Үйлдвэрлэлээс орлого

Шинэчилсэн:2024/10/16 Унших:6 мин 28 сек

Dayansoft ERP системийн цэс: Үйлдвэрлэл -> Үйлдвэрлэлээс орлого -> Шинэ

Энэ цонхонд дуусаагүй үйлдвэрлэлээс авсан орлогын баримт бүртгэнэ. Баримт бүртгэхдээ өөр баримтаас баримтын мэдээлэл дуудаж, бүртгэлийг хялбарчлах боломжтой. Жишээ: Борлуулсан бэлэн бүтээгдэхүүний тоо ширхэгээр үйлдвэрлэлээс орлого авах.

Нэмэхдээ жагсаалтаас Шинэ (Ctrl+N) товч дарна. Устгах, засах ажиллагаа нь бусад цонхтой ижил.

Баримтын мэдээллийг Үйлдэл -> Хэвлэх товч дарж хэвлэх боломжтой. Байнга давтагддаг Үйлдвэрлэлээс орлогыг Үйлдэл -> Хувилах товчоор хувилах боломжтой.

Толгой мэдээлэл

Огноо – Баримтын огноог оруулна.
Дугаар – Баримтын дугаарыг оруулна. Дугаар оруулаагүй үед систем автоматаар дугаарлана.
Утга – Баримтын утга, тайлбар бичнэ.
ДҮ данс – Дуусаагүй үйлдвэрлэлийн нэгтгэл данс сонгоно. Хэрэв танай байгууллага олон нэгтгэл данстай бол аль цех, дамжлага, үйлдвэрийн орлого авч байгаагаас шалтгаалж зөв дансаа сонгоно уу.
Reference – Өөр баримтын бүртгэлээс баримтын мэдээлэл дуудсан бол бүртгэлийн дугаарыг оруулна.

Гүйлгээний мэдээлэл

Жагсаалтын дээр байрлах “Баркодоор нэмэх” хэсэгт баркод уншигчаар бүртгэх боломжтой.
Бараа код – Бараа, үйлчилгээний код сонгоно. Энд зөвхөн Бүтээгдэхүүн төрөлтэй бараа кодууд шүүгдэж харагдана. Хэрвээ таны хайсан бараа код харагдахгүй бол Бараа материал -> Бараа код цонхонд Бараа төрөл шалгаарай.
Бараа нэр – Сонгосон барааны нэрийг харуулна.
Бараа тайлбар – Барааны тайлбар оруулж болно.
Бараа данс – Орлогодох бэлэн бүтээгдэхүүний данс сонгоно. Бараа материал -> Бараа код -> Данс тохиргоо цонхонд зөвхөн 1 данс тохируулсан тохиолдолд баримтын цонхонд барааны код сонгох үед энд тохируулсан дансыг автомат дуудаж харуулна. Хэрвээ бараа код сонгох үед бараа данс сонгуулахгүй, буруу данс автомат солигдож байвал энэ дансны тохиргоонд зөвхөн тухайн дансыг тохируулснаас болсон гэсэн үг. Иймд тус тохиргооноос дансыг солих, эсвэл зөв дансаа сольж тохируулсны дараа бүртгэлээ хөтөлнө үү.
Савлагаа тоо – Савлагаа тоо хэмжээг оруулна.
Савлагаа – Савлагаа талбарын утгыг харуулна.
Тоо хэмжээ – Тоо хэмжээг оруулна.
Нэгж – Хэмжих нэгжийг харуулна.
Нэгж стандарт – Нэгж стандарт өртгийг оруулна. Бараа материал -> Барааны код -> Орц норм цонхонд бүртгэсэн Стандарт өртөг талбарын утгыг хугацаагаар шүүж харуулна. Хэрвээ үйлдвэрлэлээс орлого цонхонд орлогын баримтыг үүсгэж хадгалсны дараа Барааны код цонхонд Стандарт өртөгт өөрчлөлт оруулсан бол Үйлдвэрлэл -> Үйлдвэрлэлээс орлого -> Үйлдэл -> Нэгж стандарт өртгийг дахин татах товч дарснаар өөрчлөгдсөн стандарт өртгийг татна.
Нийт стандарт – Нийт стандарт өртгийг оруулна.
Нэгж бодит – Бэлэн бүтээгдэхүүний бодит өртөг хуваарилсан үед нэгжийн бодит өртгийг харуулна.
Нийт бодит – Бэлэн бүтээгдэхүүний бодит өртөг хуваарилсан үед нийт бодит өртгийг харуулна.
Үнийн жагсаалт – Үнийн жагсаалт сонгож оруулна.
Нэгж үнэ – Бараа, үйлчилгээний нэгжийн үнийг оруулна.
Нийт үнэ – Бараа, үйлчилгээний нийт үнийг оруулна.
Сериал дугаар – Бараа, үйлчилгээний сериал дугаар оруулна.
Дуусах огноо – Бараа, үйлчилгээний дуусах огноог оруулна.
Гэрээ код – Аль гэрээний дагуу үйлдвэрлэлээс орлого авч байгааг сонгож оруулна. Дараа гэрээгээр тайлангаас шүүж харах боломжтой.
Ажил код - Аль ажлын үйлдвэрлэлээс орлого авч байгааг сонгож оруулна. Дараа ажлаар тайлангаас шүүж харах боломжтой.

