Хөрөнгийн зарлага, борлуулалт

Шинэчилсэн:2024/10/14 Унших:2 мин 37 сек

Dayansoft ERP системийн цэс: Үндсэн хөрөнгө -> Хөрөнгө зарлага -> Шинэ

Энэ цонхонд үндсэн хөрөнгийн борлуулалт болон үнэгүй шилжүүлсэн тохиолдолд бүртгэнэ.

Анхаарах зүйл: Хөрөнгө борлуулахаас өмнө тухайн хөрөнгийн элэгдлийн бүртгэлийг хийнэ үү.

Нэмэхдээ жагсаалтаас Шинэ (Ctrl+N) товч дарна. Устгах, засах ажиллагаа нь бусад цонхтой ижил. Баримтын мэдээллийг Үйлдэл -> Хэвлэх товч дарж хэвлэх боломжтой.

Видео жишээ дээрх хөрөнгө борлуулалтыг жишээгээр тайлбарлавал: Жишээ, Хөрөнгө борлуулсны олзтой бүртгэл хийе. Нийт өртөг 454,545.45 Нийт элэгдэл 100,000 Үлдэгдэл өртөг 354,545.45 хөрөнгийг НӨАТ-тай 660,000 төгрөгөөр борлуулсан гэж бодъё.

Үндсэн хөрөнгө -> Хөрөнгө зарлага -> Шинэ товч дарна.
Гүйлгээний утга болон харилцагч сонгосны дараа Нэмэх товч дараад Хайх товч дарна.
Борлуулах хөрөнгөө сонгоно.
Борлуулах Нийт үнэ НӨАТ-тэй эсэхээс хамаарч оруулна.
Журнал цонхноо Холбох дарна. Дебет дансанд "Үндсэн хөрөнгө данснаас хассан олз" дансыг сонгож өгнө. Нэмэх дараад Кредит дансанд дахин "Үндсэн хөрөнгө данснаас хассан олз" энэ дансыг сонгож, НӨАТ өглөг болон тухайн харилцагчаас дараа тооцоо эсвэл мөнгөн хөрөнгийн данс сонгоод хадгалах дарна.

Толгой мэдээлэл

Харилцагч код – Харилцагчийн кодыг сонгож оруулна.
Харилцагч нэр – Сонгосон харилцагчийн нэрийг харуулна. Байгууллагын харилцагч биш этгээдэд борлуулж буй тохиолдолд харилцагч сонгохгүйгээр нэрийг гараас бичиж оруулж болно.
Утга – Баримтын утга, тайлбар бичнэ.
Дугаар – Баримтын дугаарыг оруулна. Дугаар оруулаагүй үед систем автоматаар дугаарлана.
Огноо – Баримтын огноог оруулна.

Дээрх мэдээллийг оруулаад “Нэмэх” товч дарахад дараах цонхыг дуудна. Энэ цонхонд баримтын огноонд хамаарах хөрөнгийн үлдэгдлийг шүүн харуулахыг анхаарна уу. Хөрөнгөө хайж олж сонгоно. Шүүлт хийлгүй шууд “Хайх” товч дарвал бүх үлдэгдэлтэй хөрөнгийг шүүн харуулна. Хэрэглэгч нар хөрөнгийн данс, код, эдийн дугаараа буруу оруулаад тухайн хөрөнгөө хайж олохгүй байх тохиолдол гардаг.

Хөрөнгийн үлдэгдэл цонхноос хөрөнгийн данс, код, эдийн дугаар зэргээр хөрөнгө хайх боломжтой бөгөөд хөрөнгийн мөрийн эхний баганад байрлах checkbox-г сонгоод Сонгох товч дарна. Жагсаалтанд шүүсэн бүх хөрөнгийг сонгохын тулд баганын гарчиг дээрх checkbox-г сонгоно.

Гүйлгээний мэдээлэл

Хөрөнгө данс – Сонгосон хөрөнгийн дансны код харуулна.
Хөрөнгө код – Сонгосон үндсэн хөрөнгийн код харуулна.
Хөрөнгө нэр – Сонгосон үндсэн хөрөнгийн нэрийг харуулна.
Эдийн дугаар – Сонгосон үндсэн хөрөнгийн эдийн дугаарыг харуулна.
Тоо – Борлуулах тоо ширхэг оруулна. Үлдэгдэл хүрэлцэхгүй үед системээс анхааруулна.
Нийт дүн – Хөрөнгө борлуулсан нийт үнийг оруулна.
НӨАТ – НӨАТ тооцох бол тэмдэглэнэ.
Татваргүй дүн – Хөрөнгө борлуулсан татваргүй үнийг оруулна.
Олз/Гарз – Нийт өртөг, татваргүй дүнгээс олз, гарзын хэмжээг тооцоолж харуулна.
Нийт өртөг – Хөрөнгийн нийт өртгийн дүнг харуулна.
Нийт элэгдэл – Хөрөнгийн нийт элэгдлийн дүнг харуулна.
Үлдэгдэл өртөг – Хөрөнгийн үлдэгдэл өртгийн дүнг харуулна.
Байршил – Сонгосон үндсэн хөрөнгийн байршлыг харуулна.
Эзэмшигч – Сонгосон үндсэн хөрөнгийн эзэмшигчийг харуулна.
Хур.элэгдэл данс – Сонгосон үндсэн хөрөнгийн хуримтлагдсан элэгдлийн дансыг харуулна.

Dayansoft ERP системийн цэс: Үндсэн хөрөнгө -> Хөрөнгө зарлага -> Журнал

Үндсэн хөрөнгийн зарлага бүртгэх үед ихэвчлэн дараах журнал үүсдэг.

1-р багц:

        Үндсэн хөрөнгө кр
Үндсэн хөрөнгийн элэгдэл дб
Үндсэн хөрөнгө данснаас хассаны олз/гарз дб

2-р багц:

        Үндсэн хөрөнгө данснаас хассаны олз/гарз кр
Дансны авлага, мөнгөн хөрөнгө дб

Хэрвээ үл хөдлөх хөрөнгө борлуулсан тохиолдолд дараах журнал нэмэлтээр үүснэ.

3-р багц:

        Үл хөдлөх хөрөнгө борлуулсны татварын өглөг кр
Үндсэн хөрөнгө данснаас хассаны олз/гарз дб

Dayansoft ERP системийн цэс: Үндсэн хөрөнгө -> Хөрөнгө зарлага

Энэ цонхонд хөрөнгийн борлуулалтын баримтыг жагсаалтаар харуулна. Баримт засахдаа тухайн засах мөрөн дээр 2 удаа дарах эсвэл Үйлдэл/Засах товч дарж засвар оруулаад Хадгалах товч дарна.