Данс код, данс тохиргоо

---

Шинэчилсэн:2024/10/16 Унших:11 мин 31 сек

Dayansoft ERP системийн цэс: Санхүү бүртгэл –> Данс код

Видео зааварчилгааны текст мэдээлэл:

* Ерөнхий дэвтэр -> Данс код цонхонд байгууллагын хэмжээнд бүртгэл хөтлөх данс үүсгэж, дансны төлөвлөгөө оруулна. Бүх ажил гүйлгээ, баримт нь дансны төлөвлөгөөнд суурилж хийгдэх ба тайлангууд дансаар бүлэглэгдэж, ялгарч гарах учраас дансны төлөвлөгөөг хариуцлагатай, зөв, нямбай үүсгэх шаардлагатай. Системийг анх суурилуулах үед Сангийн сайдын 2014 оны 249-р тушаалын хавсралт дахь аж ахуй нэгж байгууллагын нягтлан бодох бүртгэлийн дансны жишиг жагсаалтыг оруулсан байх ба өөрийн байгууллагын онцлогт тохируулж зарим дансыг нэмж, хасч тохиргоо хийх шаардлагатай.   
* Зүүн гар талд дансны бүлгээр шүүх боломжтой байдаг. Данс шинээр нэмэх бол ямар бүлэгт данс нэмэх вэ гэдгээс хамаарч тухайн дансны бүлгээ эхлээд сонгоно. Жишээ нь харилцах данс үүсгэх бол Эргэлтийн хөрөнгө бүлгийн Мөнгө, түүнтэй адилтгах хөрөнгө бүлэг дээр дарж гарч ирсэн данснуудаас хувилж үүсгэх данс дээр хулганы баруун товчийг дараад хувилах дарна. Ингэснээр дансны мэдээлэл хувилагдаж үүсэх ба данс код болон нэрийг давхардалгүйгээр болгож өөрчлөөд хадгалах дарна. Харилцах данстай холбоотой банк, дансны дугаар, нэр зэрэг мэдээллийг оруулж өгнө. Уг тохиргоог зөв хийснээр Даянсофт и ар пи системтэй интеграци холболт хийсэн банкнаас хуулга автомат татах, програмаас хэвлэх баримт мэдээнд дансны дугаар хэвлэх боломжтой юм.  
* Хэрэв бараа материал данс шинээр нэмж үүсгэх бол мөн ижил хувилж үүсгэнэ. Шинээр үүсгэсэн бараа материалын данснаас хийсэн борлуулалтын орлого, борлуулсан барааны өртгийг ялгаж харах шаардлагатай бол борлуулсан барааны өртөг, Борлуулалтын орлого, Борлуулалтын хөнгөлөлт, Борлуулалтын буцаалт дансуудыг хувилж үүсгээд Тохиргоо цонхонд тухайн бараа материалын дансны ард тохируулж өгнө. Энэ тохиргоог хийгээгүй тохиолдолд тухайн бараа материалын дансаар гүйлгээ бүртгэх боломжгүй алдааны мессэж харуулна. 

Энэ цонхонд байгууллагын хэмжээнд бүртгэл хөтлөх данс үүсгэж, дансны төлөвлөгөө зохиож оруулна. Бүх ажил гүйлгээ, баримт нь дансны төлөвлөгөөнд суурилж хийгдэх ба тайлангууд дансаар бүлэглэгдэж, ялгарч гарах учраас дансны төлөвлөгөөг хариуцлагатай, зөв, нямбай үүсгэх шаардлагатай. Системийг анх суурилуулах үед Сангийн сайдын 2014 оны 249-р тушаалын хавсралт дахь ААН-н нягтлан бодох бүртгэлийн дансны жишиг жагсаалтыг оруулсан байх ба өөрийн байгууллагын онцлогт тохируулж зарим дансыг нэмж, хасч тохиргоо хийх шаардлагатай. Хэрвээ програм анх суурилуулахад байсан дансны жишиг төлөвлөгөөг татах бол ЭНД дарж татна уу. Дансны бүлэг, төрөл, тохиргоог буруу өөрчилснөөс болж тайлан мэдээ буруу боловсруулж харуулахыг анхаарах хэрэгтэй.

Гүйлгээнд холбохоос өмнө дансыг олноор нь сонгоод Үйлдэл -> Устгах боломжтой. Цаашид огт ашиглагдахгүй дансыг л устгах нь зөв ба устгасны дараа буцааж сэргээх боломжгүй, шаардлагатай бол гараар буцааж нэмэхийг анхаарна уу!

