Дотоод хөдөлгөөн

Шинэчилсэн:2024/10/16 Унших:4 мин 50 сек

Dayansoft ERP системийн цэс: Бараа материал -> Дотоод хөдөлгөөн -> Баримтаар, Бараагаар

Энэ цонхонд барааны дотоод хөдөлгөөнийг

Баримтаар
Бараагаар жагсаалтаар харуулна. Жагсаалтаас баримтын бүртгэлийг засах, excel файл руу экспортлох боломжтой. Жагсаалтаас нэг, нэгээр эсвэл олноор сонгож Үйлдэл -> Хэвлэх товчоор хэвлэх боломжтой. Үйлдэл -> Хэвлэх товч дарахаас өмнө Үйлдэл товчноос “Өртгөөр хэвлэх”-г чеклэснээр үнээр биш, өртгөөр хэвлэнэ. Мөн дотоод хөдөлгөөний жагсаалтаас баримтуудыг олноор сонгоод Үйлдэл -> Журнал үүсгэх дарж журнал холбох боломжтой.

Dayansoft ERP системийн цэс: Бараа материал -> Дотоод хөдөлгөөн -> Шинэ

Энэ цонхонд барааны дотоод хөдөлгөөний баримт бүртгэнэ. Дотоод хөдөлгөөний цонхоор зөвхөн бараа материалын данс хоорондын хөдөлгөөнийг бүртгэнэ. Өөрөөр хэлбэл, энэ цонхоор бүртгэсэн бараа материал нь нэг данснаас хасагдаад, нөгөө дансанд нэмэгдэнэ. Нэмэхдээ жагсаалтаас Шинэ (Ctrl+N) товч дарна. Устгах, засах ажиллагаа нь бусад цонхтой ижил. Баримтын мэдээллийг Үйлдэл -> Хэвлэх товч дарж хэвлэх боломжтой. Байнга давтагддаг хөдөлгөөнийг Үйлдэл -> Хувилах товчоор хувилах боломжтой.

Толгой мэдээлэл

Огноо – Баримтын огноог оруулна.
Дугаар – Баримтын дугаарыг оруулна. Дугаар оруулаагүй үед систем автоматаар дугаарлана.
Харилцагч код – Харилцагчийн кодыг сонгож оруулна.
Харилцагч нэр – Сонгосон харилцагчийн нэрийг харуулна. Байгууллагын харилцагч биш этгээд бол харилцагч сонгохгүйгээр нэрийг гараас бичиж оруулж болно. Хэрвээ салбар хооронд шилжүүлж байгаа бол өөрийн компани, эсвэл салбар, эсвэл хариуцах ажилтныг сонгоход болно.
Утга – Баримтын утга, тайлбар бичнэ.
Reference - Эх сурвалж, баримтын дугаар оруулна.
Тайлбар - Нэмэлт тайлбар оруулна.

