Түгээмэл асуултууд

Шинэ хэрэглэгч болох

Програм ашиглахын тулд заавал биечилж уулзах, цаасаар гэрээ байгуулж цаг алдах шаардлагагүй. Дараах алхмын дагуу онлайнаар, зайнаас богино хугацаанд хэрэглэгч болох боломжтой. Хэрвээ 2 талаас хариуцсан ажлуудын цаг хугацаанд нь хурдан хийсэн тохиолдолд дараах алхмуудыг 5-10 минутанд ч багтаах боломжтой байдаг. Бидний хувьд ажлын өдрүүдэд, ажлын цагаар ажилладаг.

Шинэ хэрэглэгч болох 4 алхам бүгд онлайнаар хийгдэнэ:

1. Вебийн "Ашиглаж эхлэх" цэснээс гэрээ байгуулах форм бөглөнө.

2. Гэрээ баталж, төлбөр шилжүүлэх.

Бид таны илгээсэн мэдээллийн дагуу гэрээ, нэхэмжлэхийг бэлдэж илгээгээд танай байгууллагад (таны бизнест) зориулж тусдаа messenger group үүсгэнэ. Цаашид програмын суурилуулалт, зөвлөгөөг тус группээр дамжуулж үзүүлнэ. Гэрээ, төлбөрийн шилжүүлэг хийгдээгүй тохиолдолд програмын суурилуулалт, сургалт хийгдэхгүй болохыг анхаарна уу.

3.Програм суулгах Windows 10+ үйлдлийн системтэй шаардлага хангасан компьютераа бэлдээд програм татаж суулгаад лиценз хүсэлт илгээж, лиценз олгох.

4. Програмын гарын авлагатай танилцаж, програмаа ашиглаж эхэлнэ.

Шинэ борлуулалтын цэг нээх бол энд дарж дараалал алхамтай танилцана уу.

Та програм анх авахдаа дараах 3 байдлаар сургалт, зөвлөгөө авч болно.

1. Гарын авлага + Чат зөвлөгөө

Сургалт, онлайн дэмжлэгийн багц сонгохгүйгээр зөвхөн мэдлэгийн сан, гарын авлага, мессенжер чатаар зөвлөгөө үнэ төлбөргүй авах. Зөвхөн танай байгууллагад зориулж тусдаа мессенжер групп үүсгэдэг.

2. Мэргэжлийн байгууллага, хувь хүнтэй хамтрах

Даянсофт ХХК-тай хамтарсан мэргэжлийн байгууллага, хувь хүмүүсээс програмын зөвлөгөө, нэвтрүүлэлт, санхүү, татварын зөвлөх үйлчилгээ авах. Тухайн сонгосон байгууллагатай үнэ тариф, цагийн хуваарь, биечилсэн, онлайнаар зэргийг тохиролцдог.

3. Төлбөртэй онлайн дэмжлэгийн багц сонгох

Даянсофт ХХК-с онлайн дэмжлэгийн цаг авч сургалт авах өдөр, цагаа товлон MS teams-р дамжуулан ганцаараа эсвэл олуулаа нэгэн зэрэг холбогдож, дэлгэцээ шэйр хийж зөвхөн танай байгууллагын онцлогт тохирсон зөвлөгөө мэдээллийг онлайнаар өгдөг. Онлайн дэмжлэгийн цагаа модуль, цонхоор хувааж, өөр өөр өдөр цагуудад хуваарилан авах боломжтой.

Одоогоор бид танхимын сургалт явуулдаггүй. Зайлшгүй шаардлагатай үед манай оффист урьдчилан цаг, өдрөө товлоод биечилсэн сургалт зөвлөгөө авч болно.

Мөн програмын хэрэглэгчдийн нэгдсэн группээр дамжуулан зөвлөгөө, үйлчилгээг тогтмол үзүүлдэг.

Програм ашиглах гарын авлага, мэдлэгийн сан өдөр бүр програмын шинэчлэлтэй хамт тогтмол шинэчлэгдэн сайжирч байдаг.