Dayansoft ERP системийн цэс: Үйлдвэрлэл -> Үйлдвэрлэлээс орлого -> Баримтаар, Бараагаар, Нэгтгэл

Энэ цонхонд үйлдвэрлэлээс орлого авсан бэлэн бүтээгдэхүүнийг баримтаар, бараагаар болон нэгтгэлээр харуулна. Жагсаалтаас олноор нь сонгож Үйлдэл -> Хэвлэх боломжтой.

Бүтээгдэхүүний бодит өртөг хуваарилах

Dayansoft ERP системийн цэс: Үйлдвэрлэл -> Үйлдвэрлэлээс орлого -> Үйлдэл

Үйлдвэрлэлээс орлогын бүртгэл хийхэд тухайн орлогын бүртгэлд Бодит өртөг нь хуваарилагдаагүй учраас 0 байдаг. Орлогын бүртгэлээ хийсний дараа үйлдвэрлэсэн бүтээгдэхүүний бодит өртөг хуваарилахдаа 3 аргаар хуваарилж болно.

стандарт өртөгт үндэслэж бодит өртөг хуваарилах
тоо хэмжээнд үндэслэж бодит өртөг хуваарилах боломжтой.
бодит өртгийг стандарт өртгөөр хуваарилах

1. Стандарт өртөгт үндэслэж бодит өртөг хуваарилах

Үйлдвэрлэдэг бэлэн бүтээгдэхүүн тус бүрийн хувьд Бараа материал -> Бараа код -> Орц норм цонхонд танай байгууллага үйлдвэрлэлийн мастер нь стандарт өртөг тооцох аргачлалын дагуу тооцож, системд Стандарт өртөг тохируулсан байх.

Үйлдвэрлэсэн бэлэн бүтээгдэхүүний хувьд бэлэн бүтээгдэхүүний код дээр урьдчилан тохируулсан стандарт өртөгт үндэслэн (пропорцлож) хуваарилалт хийдэг. Жишээ нь, Стандарт өртөг 1000, 1500 гэсэн 2 бэлэн бүтээгдэхүүний хувьд бодит өртөг хуваарилахдаа хоёр дахь бүтээгдэхүүний бодит өртөг эхний бүтээгдэхүүний бодит өртгөөс 50% илүү хуваарилагдана гэсэн үг.

2. Тоо хэмжээнд үндэслэж бодит өртөг хуваарилах

Бэлэн бүтээгдэхүүн тус бүрийн хувьд стандарт өртөг тохируулах боломжгүй, бодит өртгийг бүтээгдэхүүн тус бүрээр ялган харах хэрэгцээ шаардлага байхгүй үед стандарт өртөг тохируулалгүйгээр үйлдвэрлэсэн бүтээгдэхүүний тоо хэмжээнд пропорцлож бодит өртгийг хуваарилах арга юм.

Энэ аргаар өртөг хуваарилах үед Үйлдвэрлэлээс орлого цонхонд Бодит өртөг нь бүх бүтээгдэхүүний хувьд ижил байдаг.