Гүйлгээний мэдээлэл

Бараа данс -> – Зарлагадах буюу шилжүүлэх барааны данс сонгоно.
Бараа данс – Орлогдох буюу хүлээн авах барааны данс сонгоно.
Бараа код – Бараа, үйлчилгээний код сонгоно. Барааны кодыг оруулах эсвэл баркодоор оруулах боломжтой. Баркодоор бараа, үйлчилгээг оруулахдаа бараа оруулах мөр дээр хулганы баруун товч дараад Баркод уншуулах товч дарахад баркод уншуулах багана нэмэгдэнэ.
Бараа нэр – Сонгосон барааны нэрийг харуулна.
Бараа тайлбар - Тухайн хөдөлгөөн бүртгэж буй бараатай холбоотой нэмэлт тайлбар оруулна.
Үлдэгдэл – Барааны үлдэгдлийг баримтын огноогоор тооцоолж харуулна. Материал, Бэлэн бүтээгдэхүүн төрөлтэй барааны кодын хувьд үлдэгдэл харуулна. Зарлагадаж буй тоо хэмжээ үлдэгдлээс хэтэрсэн тохиолдолд Үлдэгдэл улаанаар харагдах бөгөөд хадгалах үед анхааруулга мессэж өгнө.
Савлагаа тоо – Савлагаа тоо хэмжээг оруулна.
Савлагаа – Савлагаа талбарын утгыг харуулна.
Тоо хэмжээ – Тоо хэмжээг оруулна.
Нэгж – Хэмжих нэгжийг харуулна.
Үнийн жагсаалт – Үнийн жагсаалт сонгож оруулна.
Нэгж үнэ – Бараа, үйлчилгээний нэгжийн үнийг оруулна.
Нийт дүн – Бараа, үйлчилгээний нийт үнийг оруулна.
Нэгж өртөг – Бараа, үйлчилгээний нэгжийн өртгийг тооцоолж харуулна. Гараас утга оруулах, өөрчлөх боломжгүй. Өртөг бодуулсны дараа утгатай харагдана.
Нийт өртөг – Бараа, үйлчилгээний нийт өртгийг тооцоолж харуулна. Гараас утга оруулах, өөрчлөх боломжгүй. Өртөг бодуулсны дараа утгатай харагдана.
Сүүлд авсан үнэ – Тухайн бараа материалыг сүүлд орлогод авсан үнийг харуулна.
Гэрээ код – Аль гэрээний дагуу бараа материалыг хөдөлгөөн хийж байгааг сонгож оруулна. Дараа гэрээгээр тайлангаас шүүж харах боломжтой.
Ажил код - Аль ажлын бараа материалыг хөдөлгөөн хийж байгааг сонгож оруулна. Дараа ажлаар тайлангаас шүүж харах боломжтой.

Бараа материал -> Дотоод хөдөлгөөн цонхны Үйлдэл товчноос

Дотоод зарлага үүсгэх
Борлуулалт үүсгэх товч дарахад тус тусын бүртгэлийн цонхонд шинэ горимд бараа, бусад мэдээллийг хуулагдах ба бүртгэлийг хялбар үүсгэх боломжтой.

Хэрвээ танай байгууллага Dayansoft POS програм ашигладаг, салбар нэгжүүд хоорондоо бараа материалын дотоод хөдөлгөөнөө POS програмаар бүртгэдэг бол дотоод хөдөлгөөний баримт POS-с хөдөлгөөн хийх үед автомат үүсэхийг анхаарна уу.

Ачилтаас дотоод хөдөлгөөн

Dayansoft ERP системийн цэс: Бараа материал -> Дотоод хөдөлгөөн -> Шинэ -> Үйлдэл -> Ачилтаас татах

Эхлээд борлуулалтын захиалгаас захиалгыг багцалж ачилт үүсгэх тухай уншиж, ачилт гэж юу болох, ачилт яаж үүсгэх талаар дэлгэрэнгүй танилцана уу. Борлуулалтын захиалгаас үүсгэсэн ачилтын бүртгэл дэх бараа материалуудыг хүргэлт хийх ажилтан, жолоочийн данс руу Дотоод хөдөлгөөнөөр шилжүүлэх хэрэгцээ шаардлага үүсдэг. Энэ тохиолдолд Бараа материал -> Дотоод хөдөлгөөн -> Шинэ -> Үйлдэл -> Ачилтаас татах товч дарна.

Эхлэх огноо - Дуусах огноо - Ямар хугацааны хооронд ачилтын баримтаас дотоод хөдөлгөөн хийхийг тохируулна.
Нярав - Барааны дансны нярав сонгоно.
Ачилтын баримтаа сонгоод “Сонгох” товч дарна. Багцалсан ачилтын баримтыг Дотоод хөдөлгөөний цонхонд бөглөнө.

Ачилтын жагсаалт цонхонд тухайн ачилтаас хичнээн барааг нь дотоод хөдөлгөөн хийсэн, зөрүү тоог ялгаж харуулна.