Нэмэхдээ Үйлдэл/Нэмэх (Ctrl+Insert) товч дарна. Устгах, засах ажиллагаа нь бусад цонхтой ижил.

Өмнө үүсгэсэн данстай ижил шинж чанартай данс үүсгэх тохиолдолд тухайн дансыг сонгон Үйлдэл -> Хувилах эсвэл хулганы баруун товч дарж Хувилах товчоор хувилаад зөвхөн Данс код, Данс нэр өөрчлөөд хадгалах нь хамгийн хялбар арга юм.

Хэрвээ танай байгууллага олон салбар нэгж, өртгийн төвтэй ба тус бүр олон данс үүсгэх шаардлагатай бол хувилах дансаа сонгоод Үйлдэл -> Хувилах (олноор) дарж олноор нь хувилна.

Мөн хулганы баруун товч дарж тухайн дансны бүх гүйлгээний түүхийг харах боломжтой.

• Данс код – Дансны код оруулна. Эхний 4 орон нь Дансны төрөл буюу улсын хэмжээнд ижил стандартаар кодчилогдоно. Байгууллагын хэмжээ, үйл ажиллагааны онцлогоос хамаарч дансны орон 6, 8, 10 гэх мэт тэгш тоотой оронгоор жигд урттай байх нь зохимжтой. Эхний 4 оронгоос хойшхи 2, 2 оронгоор салбар нэгж, бизнес төрөл гэх мэт янз бүрийн утга илэрхийлнэ.
• Данс нэр – Дансны нэр оруулна.
• Данс бүлэг – Дансны бүлэг сонгоно. Дансны бүлэг нь сангийн яамны тайлангийн маягтаас авч системд хатуу тохируулсан бөгөөд нэршил өөрчлөх, нэмж, хасах үйлдлийг зөвхөн маягтын өөрчлөлтийн дагуу Даянсофт ХХК хариуцан хийнэ. Харилцагч байгууллагын шаардлагаар бүлэг нэмж, хасах боломжгүй болно. Тайлан модульд тухайн дансанд бүртгэсэн гүйлгээ тайлангийн аль мөр, баганад очихыг энэ тохиргоо буюу дансны бүлгээс авах тул дансны бүлгээ зөв тохируулна уу. Тайланд буруу баганад дүн нь харагдаж байгаа бол энэ тохиргоог эргэн нягтална гэсэн үг.
• Данс төрөл – Дансны төрөл сонгож оруулна. Энэ нь зөвхөн системийн тохиргоо бөгөөд тайлан харуулахад энэ тохиргоо ямар нэг нөлөөгүй болно. Дансны бүлгийн адил нэршил өөрчлөх, нэмж, хасах үйлдлийг зөвхөн маягтын өөрчлөлтийн дагуу Даянсофт ХХК хариуцан хийнэ.
• Баланс шинж – Актив, пассив буюу дансны шинжийг сонгож оруулна.
• Туслах журнал – Туслахтай, Туслахгүйгээс хамаарч тус тусын модульд тухайн данс сонголтонд харагдах, харагдахгүй байх, тооцооны тайланд харагдах, харагдахгүй байх зэрэг янз бүрээр ажилладаг.
• Валют – Дансны валют сонгож оруулна. Гүйлгээ хийсний дараа валют солих боломжгүйг анхаарна уу. Валютын данс өнгөөр ялгарч харагдана.
• Салбар нэгж – Салбар нэгж сонгож оруулна. Дансны харъяалагдах салбар болон системд нэвтэрсэн хэрэглэгчийн салбар нэгж, хэрэглэгчийн эрхээс хамаарч тухайн дансаар тухайн харилцагч гүйлгээ хийх, тухайн дансыг харах, харахгүй байх эсэх нь ялгаатай байдаг.
• Санхүү тодруулга - Санхүүгийн тодруулга тайланд тухайн дансны дүн хаана нь очих вэ гэдгийг тохируулна. Тохируулаагүй тохиолдолд санхүүгийн тодруулга тайланд хоосон утга харагдана.
• Мөнгөн гүйлгээ (Default) - Энд мөнгөн гүйлгээний үзүүлэлт сонгосноор тухайн дансаар журнал бичилт хийх үед тохируулсан мөнгөн гүйлгээний үзүүлэлт автомат бөглөгдөнө. Гараас өөрчилж сонгох боломжтой.
• Татвар (Default) - Татварын тайланд тухайн дансны дүн хаана нь очих вэ гэдгийг тохируулна. Тохируулаагүй тохиолдолд тайланд хоосон утга харагдана. /Энэ хөгжүүлэлт нь хараахан бэлэн болоогүй./
• Бизнес төрөл – Бизнес төрөл сонгож оруулна.
• Бизнес төв – Бизнес төв сонгож оруулна.
• Бизнес бүлэг – Бизнес бүлэг сонгож оруулна.
• Үндсэн данс – Харъяалагдах үндсэн данс сонгоно. Тус тусын дансаар ажил гүйлгээгээ бүртгэх боловч үндсэн 1 дансаар нэгтгэж тайлан харах үед ашиглана. Гэхдээ энэ тохиолдолд үндсэн дансаар огт гүйлгээ хийхгүй болохыг анхаарна уу.
• Товч код – Дансны кодыг товч кодлох боломжтой. Dayansoft POS програмд товч кодыг харуулдаг.
• Нэр /орчуулга/ – Дансны нэрийг хоёрдогч хэлээр орчуулж, тайлан харах боломжтой. Дансны нэрийн орчуулгыг оруулаагүй тохиолдолд тайлан мэдээг орчуулж харах үед дансны нэр хоосон харагдана.
• Идэвхтэй – Тухайн дансаар дахин гүйлгээ бүртгэх шаардлагагүй болсон тохиолдолд идэвхтэй тэмдэглэгээг болиулна. Нэгэнт гүйлгээ бүртгэсэн дансыг устгах боломжгүй бөгөөд устгах үед "The DELETE statement conflicted with the REFERENCE constraint "FK_GeneralLedger_AccountId". The conflict occurred in database "DayanDemoDb", table "glm.GeneralLedger", column 'AccountId'. The statement has been terminated." алдаа заана. Гүйлгээ хийсэн цаашид ашиглахгүй дансыг Идэвхгүй болгоно. Харин гүйлгээ буруу дансаар хийгдсэн, тухайн дансыг заавал устгах шаардлагатай тохиолдолд тухайн данс дээр хулганы баруун товч дараад Гүйлгээ харах товч дарж тухайн дансаар хийсэн гүйлгээг шүүж, засаад огт гүйлгээгүй болсон үед устгах боломжтой.

