Бараа данс тохируулах
Шинэчилсэн:2024/10/16 Унших:2 мин 17 сек
Dayansoft ERP системийн цэс: Бараа материал -> Бараа код –> Тохиргоо -> Данс тохиргоо
Энэ цонхонд тухайн бараа, бүтээгдэхүүний:
-Орлого авах
-Зарлага хийх
-Үлдэгдэл хөтлөгдөх бараа материалын дансыг тохируулна. 1 бараа кодын хувьд 1 ба түүнээс олон Бараа материалын данс тохируулах боломжтой. Данс тохируулахгүй ч байж болно. Dayansoft POS програм ашигладаг бол тухайн посоор зарлага гарах Бараа материал дансыг заавал урьдчилж тохируулсан байна.
Зөвхөн бараа материалын данс тохируулахаас гадна тухайн дансны зохимжит байх ёстой үлдэгдэл, захиалах тоо хэмжээг тохируулснаар:
-Дуусч байгаа бараа материалыг шүүж харах, захиалга үүсгэх
-Илүү татан авалт хийж агуулахыг зохисгүй ашиглаж байгаа бараа материалыг шүүх, татан авалтыг төлөвлөх
-Бараа материалын байршил, лангуу, эгнээг тохируулж, бараагаа түргэн шуурхай олох боломжтой.
Данс тохируулахдаа жагсаалтын дээр байрлах Нэмэх товч дарж, данс сонгож оруулна. Данс хасахдаа жагсаалтын дээр байрлах Хасах товч дарна.
- Бараа данс – Сонголтонд зөвхөн Туслахтай барааны дансуудыг шүүж харуулна. Хэрвээ таны үүсгэсэн данс харагдахгүй бол дансны Туслахтай, Туслахгүй тохиргоог шалгана уу. Барааны дансанд зөвхөн 1 данс тохируулсан тохиолдолд баримтын цонхонд барааны код сонгох үед энд тохируулсан дансыг автомат дуудаж харуулна. Хэрвээ олон данс тохируулсан бол баримт шивэхдээ дансаа сонгож гүйлгээ бүртгэнэ.
- Бараа данс – Сонгосон барааны дансны нэрийг харуулна.
- Захиалах тоо - Тухайн барааны дансанд дахин захиалах, нэг удаагийн татан авалт хийх зохистой тоог оруулна.
- Доод үлдэгдэл – Тухайн барааны дансанд байх зохистой доод үлдэгдлийг оруулна. Энд зохимжтой доод үлдэгдлийг тохируулснаар:
- Бараа материал -> Барааны үлдэгдэл цонхонд доод үлдэгдлээс багассан барааг шүүж харах
- Тайлан -> Бараа материал -> Бараа материалын үлдэгдэл, Бараа материалын үлдэгдэл # тайлангуудаас доод үлдэгдлээс багассан барааг шүүж харах
- Худалдан авалтын захиалга цонхноос доод үлдэгдлээс багассан барааг автоматаар захиалга үүсгэх зэрэг боломжтой.
- Дээд үлдэгдэл – Тухайн барааны дансанд байх зохистой дээд үлдэгдлийг оруулна. Энд зохимжтой дээд үлдэгдлийг тохируулснаар:
- Бараа материал -> Барааны үлдэгдэл цонхонд дээд үлдэгдлээс хэтэрсэн барааг шүүж харах
- Тайлан -> Бараа материал -> Бараа материалын үлдэгдэл, Бараа материалын үлдэгдэл # тайлангуудаас дээд үлдэгдлээс хэтэрсэн барааг шүүж харснаар агуулахад ихээр татан авч, борлуулалт хийхгүй, бэлэн мөнгө түгжсэн бараа материалыг хянах, агуулахын зөв зохистой хэрэглэх боломжтой.
- Үлдэгдэл – Тухайн барааны дансан дахь яг одоогийн буюу системд бүртгэл хийснээрх Realtime үлдэгдлийг тооцоолж харуулна. Үлдэгдэл нь Dayansoft ERP системд хийсэн бүртгэлээс гадна Dayansoft POS програмаар борлуулалт хийгдсэн мэдээлэл мэдээллийн баазад ирсэн тохиолдолд дансны үлдэгдлээс хасалт хийгдэж бодит үлдэгдлийг харуулна.
- Байршил – Тухайн бараа тухайн данс, байршилд яг хаана байгаа буюу location-г оруулна. Энд "Эгнээ, лангуу, тавиур" зэрэг тухайн барааг хаанаас хайж олохыг товч, тодорхой бүртгэнэ. Dayansoft POS програм дээр барааг код, нэрээр хайж олсны дараа энд бичсэн байршлаар яг хаана байгааг хурдан олох боломжтой.
Бараа данс олноор, бүлгээр тохируулах:
Хэрвээ барааны дансыг олноор нь буюу олон бараанд ижил тохируулах, өөрчлөх бол Бараа код -> Үйлдэл -> Бараа данс тохируулах дарж бараа бүлэг, бараа данс сонгож нэмэх дарна. Мөн эсрэгээр тохируулсан дансыг Хасах дарж хасах боломжтой.