Dayansoft ERP системд та ажил гүйлгээ, бүртгэлээ зөв бүртгэснээр шаардлагатай тайлан мэдээлэл автомат боловсруулагдан гарна. Гарын авлагын Тайлан модуль хэсгээс модуль тус бүрээс гарах боломжтой тайлангуудыг харна уу. Тайлангуудаас гадна модуль бүрээр дэлгэрэнгүй задгай дата мэдээллийг жагсаалт, pivot хэлбэрээр харуулах ба та дурын хугацаа, үзүүлэлтээр шүүж хэрэгцээт мэдээллээ авах боломжтой байдаг.

ААН-н хувьд санхүүгийн бүх тайлан, тодруулга тайлангийн хамт автомат боловсруулагдан гарна. Татварын тайлангуудын хувьд системээс яг одоогоор шууд маягтаар гарах боломжгүй. Хэдий тийм ч цалингийн модулиар цалин хөлсөө бодсоноор НД8 мэдээ, ХХОАТ мэдээ экспорт хийж, тус тусын сайт руу шууд импорт хийснээр нийгмийн даатгал болон ХХОАТ-н тайлангууд бэлэн болдог.

НӨАТ-н тайлангийн хувьд худалдан авалт, борлуулалтын дэвтэр, НӨАТ харилцагч, НӨАТ баримтаар тайлангууд гардаг.

ААНОАТ, Зөрүүгийн тайлангийн хувьд та дансны төлөвлөгөөгөө зөв зохион байгуулж гүйлгээ хөтөлснөөр Гүйлгээ балансаас шаардлагатай дүн мэдээллүүдээ ялган харах боломжтой.

Бид татварын тайланг маягт хэлбэрээр автомат гаргах шийдлийг цаашид боловсруулна.

Төлбөртэй холбоотой

Лицензийн төлбөрийг жил бүр тогтмол төлнө. Хэрвээ сургалт, дэмжлэг авах бол цагаас хамаарч багц сургалтын нэг удаагийн төлбөр нэмэгддэг. Өөр ямар нэг төлбөр авдаггүй.

Dayansoft POS програмтай холбоотой

POS програмын лицензийн төлбөр анхны нэг удаагийн сургалт, зөвлөгөө багтсан байдаг. Нэмж хэлэхэд POS-н програм нь сургалт шаардлагагүй байдаг бөгөөд шинэ ажилтнууд зөнгөөрөө өөрөө сураад, ашиглаад явахуйц ойлгомжтой интерфэйс, цөөн үйлдэлтэй програм юм.

Шаардлагатай тохиолдолд програмаас гарын авлагаас хүссэн мэдээллээ хайхад маш дэлгэрэнгүй тайлбар, зургийн хамт олж үзэх, унших боломжтой байдаг.

Олон хариулттай асуултууд

Бидний хувьд манай програм бусдаас ийм давуу талтай, бусад нь ийм сул талтай гэж ярьдаггүй. Харьцуулахыг хүсдэггүй. Гол нь танай хэрэгцээ шаардлага, асуудал чинь юу вэ? Тухайн асуудлыг манай програмаар шийдвэрлэх боломжтой эсэх нь чухал.

Програмаар асуудлыг тань шийдвэрлэх боломжтой ч гэсэн програмаар бүртгэлээ зөв хийж, асуудлаа шийдвэрлэж чадах эсэх нь тусдаа өөр асуудал юм.

Бидний ялгарал

Зөвхөн ганц бүтээгдэхүүн хөгжүүлдэг учраас аливаа алдаа, сайжруулалт хөгжүүлэлтийг богино хугацаанд хийж гүйцэтгэдэг, хэрэглэгчийн хүсэлтэнд хурдан хариу өгөх боломжтой. Бүтээгдэхүүний хувьд хамгийн цөөн модуль, цонхоор бүртгэл хөтөлж таны хүссэн тайлан мэдээг гаргах боломжийг олгох тул анхлан суралцагчдад сурах хугацаа, хөдөлмөр бага шаардана.

ERP системийг мэргэжлийн, мэргэжлийн бус янз бүрийн хүмүүс бүгд ашиглах боловч манай систем илүү мэргэжлийн хүмүүст зориулагдсан. Хэрвээ та хүрэх үр дүн, ямар тайлан мэдээ гаргаж авахын тулд ямар дата, мэдээлэл оруулахаа мэдэж байвал системийн зүгээс ямар нэг хаалт, хориг тавихгүй бөгөөд ажил гүйлгээгээ стандартын дагуу хүссэнээрээ бүртгэх боломжийг олгоно.

Холбоо барих