Баримт дээр хэвлэгдэх нягтлан, няравын нэр тохируулах:

• Нярав – Тухайн бараа материалын дансны нярав сонгоно. Баримт дээр няравын нэр хэвлэгдэнэ.
• Нягтлан – Мөнгөн хөрөнгийн дансны нягтлан бодогчийг сонгоно. Баримт дээр нягтлангийн нэр хэвлэгдэнэ. Тохируулаагүй тохиолдолд баримт дээр нэр хоосон хэвлэгдэнэ.

Данс нэмээд хадгалах үед дараах алдаа зааж болно. Энэ нь та шинэ илүү хоосон мөр нэмсэн гэсэн үг. Энэ тохиолдолд зүүн гар талд ДАНСНЫ БҮЛЭГ текст дээр дараад жагсаалтын төгсгөлд нэмсэн илүү хоосон мөрүүдээ хасаад Хадгалах товч дарна уу.

Dayansoft ERP системийн цэс: Санхүү бүртгэл –> Данс код -> Тохиргоо -> Мөнгөн хөрөнгө цонхонд харилцахын данстай холбоотой данс тохиргоо хийх

Мөнгө, түүнтэй адилтгах хөрөнгийн дансны бүлгийн Харилцах дансны хувьд банкны нэр, дансны нэр, дансны дугаарыг оруулна. Харилцахын дансны мэдээллийг оруулснаар гүйлгээ хийх болон нэхэмжлэх, харилцахын бүх төлбөрийн баримтууд дээр дансны мэдээллийг систем татаж харуулна. Ингэснээр бүртгэлийн алдаа гарахаас сэргийлнэ.

• Харилцах банк – Харилцахын данс бол харилцах банк сонгож оруулна.
• Харилцах данс № – Харилцах дансны дугаар буюу банкин дахь дансны дугаарыг оруулна.
• Харилцах данс нэр – Харилцах дансны нэр буюу банкин дахь дансны нэрийг оруулна.
• 1-р гарын үсэг – Тухайн дансны 1-р гарын үсэг зурах ажилтныг сонгоно.
• 2-р гарын үсэг – Тухайн дансны 2-р гарын үсэг зурах ажилтныг сонгоно.
• 3-р гарын үсэг – Тухайн дансны 3-р гарын үсэг зурах ажилтныг сонгоно.
• Дансны хуулга татах – Corporate gateway үйлчилгээнд холбогдсон банкны дансны хуулга татах тохиргоог 1 удаа хийж, цаашид пин кодоор хуулга автомат татах боломжтой.

