Франчайзи бизнес эрхлэгч танд #103

Шинэчилсэн:2024/11/20 Унших:4 мин 14 сек

Даянсофт ХХК-н Dayansoft ERP, Dayansoft POS, Dayansoft DMart бүтээгдэхүүнүүд нь олон салбар нэгжтэй, дотоодын болон олон улсын франчайзи бизнес эрхлэгч нарт бизнесээ нэгдсэн нэг удирдлагаар явуулах, хянах боломжийг салбар нэгжүүд болон толгой компанид олгодог. Бид 2016 оноос хойш дотоод гадаадын франчайзи бизнесүүдэд системээ нэвтрүүлж, шаардлагатай сайжруулалт хөгжүүлэлтийг хийсээр байна. Манай харилцагч франчайзи бизнесүүд:

Энэхүү зааварчилгаа нь зөвхөн франчайзи бизнес эрхэлдэг, мастер франчайзи компаниас Dayansoft POS програмын меню, бараа, үнэ бусад тохиргоог удирддаг бөгөөд дотооддоо Dayansoft ERP системийг ашигладаг хэрэглэгч нарт зориулсан болно. Өөрөөр хэлбэл, танай байгууллагын ашиглаж буй Dayansoft POS програм нь танай Dayansoft ERP системээс тохиргоо мэдээллээ огт авдаггүй, толгой компаний ашигладаг Dayansoft ERP системтэй холбогдсон байдаг.

Фрайнчайзи салбарыг эзэмшигч та дараах зүйлсийг мэдэх шаардлагатай.

Та өөрийн ERP системээс POS програмд бараа үйлчилгээ нэмж, засч, хасч чадахгүй. Зөвхөн толгой компани тохиргоог хийнэ.
Та өөрийн ERP системээс POS програмд нэвтрэх ажилтнаа нэмж, засч, хасч, нууц үгийг нь сольж чадахгүй. Зөвхөн толгой компани тохиргоог хийнэ.
Dayansof DMart програмаас зөвхөн өөрийн салбарын борлуулалтын мэдээллийг харах боломжтой.
Хэрэв танай байгууллага Dayansoft ERP систем ашигладаг бөгөөд франчайзи салбарын POS програмаас борлуулалтын дата мэдээллээ өөрийн ERP системд илгээх тохиргоог хийлгэсэн (зөвхөн Даянсофт ХХК-с тохируулах боломжтой) бол мастер франчайзи компаниас POS програмд шинэ бараа үйлчилгээ бүртгэх бүрт өөрийн ERP системд шинэ барааг кодлох шаардлагатай. Хэрвээ бүртгээгүй тохиолдолд борлуулалтын дата мэдээлэл илгээгдэхгүй алдаа заахыг анхаарна уу. Доод хэсэгт дэлгэрэнгүй заавар байгааг харна уу.
Хэрэв танай салбар гишүүнчлэлийн карт ашигладаг бол тухайн гишүүний худалдан авалтын мэдээлэл танай өөрийн ERP системд илгээгдэх боломжгүй. Зөвхөн DMart болон POS програмаас тайлан мэдээ харах боломжтой. Мөн франчайзи бизнесийн хувьд салбаруудын гишүүнчлэлийн карт цэнэглэлтийг зөвхөн толгой компаниас хийх боломжтой.

Шинэ бараа үйлчилгээг бүртгэх заавар

Франчайз бизнесийн Dayansoft POS програмаас өдрийн хаалт хийх, мэдээлэл илгээхэд:

ERP-д амжилттай илгээгдлээ
ERP2-д амжилттай илгээгдлээ гэсэн 2 мессэж гарч ирэх ёстой. 2 дахь мессэж гаралгүй оронд нь дараах 2 төрлийн алдааны мессэж харагдаж болно.

1-рт, “[...] кодтой шинэ БАРАА нэмэгдсэн байна! ERP системд #103 зааврын дагуу бүртгэсний дараа дахин илгээнэ үү!” эсвэл

2-рт, “[...] кодтой бараанд БАРАА ДАНС тохируулаагүй байна! ERP системд #103 зааврын дагуу тохируулсны дараа дахин илгээнэ үү!” алдаа заагаад мэдээлэл илгээгдэхгүй байх тохиолдол үүсдэг.

