Бидний тухай

Зөвхөн ганц бүтээгдэхүүн хөгжүүлдэг учраас аливаа алдаа, сайжруулалт хөгжүүлэлтийг богино хугацаанд хийж гүйцэтгэдэг, хэрэглэгчийн хүсэлтэнд хурдан хариу өгөх боломжтой. Бүтээгдэхүүний хувьд хамгийн цөөн модуль, цонхоор бүртгэл хөтөлж таны хүссэн тайлан мэдээг гаргах боломжийг олгох тул анхлан суралцагчдад сурах хугацаа, хөдөлмөр бага шаардана.

ERP систем нь Монголд хожуу нэвтэрч, хөгжиж байгаа боловч гадны зах зээлд 50 гаруй жил хөгжсөн, олон улсын хэдэн сая байгууллагуудад тулгарсан асуудлуудыг шийдвэрлэсэн тэргүүн туршлагууд байдаг. Бид системээ хөгжүүлэхдээ өөрсдийн туршлагаас гадна SAP Business One зэрэг дэлхийн тэргүүлэх системийн шийдлүүдээс судалж Монголын хөрсөнд буулган нэвтрүүлдэг.

Бид зөвхөн нэг цогц бүтээгдэхүүн хөгжүүлдэг ба бүтээгдэхүүний хөгжүүлэлтийг царцаах, зогсоох, өөр шинэ олон бүтээгдэхүүн, дараагийн шинэчлэгдсэн хувилбар хөгжүүлэхгүй. Цорын ганц бүтээгдэхүүний хөгжүүлэлт дээр тасралтгүй анхаарч ажилладаг.

ERP системийг мэргэжлийн, мэргэжлийн бус янз бүрийн хүмүүс бүгд ашиглах боловч манай систем илүү мэргэжлийн хүмүүст зориулагдсан. Хэрвээ та хүрэх үр дүн, ямар тайлан мэдээ гаргаж авахын тулд ямар дата, мэдээлэл оруулахаа мэдэж байвал системийн зүгээс ямар нэг хаалт, хориг тавихгүй бөгөөд ажил гүйлгээгээ стандартын дагуу хүссэнээрээ бүртгэх боломжийг олгоно.

Бүх хэрэглэгч програмын хамгийн сүүлийн шинэчлэгдсэн хувилбарыг нэгэн зэрэг, автомат авах ба суулгасан програм бүрт бүх модуль, цонх нээлттэй. Мэдээж хэрэг хэрэглэгчийн эрхийн тохиргоог дотооддоо өөрсдөө нээж, хааж тохируулах боломжтой. Системээ модульчилж, салгаж борлуулдаггүй.

IT бизнес эрхлэх, ялангуяа систем бүтээнэ гэдэг нь хүний олноор, хүний хүчээр хийчихдэг зүйл биш. Олон хүний хөгжүүлсэн системийн чанарыг, цөөн чанартай хөгжүүлэгчийн бүтээсэн системтэй харьцуулахад стандартгүй, алдаатай, уялдаа холбоо муутай байх нь элбэг. Манай компаний хувьд энэ салбартаа олон жил мэргэжлээрээ ажилласан, чадварлаг, мэргэжлийн хамт олон бүрдсэн.