Dayansoft ERP системийн цэс: Санхүү бүртгэл –> Данс код -> Тохиргоо -> Бараа материал цонхонд бараа материалын данстай холбоотой тохиргоо хийх Бараа материалын дансны ард дараах тохиргоонуудыг хийнэ. Данс дээр тохируулснаар гүйлгээ бүртгэх үед систем автомат татаж харуулах ба бүртгэлийн алдаа үүсэхээс сэргийлнэ. Хэрвээ сонгох данс үүсгээгүй бол Данс цонх руу буцаж шилжээд, дансаа урьдчилж үүсгэнэ үү.

• ББӨ данс – Борлуулсан бүтээгдэхүүний өртгийн дансыг сонгож тохируулна. Хэрвээ шинээр үүсгэх бол ОРЛОГО ҮР ДҮН -> Орлого -> Борлуулалтын өртөг бүлэгт үүсгээд сонгоно.
• Бор.Орлого данс – Борлуулалтын орлогын дансыг сонгож тохируулна. Хэрвээ шинээр үүсгэх бол ОРЛОГО ҮР ДҮН -> Орлого -> Борлуулалтын орлого (цэвэр) бүлэгт үүсгээд сонгоно.
• Бор.Хөнгөлөлт данс – Борлуулалтын хөнгөлөлтийн дансыг сонгож тохируулна. Хэрвээ шинээр үүсгэх бол ОРЛОГО ҮР ДҮН -> Орлого -> Борлуулалтын орлого (цэвэр) бүлэгт үүсгээд сонгоно.
• Бор.Буцаалт данс – Борлуулалтын буцаалтын дансыг сонгож тохируулна. Хэрвээ шинээр үүсгэх бол ОРЛОГО ҮР ДҮН -> Орлого -> Борлуулалтын орлого (цэвэр) бүлэгт үүсгээд сонгоно.
• Худ.Буцаалт данс – Худалдан авалтын буцаалтын дансыг сонгож тохируулна. Хэрвээ шинээр үүсгэх бол ОРЛОГО ҮР ДҮН -> Орлого -> Борлуулалтын өртөг бүлэгт үүсгээд сонгоно.
• ТЭМ данс – Бараа материалын дансны түүхий эд материалын данс сонгоно. Хэрвээ шинээр үүсгэх бол ХӨРӨНГӨ -> Эргэлтийн хөрөнгө -> Бараа материал бүлэгт үүсгээд сонгоно.
• ТЭМ зардал данс – Бараа материалын дансны түүхий эд материалын зардлын данс сонгоно.
• Үнийн жагсаалт – Үнийн жагсаалт тохируулах боломжтой. Баримт бүртгэх үед барааны данс сонгох үед үнийн жагсаалт тохируулсан бол тухайн үнийн жагсаалтаар үнийг дуудаж харуулна.

Dayansoft ERP системийн цэс: Санхүү бүртгэл –> Данс код -> Тохиргоо -> Үндсэн хөрөнгө цонхонд үндсэн хөрөнгийн данстай холбоотой тохиргоо хийх Үндсэн хөрөнгийн дансны ард хуримтлагдсан элэгдлийн данс болон элэгдлийн зардлын дансыг тохируулна. Үндсэн хөрөнгийн элэгдэл тооцох үед хуримтлагдсан элэгдэл болон элэгдлийн зардлыг систем өөрөө тохируулсан дансанд нь бичилт хийснээр бүртгэлийн алдаа гарахаас сэргийлнэ.

• Хур.Элэгдэл данс – Хуримтлагдсан элэгдлийн дансыг сонгож тохируулна.
• Элэгдэл зардал данс – Элэгдлийн зардлын дансыг сонгож тохируулна.

Анхаарах зүйл: Хөрөнгө орлогодох, хөрөнгийн эхний үлдэгдэл тохируулахдаа дээрх 2 дансны тохиргоог өөрчилсөн тохиолдолд элэгдэл тооцох үед өөрчилснөөр татахыг анхаарна уу.

Дансны туслах журнал

Туслахтай данс: Тухайн дансаар бараа, хөрөнгө, харилцагчаар задаргаа бүртгэл хөтлөгдөж, тайлан мэдээгээ задаргаагаар харах боломжтой. Жишээ нь, Бараа материал, Үндсэн хөрөнгө гэх мэт. (Гэхдээ эдгээр данс ч Туслахгүй байж болно.)