Франчайз (Franchise) бизнесүүдийн хувьд борлуулалтаа хянах зорилгоор салбар тус бүрийн борлуулалтын цэгүүдийн програмын мэдээллийн баазыг 1 дундын бааз дээр бүртгэж, тухайн 1 баазаас салбарууд буюу Dayansoft POS програмууд барааны нэр, үнэ, тохиргоо мэдээллээ татаж авдаг. Өөрөөр хэлбэл, шинэ бараа бүтээгдэхүүнийг Мастер франчайзи эрхтэй байгууллага дундын бааз дээр бүртгэдэг. Нэгэнт бүртгэгдээд танай Dayansoft POS програмаар зарагдсан тохиолдолд салбар нэгж буюу тухайн ААН өөрсдийн ашигладаг Dayansoft ERP системд тухайн Мастер франчайзи компаний бүртгэсэн кодоор тухайн барааг бүртгэж байж Dayansoft POS програмаас борлуулалтын мэдээлэл танай дотооддоо ашиглаж буй Dayansoft ERP систем рүү илгээгдэх боломжтой болно. Хэрвээ бүртгээгүй тохиолдолд зөвхөн Мастер франчайзийн дундын мэдээллийн бааз руу борлуулалт илгээгдээд, танай Dayansoft ERP систем рүү илгээгдэхгүй алдааны мессэж харуулаад үлдэнэ гэсэн үг. Учир нь танай ERP системд барааны код мэдээлэл үүсээгүй учраас ямар бараа зарагдсан нь тодорхойгүй болсон гэсэн үг.

Шинээр нэмэгдсэн барааны кодыг Dayansoft ERP системд бүртгэхдээ:

Шинээр нэмэгдсэн барааны кодыг [ ] хаалтанд алдааны мессэж дээр харуулдаг. Dayansoft ERP системд Бараа материал -> Барааны код цонхонд тухайн кодоор барааг бүртгэнэ. Бүртгэж оруулахдаа өмнө оруулсан меню, барааг хувилж үүсгэвэл хялбар байдаг. Дараах мэдээллийг заавал оруулна.

Барааны код - [ ] хаалт доторх кодыг оруулна.
Барааны нэр - Dayansoft POS програмд [ ] хаалт доторх кодыг оруулж нэмэгдсэн барааны нэрийг хараад энд оруулна.
External code - [ ] хаалт доторх кодыг Бараа кодтой ижил оруулна. Энд тохируулсан кодоор Dayansoft POS програмын борлуулалт нь таны Dayansoft ERP систем рүү хөрвөж орно. Хэрвээ олон нэр төрлийн барааг Dayansoft ERP системд 1 барааны код болгож борлуулалтыг бүртгэх тохиолдолдт тухайн барааны кодуудыг таслалаар зааглаж бүртгэнэ үү. Жишээ нь, 1001, 1002, 105 гэх мэт. Coca cola, Sprite, Fanta зэрэг ундааг Soft drink гэсэн 1 бараа код дээр бүртгэх бизнес хэрэглээ байж болно. Хэрэглэгч нар энэ кодыг оруулахгүй орхих алдааг түгээмэл гаргадаг! Энд тохируулаагүй тохиолдолд 1-р мессэж харагддаг.
Барааны бүлэг - Тухайн барааны бүлгийг сонгоно.
Барааны төрөл - Тохирох зөв төрлийг сонгоно.
Барааны үнэ - Зарах үнэ оруулна.
Барааны данс - Тухайн бараа ямар данснаас хасалт хийгдэхийг зөв тохируулна. Энд тохируулсан данс нь Борлуулалт -> Пос тохиргоо -> Бараа данс цонхонд тохируулсан данс байх ёстойг анхаарна уу! Хэрэглэгч нар энэ кодыг оруулахгүй орхих алдааг түгээмэл гаргадаг! Зөв тохируулаагүй тохиолдолд 2-р мессэж харагддаг.

MasterItem

Хэрвээ Dayansoft DMart програм ашигладаг бол Material/Product -> Item жагсаалтаас Code баганаас [ ] доторх барааны кодоор хайж, зарах үнэ, бүлэг, нэршлийг харах боломжтой.

Бүртгэлээ зөв хийсний дараа Dayansoft POS програмаас “Мэдээлэл илгээх” товч дарна. Хэрвээ дээрх алдаа заасаар байвал хийсэн бүртгэлээ эргэн харна уу.

Түгээмэл гаргадаг алдаа:

External code хоосон, эсвэл буруу оруулдаг.
Барааны дансаа барааны код болон пос тохиргоо цонхонд аль алинд нь бүртгэх ёстой.
Өөр шинэ бараа үүсгэхдээ Dayansoft POS дээрх өмнө бараа кодтой ижил кодоор үүсгэж, гүйлгээнд холбосон тохиолдол гардаг. Энэ үед тухайн кодоо давхцалгүй өөр кодоор сольж хадгалаад, Dayansoft POS програм дээрх кодоо дээрх зааврын дагуу шинээр үүсгээрэй.