Барааны үлдэгдлээр дотоод хөдөлгөөн

Dayansoft ERP системийн цэс: Бараа материал -> Дотоод хөдөлгөөн -> Шинэ -> Үйлдэл -> Барааны үлдэгдлээс татах

Хэрвээ тухайн нэг хугацаагаарх бараа материалын данс дахь бүх бараа материалын үлдэгдлийг бүгдийг нь дотоод хөдөлгөөн цонхоор шилжүүлэх, өөрөөр хэлбэл нэг бараа материалын данснаас бүх үлдэгдлийг өөр данс руу шилжүүлэх бизнес хэрэгцээ (Салбар нэгж татан буугдах, шинэ салбар нээгдэх, Салбар нэгжийн байршил нүүж өөрчлөгдөх гэх мэт) шаардлага гарсан бол дараах зааврын дагуу дотоод хөдөлгөөн хийнэ үү.

Бараа материал -> Дотоод хөдөлгөөн -> Шинэ -> Барааны үлдэгдлээс татах товч дарна. Гэхдээ энэ цонх руу орохоос өмнө Дотоод хөдөлгөөний цонхонд хөдөлгөөн хийх огноогоо урьдчилан сонгох ёстойг анхаарна уу. Сонгосон огноогоорх үлдэгдлийг систем тооцож харуулна.

Барааны үлдэгдлийг огноогоор шүүж харахдаа:

Салбар нэгж
Бараа данс
Бараа бүлэг
Барааны кодоор шүүж, ялгаж дуудах боломжтой.

Хөдөлгөөн бүртгэх бараануудаа жагсаалтаас сонгоод “Сонгох” товч дарна. “Сонгох” товч дарахад тухайн огноогоорх сонгосон бараануудыг, үлдэгдэл тоо хэмжээгээр Дотоод хөдөлгөөн цонхонд бөглөж харуулна. Нягтлан бодогч та өөрөө зарлагын баримтаа нягтлаад, засах, солих үйлдлээ хийгээд хөдөлгөөний баримтаа хадгална.

Бараа зээлэх, зээлдүүлэх бүртгэл

Байгууллагууд бараа материалын зохимжтой үлдэгдэл, агуулахын нөөц, татан авалт зэргээ оновчтой төлөвлөөгүй, хянаагүй улмаас бараа материалын хомсдолд орох тохиолдол гардаг. Энэ тохиолдолд найз нөхөд, ижил төстэй үйл ажиллагаа явуулдаг бусад байгууллага, өөр салбараас тухайн хомсдолтой бараа материалаа түр зээлж аваад, дараа нь татан авалтаа хийсний дараа бараагаар буцааж өгдөг. Ийм бүртгэлийг дараах байдлаар бүртгэж болно.

Зээлж авч байгаа талын хийх бүртгэл:

Өөр байгууллагаас түр зээлж байгаа бараа материалаа Бараа материал -> Дотоод орлого цонхоор бүртгэж орлогодож авна.
Бараагаа буцааж өгөх үед Бараа материал -> Дотоод зарлага цонхоор бүртгэнэ.

Зээлдүүлж байгаа талын хийх бүртгэл:

Бараа материал -> Барааны код цонхонд бараагаа “Материал” төрөлтэй бүртгэнэ. Санхүү бүртгэл -> Данс цонхонд “Зээлдүүлсэн бараа” нэртэй данс буюу өөр байгууллагууд руу зээлдүүлсэн утгатай бараа материалын данс үүсгээд, зээлдүүлэх үедээ Бараа материал -> Барааны дотоод хөдөлгөөн цонхоор бүртгэл хийнэ.
Бараагаа буцааж авах үед “Зээлдүүлсэн бараа” данснаас тухайн бараа материалын үндсэн данс руу буцааж дотоод хөдөлгөөн хийнэ.