унших:1 мин 1 сек
Dayansoft ERP системийн цэс: Үйлдвэрлэл -> Стандарт өртөг
Энэ цонхонд “Бүтээгдэхүүн” төрөлтэй бэлэн бүтээгдэхүүний хувьд тухайн бүтээгдэхүүнийг үйлдвэрлэхэд гардаг стандарт өртгийг тохируулдаг. Стандарт өртгийг мөрдөж эхэлсэн, өөрчлөгдсөн хугацаагаар ялган хөтлөх боломжтой. Барааны код цонхонд бараа тус бүрээр ялган оруулах бол энэ цонхонд бүх бэлэн бүтээгдэхүүний стандарт өртгийг нэг жагсаалтаар харах, засах, нэмж оруулах, Excel файлаас импортлон оруулах, copy, paste хийх боломжтой.
Стандарт өртөг тохируулснаар үйлдвэрлээс орлогын бүртгэлд бэлэн бүтээгдэхүүний бодит өртгийг бүтээгдэхүүн тус бүрийн стандарт өртөгт пропорцлон хуваарилах боломжтой болдог.
Нэмэхдээ Үйлдэл/Нэмэх (Ctrl+Insert) товч дарна. Устгах, засах ажиллагаа нь бусад цонхтой ижил.
- ББ код – Бэлэн бүтээгдэхүүний кодыг оруулна.
- ББ нэр – Бэлэн бүтээгдэхүүний нэрийг оруулна.
- Стандарт өртөг - Стандарт өртгийн дүнг оруулна.
- Эхлэх огноо - Тухайн стандарт өртөг эхлэх огноо буюу хэзээнээс тухайн стандарт өртгөөр тооцох хугацааг оруулна.
- Дуусах огноо - Тухайн стандарт өртөг дуусах огноо буюу хэзээнээс тухайн стандарт өртөг хүчингүй болсон хугацааг оруулна. Өөрчлөгдөөгүй, анх оруулж байгаа бол хоосон орхино.
Анхаарах зүйл:
- Зөвхөн “Бүтээгдэхүүн” төрөлтэй барааны кодын хувьд тохируулж, үйлдвэрлэлээс орлогын цонхонд бэлэн бүтээгдэхүүний өртгийг стандарт өртгөөр хувиарилахад ашиглана.
- Үйлдвэрлэлээс орлогын баримтыг үүсгэж хадгалсны дараа тухайн хугацаанд хамааралтай стандарт өртөгт өөрчлөлт оруулсан тохиолдолд Үйлдвэрлэл -> Үйлдвэрлэлээс орлого -> Үйлдэл -> Нэгж стандарт өртгийг дахин татах товч дарснаар өөрчлөгдсөн стандарт өртгийг дахин татна.