CRM буюу харилцаа холбоо
Шинэчилсэн:2024/10/16 Унших:2 мин 32 сек
Dayansoft ERP системийн цэс: Үндсэн тохиргоо -> Харилцаа холбоо
Аливаа бизнес, ажил хэрэг бүгд хүмүүсийн хоорондын харилцаа холбоонд үндэслэн хийгддэг. Харилцагч байгууллагатайгаа үл ойлголцсоноос болж ажил хэрэг, бизнес эрсдэлд орох, алдагдал хүлээх зэрэг сөрөг нөлөөллүүд гарч болно. Харилцагч гэлтгүй компанийн дотоод ажилтантай хүртэл янз бүрийн бизнесийн, хувийн харилцаа, хэлэлцээр, ажил үүрэг даалгавар өгөх зэрэг харилцаа холбоо үүсгэдэг. Эдгээр бүх харилцаа холбоо буюу CRM (customer relationship management)-г энэхүү цонхонд оруулна. Харилцаа холбоо нь дараах байдлаар янз бүрийн төрөлтэй байж болно.
- Уулзалт
- Event
- Сургалт
- Утсаар ярьсан лог
- Мэйл
- Ажил үүрэг, даалгавар, task гэх мэт байгууллагын онцлог, үйл ажиллагаанаас хамаарч юу ч байж болно.
Ингэж бүх харилцагч, ажилтнуудтай, компаний дотоодод болж байгаа бүх харилцаа холбоо, ажил үүргээ бүртгэснээр эргээд хийгдсэн, хийгдээгүй, хоцорсон ажлуудыг хянах, хариуцлага тооцох, алдаагаа олох, засах, процессоо сайжруулах боломжтой болно. Хүн гэдэг робот, компьютер биш учраас бүгдийг толгойдоо цээжлээд бичиж үлдээхгүй санаад явах боломжгүй юм.
Нэмэхдээ Үйлдэл/Нэмэх (Ctrl+Insert) товч дарна. Мөн Үйлдэл -> Нэмэх (метагаас) товчийг дарж метаг ашиглаж байнга давтагддаг, багц ажил, утгуудыг олноор нэмэх боломжтой.Устгах, засах ажиллагаа нь бусад цонхтой ижил. Үйлдэл-Хувилах, жагсаалтаас сонгоод хулганы баруун товч дараад Хувилах дарж бүртгэлийг хувилах боломжтой.
- Дугаар - Системээс автомат дугаар олгоно.
- Харилцагчийн код – Харилцагчийн кодийг сонгож оруулна.
- Харилцагчийн нэр – Харилцагчийн нэрийг сонгож оруулна.
- Харилцагчийн нэр /EN/ – Харилцагчийн нэрний орчуулгыг харуулна.
- Толгой харилцагч – Толгой харилцагчийн нэр харуулна.
- Хэн – Холбогдсон хүний нэрийг оруулна.
- Утас – Утасны дугаарыг оруулна.
- Mail – Email хаягийг оруулна.
- Огноо – Тухайн харилцаа холбооны огноог оруулна.
- Утга – Харилцаа холбооны талаар дэлгэрэнгүй тайлбар оруулна.
- Төрөл – Төрөл сонгож оруулна. Байгууллагууд үйл ажиллагааны онцлогоос хамаарч төрөлжүүлэн ангилна. Шинэ төрлийг бичиж оруулах ба өмнө үүсгэсэн төрлүүдээс сонголт хийх боломжтой.
- Чухал - Тухайн ажил чухал эсэхийг тэмдэглэнэ.
- Биелэх хугацаа – Шийдвэрлэх эцсийн хугацааг (товлосон өдөр, цаг, deadline) оруулна.
- Хугацаа – Тухайн ажлыг хийхэд зарцуулсан хугацааг оруулна. Ажлын гүйцэтгэл хянахад ашиглана.
- Хариуцагч – Асуудлыг хэн шийдвэрлэхийг сонгож оруулна.
- Төлөв – Төлөв сонгож оруулна. Байгууллагууд үйл ажиллагааны онцлогоос хамаарч төрөлжүүлэн ангилна. Шинэ төлвийг бичиж оруулах ба өмнө үүсгэсэн төлвүүдээс сонголт хийх боломжтой.
- Биелүүлсэн – Шийдвэрлэж өгсөн хугацааг оруулна.
- Тайлбар – Биелэлттэй холбоотой нэмэлт тайлбар оруулна.
- Reference - Ямарваа нэг бүртгэлтэй холбоотой бол тухайн бүртгэлийн дугаарыг оруулна.
- Гэрээ код – Аль гэрээтэй холбоотой харилцаа холбоо бүртгэж байгааг сонгож оруулна.
- Ажил код - Аль ажилтай холбоотой харилцаа холбоо бүртгэж байгааг сонгож оруулна.
- Хаагдсан - Тухайн харилцаа холбоо хаагдсан, дууссан тохиолдолд чеклэнэ.
- Хянасан - Тухайн ажлыг, гүйцэтгэлийг хянасан ажилтныг сонгоно.
- Хянасан - Тухайн ажлыг, гүйцэтгэлийг хянасан хугацааг сонгоно.
- Expected revenue – Тухайн байгууллага, харилцагчийн асуудал бэрхшээлийг шийдэхийн тулд гарах зардал, эсвэл олох орлогыг урьдчилан тооцож оруулна. Зардлаа тооцоолох, орлогоо урьдчилан тооцож харахад ашиглаж болно. Жишээ нь, шинэ борлуулалт хийх боломж гарахад нийт хэдэн бүтээгдэхүүн борлуулах, түүнээс хэдэн төгрөгний орлого олох боломжтой гэх мэт.
- Хэтэрсэн хоног – Биелэх хугацаа, Биелүүлсэн хугацаа 2-оос хэтэрсэн хоногийг тооцоолон харуулна.
- Идэвхтэй – Харилцаа холбооны бүртгэл идэвхгүй болгох бол чекийг авч хадгална.
Жагсаалт дээр хулганы баруун товч дарснаар:
- Хувилах - Тухайн мөрийг хувилж үүсгэнэ.
- Бүх харилцаа холбоог харах - Тухайн харилцагчийн бүх харилцаа холбооны бүртгэлийг шүүнэ.
- Харилцагч харах - Тухайн харилцагчийн дэлгэрэнгүй бүртгэл рүү үсэрнэ.