Туслахгүй данс: Тухайн дансаар бараа, хөрөнгө, тооцооны нийд дүнгээр бүртгэл хөтлөгдөж, нэгтгэсэн дүнгээр тайлан мэдээгээр харах боломжтой. Яг ямар бараа, ямар хөрөнгө, аль харилцагч гэж ялган харах боломжгүй. Жишээ нь, Дуусаагүй үйлдвэрлэлийн дансууд, Дуусаагүй барилга, ААНОАТ-н өглөг, НӨАТ-н өглөг, НӨАТ-н авлага, Цалингийн өглөг гэх мэт.

Жишээлбэл,

Бараа материалын данс:

1. "Туслахтай" бол журнал бичилт цонхоор тухайн дансаар гүйлгээ бүртгэх боломжгүй бөгөөд “Барааны дансаар журнал бичих боломжгүй!” алдааны мессэж харуулна. Ийм дансаар зөвхөн Бараа материалын модуль, цонхнуудаар гүйлгээ хөтлөх боломжтой.
2. Бараа материалын дансны хувьд тухайн бараа материалын дансаар бараа тус бүрээр задаргаа, үлдэгдэл, өртөг задалж бүртгэхгүйгээр бөөн дүнгээр нь журнал бичиж хөтлөх хэрэгцээ шаардлага байгаа бол “Туслахгүй” бараа материалын данс нээгээд Санхүү бүртгэл -> Журнал бичилт цонхоор тус дансаа сонгоод ажил гүйлгээгээ бүртгэж болно. Ийм дансаар зөвхөн Бараа материалын модуль, цонхнуудаар гүйлгээ хөтлөх боломжгүй, дансны сонголтонд тус данс харагдахгүй. Иймд бараа материалын дансыг анх үүсгэхдээ ямар төрлийн данс байхыг зөв үүсгэх шаардлагатай.

Үндсэн хөрөнгийн данс:

1. “Туслахтай” бол Санхүү бүртгэл -> Журнал бичилт цонхоор тухайн дансаар гүйлгээ бүртгэх боломжгүй бөгөөд “Хөрөнгийн дансаар журнал бичих боломжгүй!” алдааны мессэж харуулна. Ийм дансаар зөвхөн Үндсэн хөрөнгийн модуль, цонхнуудаар гүйлгээ хөтлөх боломжтой.
2. Үндсэн хөрөнгийн дансны хувьд тухайн үндсэн хөрөнгийн дансаар хөрөнгө тус бүрээр задаргаа, үлдэгдэл, өртөг задалж бүртгэхгүйгээр бөөн дүнгээр нь журнал бичиж хөтлөх хэрэгцээ шаардлага байгаа бол “Туслахгүй” үндсэн хөрөнгийн данс нээгээд Санхүү бүртгэл -> Журнал бичилт цонхоор тус дансаа сонгоод ажил гүйлгээгээ бүртгэж болно. Ийм дансаар зөвхөн Үндсэн хөрөнгийн модуль, цонхнуудаар гүйлгээ хөтлөх боломжгүй, дансны сонголтонд тус данс харагдахгүй. Иймд үндсэн хөрөнгийн дансыг анх үүсгэхдээ ямар төрлийн данс байхыг зөв үүсгэх шаардлагатай.

Тооцооны данс:

1. “Туслахтай” үед Тайлан -> Өглөг авлага буюу тооцооны тайлангууд дээр тухайн харилцагчийн тооцоог шүүж харах боломжтой болно.
2. Харин “Туслахгүй” үед тухайн дансыг тооцооны тайлангаар шүүж харах боломжгүй болно. Туслахгүй дансны товчоо тайлан, гүйлгээг Санхүү бүртгэл -> Журнал жагсаалт, Санхүү бүртгэл -> Тооцоо товчоо цонхноос Туслах журнал чекийг авч тухайн дансаар шүүж харна уу.

Туслах журналтай холбоотой түгээмэл асуулт, хариулт:

• Урьдчилгаа цалин данс “Туслахтай” учраас ажилтан тус бүрээр салж журнал бичилт үүсээд байна. Ингэхгүй нэгтгээд 1 болгомоор байна.