3. Бодит өртгийг стандарт өртгөөр хуваарилах

Бэлэн бүтээгдэхүүн тус бүрийн хувьд стандарт өртгөөр нь бодит өртгийг хуваарилах арга юм. Өөрөөр хэлбэл, Бараа материал -> Бараа код -> Орц норм цонхонд тухайн бүтээгдэхүүний стандарт өртгийг тохируулсан өртгөөр бодит өртгийг тооцно. Энэ аргыг яг стандартаа мөрддөг, эсвэл бодит өртгөө нарийвчлан бүртгэх боломжгүй, бодит өртгөө нарийвчлан зөв бүртгээгүй ч стандартаар бүртгэх бизнес хэрэглээнд ашиглах боломжтой.

Энэ аргаар өртөг хуваарилах үед Үйлдвэрлэлээс орлого цонхонд Бодит өртөг нь бүх бүтээгдэхүүний хувьд ижил байдаг.

Танай байгууллага үйлдвэрлэлийн онцлогоос хамаарч дээрх аргуудын аль нэгийг сонгож бодит өртгөө хуваарилна. Үйлдвэрлэлийн бүртгэл хөтлөхөөсөө өмнө дотроо сайн ярилцаж зөв аргаар хуваарилах ба явцын дунд өртөг хуваарилах аргаа солих нь бодит өртгийг буруу тооцоолоход хүргэх сөрөг талтай.

Бодит өртөг хуваарилахдаа Үйлдвэрлэл -> Үйлдвэрлэлээс орлого жагсаалтын цонхноос:

ДҮ данс талбараас дуусаагүй үйлдвэрлэлийн нэгтгэл данс сонгоход тухайн дансанд хуримтлагдсан дүнг Дебет дүн талбарт харуулна. Үлдэгдэл талбарт тухайн дансны үлдэгдлийг тооцож харуулна. Хэрвээ ДҮ дансыг кредитлэсэн гүйлгээ хийсэн бол дээрх 2 талбарын утга зөрүүтэй харагдана. Энэ тохиолдолд Үлдэгдэл дүнг Дебет дүн талбарт гараас засч оруулаад өртөг хуваарилах нь оновчтой. Дебет талбарт оруулсан дүнг хуваарилдаг бөгөөд гараас өөрчилж хуваарилах, өмнө хуваарилсан тохиолдолд 0 утга оруулаад хуваарилахад өмнөх хуваарилсан дүн 0-лэгдэх ба дахин хуваарилах дүнг оруулж хуваарилна.
Тухайн хуримтлагдсан дүнг хуваарилах орлогын баримтуудаа жагсаалтаас сонгоно. Орлогын баримтуудаа сонгоогүй тохиолдолд "Бодит өртөг хуваарилах орлогуудаа сонгоно уу!" алдааны мессэж харуулна.
Үйлдэл товч дараад өртөг хуваарилах аргаа сонгоно.

Зөвлөмж:

