Барааны бүлэг
Шинэчилсэн:2024/10/14 Унших:1 мин 23 сек
Dayansoft ERP системийн цэс: Бараа материал -> Барааны бүлэг
Энэ цонхонд байгууллагын хэмжээнд ашиглагдах бүх бараа материалын бүлгийн мэдээллийг оруулна. Хэрэглэгч та бараа материалаа дурын байдлаар бүлэглэж бүртгэх боломжтой. Гэхдээ барааны бүлэг гэдэг нь тухайн барааны шинж чанарыг илэрхийлсэн, тайлан мэдээ гаргахад ашиглагдахуйц, хэрэгцээтэй байх шаардлагатай. Байгууллага өөрсдийн онцлогоос хамаарч янз бүрээр хөтөлдөг. Жишээ нь, зарим нь хангамжийн материал гэсэн бараа материалын данс үүсгэдэг бол зарим нь барааны бүлэг үүсгэдэг. Зарим байгууллага ТЭМ буюу түүхий эд материал гэсэн ганц бүлэг үүсгээд явдаг бол зарим нь Гурил, гурилан бүтээгдэхүүн, Мах, махан бүтээгдэхүүн, Нарийн ногоо, Бүдүүн ногоо, Амтлагч гэх мэт нарийвчлан задалдаг.
Нэмэхдээ Үйлдэл/Нэмэх (Ctrl+Insert) товч дарна. Хэрвээ барааны кодыг импортлон оруулж байгаа бол Барааны бүлэг автоматаар үүснэ. Устгах, засах ажиллагаа нь бусад цонхтой ижил байна.
- Нэр – Барааны бүлгийн нэр оруулна.
- Код – Барааны бүлгийн код оруулна.
- Харъяа бүлэг – Барааны бүлгийг дэд бүлэгт харъяалуулж болно.
- Дараалал – Бусад цонхонд харагдах дарааллыг оруулна.
- Default – Системээс автоматаар санал болгох үндсэн бүлгийг сонгоно.
- НХАТ (default) – Зөвхөн хуульд НХАТ буюу нийслэл хотын албан татвар тооцох барааны бүлэг бол тэмдэглэнэ. Жишээ нь, Архи, пиво зэрэг согтууруулах ундаа, тамхи. Бараа шинээр кодлож бүртгэх үед НХАТ тооцох эсэхийг барааны бүлгийн тохиргооноос дуудна.
- НӨАТУС ангилал (default) – Тухайн барааны бүлгийн бараанууд www.ebarimt.mn буюу ГТЕГ-н бараа ажил үйлчилгээний ангиллын кодоос аль ангилалд хамаарахыг сонгоно. Зөвхөн Dayansoft ERP, Dayansoft POS програмуудаар борлуулалт хийгдэж, ebarimt.mn сайт руу илгээгдэх барааны бүлэг дээр тохируулахыг анхаарна уу.
Програм анх суулгахад Барааны бүлэг толгой бүлэгт Бүлгийн нэрээ оруулна уу гэсэн нэртэй анхны бүлэг оруулсан байдаг. Бүлгийн нэрийг өөрчлөөд, нэмэх бүлгээ нэмээд хадгална. Хэрвээ бүлэг дотор дэд бүлэг үүсгэх бол дээрх зурагт үзүүлсний дагуу Харъяа бүлэг багананд толгой бүлгийг сонгож хадгална.