  • Хариулт: Болно. Дээрх зааварчилгааны дагуу Санхүү бүртгэл -> Данс код цонхонд Туслахгүй болгож хадгалснаар боломжтой. Гэхдээ анхаарах зүйл нь урьдчилгаа цалин бодоод ажилтан тус бүрээд авлага үүсгэсэн нь сүүл цалин бодолтоор хаагддаг бөгөөд өмнөх бүх бичилтээ засах, эсвэл тухайн нэг хугацааны байдлаар үлдэгдэлгүй болгож тооцоо хаасны дараа энэ тохиргоог хийнэ үү.

• “Туслахгүй” байх ёстой дансуудыг “Туслахтай” гэж сонгосноор ажилтан, харилцагч байгууллага тус бүрээр гүйлгээ нь салж хөтлөгдөх алдааг хэрэглэгч нар түгээмэл гаргадаг. Жишээ нь, ААНОАТ-н өглөг, НӨАТ-н өглөг, НӨАТ-н авлага, Цалингийн өглөг гэх мэт. Гэхдээ байгууллагын онцлог, бүртгэлээс хамаарч туслахтай, туслахгүй тохиргоогоо өөрчилж зөв ашиглах нь чухал.

• Бараа материал, Хөрөнгийн дансыг гүйлгээ хөтөлсний дараа Туслах журнал тохиргоог өөрчилж, шилжүүлж болох уу?

  • Програмын хувьд боломжтой ч бүртгэл талаас буруу болох тул шинээр данс үүсгэж, нэг данснаас зарлага, нөгөө дансанд орлого байдлаар шилжүүлэн бүртгэл хөтлөх нь зүйтэй.

Данс устгах

Тухайн дансаар

• ажил гүйлгээ бүртгэсэн,
• эхний үлдэгдэл тохируулсан,
• журнал загварт холбосон
• Харилцагчийн бүртгэлд тохируулсан
• Пос-д тохируулсан
• Пос-р гүйлгээ гарсан гэх мэт тухайн дансыг ямар нэг газар ашигласан тохиолдолд устгах боломжгүй юм.

Зайлшгүй устгах шаардлагатай, буруу бүртгэл бол тохируулсан, ашигласан бүртгэлүүдээс хасч, устгасны дараа дансыг устгах боломжтой.

• Санхүү бүртгэл -> Данс код цонхноос тухайн данс дээр хулганы баруун товч дараад Гүйлгээ харах товчоор бүх гүйлгээг (Санхүү бүртгэл -> Журнал жагсаалтаас дансаар шүүх)
• Бараа материал -> Баримтын жагсаалт
• Үндсэн хөрөнгө -> Баримтын жагсаалт
• Мөнгөн хөрөнгө -> Кассын жагсаалт
• Мөнгөн хөрөнгө -> Харилцахын жагсаалт
• Эхний үлдэгдэл цонхнуудаас
• Санхүү бүртгэл -> Журнал загвар
• Борлуулалт -> Пос тохиргоо -> Данс
• Үндсэн тохиргоо -> Харилцагч -> Тохиргоо цонхнуудад тухайн дансаар гүйлгээ, тохиргоо байгаа эсэхийг шалгана.

Хэрвээ тухайн дансаар нэгэнт гүйлгээ бүртгэсэн гүйлгээг устгах боломжгүй бол дансыг идэвхгүй болгодог.

Данс харагдахгүй байх шалтгаан

Цонхны данс сонголтонд таны хайсан данс харагдахгүй байх цөөн хэдэн шалтгаан байдаг. Үүнд:

• Өглөг, авлага, бараа материал, үндсэн хөрөнгө гэх мэт модулиудад Туслах журнал хөтлөх данснууд сонголтонд харагддаг. Туслах журнал хөтлөхгүй данснууд сонголтонд гарч ирэхгүй.

• Хэрвээ таны системийн хэрэглэгч дээр тухайн дансыг харах эрхийг хаасан бол мөн сонголтонд харагдахгүй. Үндсэн тохиргоо -> Систем хэрэглэгч -> Данс цонхонд эрхээ шалгана уу.

• Систем хэрэглэгчийн эрх хэвийн боловч систем хэрэглэгчийн эрхийг салбар нэгжээр тохируулсан бол мөн харагдахгүй.

• Цонхны онцлогоос хамаарч зарим данснууд л сонголтонд гарч ирэхээр систем ажилладаг. Жишээ нь, Дотоод зарлага цонхны харьцсан данс дээр туслах журнал хөтлөх тооцооны данснууд харагдахгүй гэх мэт. Тус цонхны зааварчилгааг сайтар уншихыг зөвлөж байна.

---