Үйлдвэрлэсэн бүтээгдэхүүний бодит өртгийг стандарт өртөгт үндэслэн хуваарилах үед Барааны код -> Орц норм цонхонд тохируулсан стандарт өртөгт үндэслэн (пропорцлож) хуваарилалт хийдэг ба стандарт өртөг оруулаагүй бэлэн бүтээгдэхүүнүүдэд өртөг хуваарилагдахгүй болохыг анхаарна уу.
Энэхүү дүн хуваарилалт нь зөвхөн Үйлдвэрлэлээс орлогын баримтууд дээр бодит өртгийн дүнг хуваарилж байгаа бөгөөд борлуулсан бэлэн бүтээгдэхүүний өртөг бодогдохгүй болохыг анхаарна уу. Үйлдвэрлэлээс орлогын баримтуудад бодит өртөг хуваарилсны дараа борлуулсан бүтээгдэхүүний өртгийг Бараа материал -> Өртөг бодох цонхоор бодуулна.
Зарим үйлдвэрүүд өдөр тутамдаа үйлдвэрлэлээс орлогын бүртгэлийг хөтлөхгүйгээр бусад бүртгэлээ хөтөлж сарын эхний өдрөөр нэг орлогын баримт үүсгэж нийт үйлдвэрлэсэн бэлэн бүтээгдэхүүний орлогыг авч бүртгэх арга байдаг. Өдөр тутмын орлого, үлдэгдэл хөтлөх хэрэгцээ байдаггүй бол ингэж бүртгэх боломжтой.
Танай үйлдвэрлэлд тухайн багц үйлдвэрлэл тус бүрийн өртөг зардлыг ялгаж харах, хянах, мөшгих, эргээд яг тухайн багц үйлдвэрлэлийг ТЭМ-с нь эхлээд эцсийн бэлэн бүтээгдэхүүн болж үйлдвэрээс дэлгүүрүүд, харилцагч руу явсан бүртгэлийг tracking хийж мөшгих хэрэгцээ шаардлага байдаг бол Үйлдвэрлэл-Ажлын бүртгэл хөтлөхийг зөвлөж байна. Ажил буюу үйлдвэрлэл тус бүрээр бүх шат дамжлагыг ялган бүртгэснээр зөвхөн тухайн нэг багц ажлын өртгийг, үйлдвэрлэлийн явцыг ялгах, tracking хийх боломжтой.

Dayansoft ERP системийн цэс: Үйлдвэрлэл -> Үйлдвэрлэлээс орлого -> Бүртгэл -> Мета

Энэ цонхонд дуусаагүй үйлдвэрлэлээс авсан орлоготой холбоотой нэмэлт дэлгэрэнгүй мэдээллийг бүртгэнэ. Нэмэлт мэдээлэл бүртгэхийн тулд Үндсэн тохиргоо -> Мета цонхонд урьдчилан бүртгэл хийх мэдээллийг бүртгэж тохируулсан байх шаардлагатай.

Борлуулалтанд үндэслэж үйлдвэрлэлээс орлого авах:

Зарим байгууллагын хувьд түргэн борлогддог, үлдэгдэлгүй борлогдсон, үйлдвэрлэлийн процесс хурдан зэрэг үйл ажиллагааны онцлогоос хамаарч үйлдвэрлэлээс орлогоо бүртгэхдээ үйлдвэрлэсэн даруйдаа бус, борлуулсны дараа борлуулалтандаа үндэслэн орлогын бүртгэлээ хөтлөх тохиолдол байдаг. Энэ тохиолдолд үйлдвэрлэлээс орлого авах бол Үйлдвэрлэл -> Үйлдвэрлэлээс орлого -> Үйлдэл -> Борлуулалтаас татах товч дарна. Борлуулалтын жагсаалт цонхноос борлуулалтын баримтуудыг сонгоод “Сонгох” товч дарна.

Олон борлуулалт сонгон, нэг үйлдвэрлэлээс орлогын баримт үүсгэх боломжтой. Борлуулалт сонгосноор тухайн борлуулалтын баримт дахь бэлэн бүтээгдэхүүний нэр төрөл, тоо ширхэгээр үйлдвэрлэлээс орлого авна.

Үйлдвэрлэлээс орлогоос бусад бүртгэл үүсгэх:

Үйлдвэрлэлээс орлого болон үйлдвэрлэлээс орлогын жагсаалт цонхноос Үйлдэл товч дарж

Материалын зарлага үүсгэх
Дотоод хөдөлгөөн үүсгэх товч дарахад тус тусын бүртгэлийн цонхонд шинэ горимд бараа, бусад мэдээллийг хуулагдах ба бүртгэлийг хялбар үүсгэх боломжтой.

Анхаарах зүйл: Үйлдвэрлэлээс орлогын бүртгэл хийсний дараа тухайн орлогын бодит өртгийг хуваарилах шаардлагатай. Бодит өртөг хуваарилаагүй тохиолдолд цаашхи борлуулсан бүтээгдэхүүний өртөг тооцогдохгүй болохыг анхаарна уу. Бодит өртөг дүнг хуваарилах орлогын баримтуудаа жагсаалтаас сонгоно. Орлогын баримтуудаа сонгоогүй тохиолдолд "Бодит өртөг хуваарилах орлогуудаа сонгоно уу!" алдааны мессэж харуулна.